ငှက်ပျောသီးထက်ပိုပြီး ပိုတက်ဆီယမ်ကြွယ်ဝတဲ့ အစားအသောက်များ

ပိုတက်ဆီယမ်မှာဆိုရင် သွေးပေါင်ချိန်ကို ထိန်းပေးခြင်း၊ အာဟာရဓာတ်တွေကို ဆဲလ်ထဲပို့ပေးခြင်း၊ အာရုံကြောနဲ့ကြွက်သားကျန်းမာရေးကို ကောင်းမွန်စေခြင်း စတဲ့ ကောင်းကျိုးတွေ ရှိပါတယ်။ ကိုယ်ခန္ဓာအတွက် မရှိမဖြစ်အရေးပါတဲ့ ပိုတက်ဆီယမ်ကို ကိုယ်ခန္ဓာကနေ မထုတ်ပေးနိုင်လို့ တစ်နေ့ကို ပမာဏ ၃၅၀၀ မီလီဂရမ်လောက် နေ့တိုင်းစားပေးဖို့ကို ကျွမ်းကျင်သူတွေက အကြံပြုထားပါတယ်။

ပိုတက်ဆီယမ်ကြွက်ဝတဲ့ အစားအစာလို့ ပြောလိုက်တာနဲ့ ငှက်ပျောသီးကို သတိရမိကြမှာပါ။ ငှက်ပျောသီး ၁၀၀ ဂရမ်မှာ ပိုတက်ဆီယမ် ၃၃၀ မီလီဂရမ် ပါဝင်ပါတယ်။ ဒါပေမဲ့ ငှက်ပျောသီးဟာ ကာဗွန်ဟိုက်ဒရိတ်လည်း ကြွယ်ဝလို့ ကိုယ်အလေးချိန် ထိန်းသိမ်းသူတွေ၊ ဆီးချိုသွေးချိုရောဂါရှိသူတွေအတွက်တော့ စားလို့ရပါ့မလားလို့ စဉ်းစားကောင်း စဉ်းစားနေကြမှာပါ။

ဒါကြောင့် ငှက်ပျောသီးထက် ပိုတက်ဆီယမ်ကြွယ်ဝပြီး ကာဗွန်ဟိုက်ဒရိတ်နည်းတဲ့ အစားအစာတွေကို ဖော်ပြပေးလိုက်ပါတယ်။

• ဗန်ဒါစေ့ (၁၀၀ ဂရမ်မှာ ပိုတက်ဆီယမ် ၈၃၄ မီလီဂရမ် ပါဝင်ပါတယ်)
• နေကြာစေ့ (၁၀၀ ဂရမ်မှာ ပိုတက်ဆီယမ် ၇၁၀ မီလီဂရမ် ပါဝင်ပါတယ်)
• ဟင်းနုနွယ် (၁၀၀ ဂရမ်မှာ ပိုတက်ဆီယမ် ၆၈၂ မီလီဂရမ် ပါဝင်ပါတယ်)
• ထောပတ်သီး (အလယ်အလတ်အရွယ် ထောပတ်သီးတစ်လုံးမှာ ပိုတက်ဆီယမ် ၆၃၀ မီလီဂရမ် ပါဝင်ပါတယ်)
• ဆယ်လ်မွန် (၁၀၀ ဂရမ်မှာ ပိုတက်ဆီယမ် ၃၅၇ မီလီဂရမ် ပါဝင်ပါတယ်)
• ငါးသေတ္တာ (၁၀၀ ဂရမ်မှာ ပိုတက်ဆီယမ် ၄၁၀ မီလီဂရမ် ပါဝင်ပါတယ်)
• ပန်းဂေါ်ဖီစိမ်း (၁၀၀ ဂရမ်မှာ ပိုတက်ဆီယမ် ၃၉၇ မီလီဂရမ် ပါဝင်ပါတယ်)

www.drmyanmar.com