ကလေးတွေအတွက် Lysine လိုအပ်သလား?
Lysine ဆိုတာဟာ ခန္ဓာကိုယ်အတွက် မရှိမဖြစ်အရေးပါတဲ့ အမိုင်နိုအက်စစ်ဖြစ်လို့ ကလေးတိုင်းအတွက် လိုအပ်ပါတယ်။
>> သားသားမီးမီးတို့အတွက် Lysine ရဲ့ အကျိုးကျေးဇူးတွေကတော့ -
● ခန္ဓာကိုယ်ကြီးထွားဖွံ့ဖြိုးမှုကို ကူညီပေးတယ်။
● စွမ်းအင်ရရှိစေတယ်။
● ကိုလက်စထရောပမာဏကို လျော့နည်းစေတယ်။
● ကော်လဂျင်ထုတ်လုပ်မှုကို ကူညီပေးတယ်။
● ကယ်လ်ဆီယမ်စုပ်ယူမှုကို ကူညီပေးခြင်းဖြင့် အရိုးနဲ့သွားတွေကို သန်မာစေပါတယ်။
Nutroplex 1
>> ဒီလိုအကျိုးကျေးဇူးတွေရှိတဲ့ Lysine ကိုသာ ခန္ဓာကိုယ်အတွက် လုံလုံလောက်လောက် မရရှိဘူးဆိုရင် -
● နုံးခြင်း
● မူးဝေခြင်း
● ပျို့ခြင်း
● အစားအသောက်ပျက်ခြင်း
● ကြီးထွားမှုနှောင့်နှေးခြင်း
● သွေးအားနည်းခြင်း
အစရှိတဲ့ လက္ခဏာတွေကို ခံစားရနိုင်ပါတယ်။
Nutroplex 2
ဒါကြောင့် သားသားမီးမီးတို့ကို Lysine ဓာတ်ကြွယ်ဝတဲ့ အစားအသောက်တွေ များများကျွေးပေးသင့်ပါတယ်။ အသားအမျိုးမျိုး၊ ငါးအမျိုးမျိုး၊ ဥအမျိုးမျိုး၊ ပဲအမျိုးမျိုး၊ အခွံမာသီး အစရှိတဲ့ အသားဓာတ်ကြွယ်ဝတဲ့ အစားအသောက်တွေကို ကျွေးပေးခြင်းဖြင့် ခန္ဓာကိုယ်အတွက် လိုအပ်တဲ့ Lysine ပမာဏကို ရရှိနိုင်ပါတယ်။ အကယ်၍ ကလေးဟာ သက်သတ်လွတ်စားတယ်ဆိုရင်၊ ပဲစားရတာကို မကြိုက်ဘူးဆိုရင်တော့ Lysine ဓာတ် လို၊ မလိုကို ဆရာဝန်နဲ့ တိုင်ပင်ပြီးတော့ လိုအပ်ခဲ့ရင် ဖြည့်စွက်အားဆေးတွေကို တိုက်ကျွေးပေးသင့်ပါတယ်။
Dr. Aye Hsu Mon (www.drmyanmar.com)
Related News And Articles
လူငယ်၊ လူလတ်၊ လူကြီးအရွယ်တွေအနေနဲ့ ကျန်းမာအသက်ရှည်ဖို့အတွက် နေ့စဉ်လေ့ကျင့်ခန်းလုပ်ဖို့ လိုအပ်သလို မွေးကင်းစ ကလေးငယ်လေးတွေ၊ လမ်းလျှောက်တတ်စ ကလေးငယ်တွေ တစ်နည်းအားဖြင့် အသက် ၅ နှစ်အောက် ကလေးငယ်တွေအနေနဲ့လည်း ကလေးလေ့ကျင့်ခန်းလို့ခေါ်ရလောက်တဲ့ သွက်သွက်လက်လက် လှုပ်ရှားပြုမူနေခြင်းမျိုးဟာ ကလေးနဲ့...
ကလေးတွေဟာ တစ်ဦးနှင့်တစ်ဦးမတူကြပေ စကားများတဲ့ကလေး၊ နည်းတဲ့ကလေး၊ ရှက်တတ်တဲ့ကလေး စသည်ဖြင့် ကွဲပြားနိုင်ပါတယ်။ ကစားဖော်အပေါင်းအသင်းရှိဖို့၊ ခင်မင်ရင်းနှီးဖို့တွေက ကလေးဘ၀ပုံမှန် ဖွ့ံဖြိုးဖို့အတွက် လိုအပ်ချက်တစ်ခုဖြစ်တာကြောင့် ရှက်ရွံ့နေခြင်းဟာ ပေါင်းသင်း ဆက်ဆံရေးကောင်းမွန်စေဖို့အတွက် အဟန့်အတား...
