အမျိုးသားတွေ အသက်ကြီးလာတဲ့အခါ ကျားဟော်မုန်း (Testosterone) ကို မှီဝဲပေးသင့်သလား ?
အသက်ကြီးလာတဲ့အခါ တစ်ချို့အမျိုးသားတွေဟာ ပြန်လည်ငယ်ရွယ်ချင်ကြလို့၊ ငယ်ငယ်ကလို စွမ်းဆောင်ရည် ပြန်တက်ချင်လို့ဆိုပြီး ကျားဟော်မုန်း ထိုးဆေး၊ သောက်ဆေးတွေကို မှီဝဲတတ်ကြပါတယ်။ ဒီလိုမှီဝဲဖို့ တကယ်လိုအပ်ရဲ့လားဆိုတာ တစ်ချက်လောက် ကြည့်လိုက်ရအောင်နော်။
ကျားဟော်မုန်း (Testosterone) ဆိုတာ ဘာလဲ ?
ကျားဟော်မုန်း (Testosterone) ဆိုတာ အဓိကအားဖြင့် ဝှေးစေ့ကနေထုတ်ပေးတဲ့ ဟော်မုန်းတစ်မျိုးပဲ ဖြစ်ပါတယ်။ သူ့ရဲ့လုပ်ငန်းဆောင်တာတွေကတော့
♦ အရိုးသိပ်သည်းဆကို ကောင်းမွန်စေခြင်း
♦ ကြွက်သားထုထည်နဲ့ သန်မာမှုကို ကောင်းမွန်စေခြင်း
♦ မျက်နှာနဲ့ ခန္ဓာကိုယ်ရှိ အမွှေးအမျှင်တွေကို သန်စေခြင်း
♦ သွေးနီဥထုတ်လုပ်မှုကို အားပေးခြင်း
♦ လိင်စိတ်ဆန္ဒကို ကောင်းမွန်စေခြင်း
♦ သုက်ပိုးထုတ်လုပ်မှုကို အားပေးခြင်း စတာတွေပဲ ဖြစ်ပါတယ်။
Oligocare IA 1
အသက်အရွယ်ရလာတဲ့အခါ ကျားဟော်မုန်း လျော့နည်းနိုင်သလား ?
မြီးကောင်ပေါက်အရွယ်နဲ့ လူငယ်ဘဝအစောပိုင်းအရွယ်မှာ သွေးတွင်းကျားဟော်မုန်းပမာဏဟာ အမြင့်ဆုံးဖြစ်ပြီးတော့ အသက်ကြီးလာတာနဲ့အမျှ တဖြည်းဖြည်း လျော့နည်းလာပါတယ်။
ကျားဟော်မုန်းနည်းတဲ့အခါ ဘယ်လိုလက္ခဏာတွေ ဖြစ်နိုင်သလဲ ?
♦ လိင်ပိုင်းဆိုင်ရာပြောင်းလဲမှု - လိင်စိတ်အဆ္ဒလျော့နည်းခြင်း၊ လိင်တံထောင်မတ်ရန် ခက်ခဲခြင်း၊ ကလေးရနိုင်ခြေ နည်းပါးခြင်း
♦ ရုပ်ပိုင်းဆိုင်ရာပြောင်းလဲမှု - ကြွက်သားသိမ်ပြီး အဆီများလာခြင်း၊ အရိုးသိပ်သည်းဆနည်းခြင်း၊ ရင်သားစူလာခြင်း၊ အမွှေးအမျှင်များ နည်းပါးလာခြင်း
♦ စိတ်ပိုင်းဆိုင်ရာပြောင်းလဲမှု - အာရုံမစိုက်နိုင်ခြင်း၊ ကိုယ့်ကိုကိုယ်ယုံကြည်မှု မရှိခြင်း၊ ဝမ်းနည်းခြင်း၊ စိတ်ဓာတ်ကျခြင်း
အစရှိတဲ့ လက္ခဏာတွေကို ခံစားရနိုင်ပါတယ်။
Oligocare IA 2
ကျားဟော်မုန်းနည်းတဲ့လက္ခဏာတွေရှိရင် ကျားဟော်မုန်းမှီဝဲသင့်ပါသလား ?
ကျားဟော်မုန်းနည်းတာဟာ အသက်ကြီးလို့ ဖြစ်တာလား၊ ရောဂါကြောင့် ဖြစ်တာလားဆိုတာကို အရင်ခွဲခြားဖို့ လိုအပ်ပါတယ်။ ကျားဟော်မုန်းထုတ်ပေးတဲ့ ဝှေးစေ့ (သို့) ကျားဟော်မုန်းထုတ်လုပ်မှုကို လှုံ့ဆော်ပေးတဲ့ Pituitary gland မှာ ပြဿနာရှိတဲ့အခါ ပုံမှန်ပမာဏကို မထုတ်လုပ်နိုင်တာကြောင့် ဒီလိုပြဿနာတွေရှိမှသာ ဆရာဝန်နဲ့တိုင်ပင်ပြီးတော့ ကျားဟော်မုန်းကို မှီဝဲပေးသင့်ပါတယ်။ ဒီလိုပြဿနာတွေ မရှိခဲ့ရင်တော့ ကျားဟော်မုန်းနည်းတာဟာ အသက်ကြီးတဲ့အခါ ဖြစ်လေ့ရှိတဲ့ သဘာဝဖြစ်စဥ်တစ်ခုဖြစ်လို့
♦ ကိုယ်အလေးချိန်လျှော့ချခြင်း
♦ လေ့ကျင့်ခန်းပုံမှန်လုပ်ခြင်း
♦ အသီးအနှံ၊ ဟင်းသီးဟင်းရွက်၊ ပရိုတင်းသီးသန့်၊ အစေ့အဆံတွေ များများစားခြင်း
♦ တာရှည်ခံအစားအသောက်တွေနဲ့ ကျန်းမာရေးနဲ့မညီညွတ်တဲ့အဆီတွေကို ချင့်ချိန်စားသုံးခြင်း
♦ ဆေးလိပ်ဖြတ်ခြင်း
♦ အရက်ကို ချင့်ချိန်သောက်သုံးခြင်း
♦ အမျိုးသားကျန်းမာရေးအတွက် အထောက်အကူဖြစ်မယ့် ဗီတာမင်နဲ့ သတ္တုဓာတ်များပါဝင်တဲ့ ဖြည့်စွက်ဆေးဝါးများ သောက်သုံးခြင်း
အစရှိတဲ့ နည်းလမ်းတွေနဲ့သာ ကိုယ့်ရဲ့ ကျန်းမာရေးကို မြှင့်တင်ပေးသင့်ပါတယ်။
Related News And Articles
ကိုယ်ဝန်တားဆေးကဒ်ကို သေချာစွာမသောက်သုံးခြင်းက မတော်တဆ ကိုယ်ဝန်ရဖို့အလားအလာရှိနိုင်တာကြောင့် ညွှန်ကြားထားတဲ့အတိုင်း နေ့တိုင်းအချိန်မှန်မှန်သောက်ပေးဖို့ လိုအပ်ပါတယ်။ ကိုယ်ဝန်ရရှိနှုန်းဟာ သောက်သုံးရန်ပျက်ကွက်တဲ့ဆေးလုံး ပမာဏ၊ သောက်သုံးရန်ပျက်ကွက်သည့်အတန်းနှင့် ဆေးသောက်ရန်ပျက်ကွက်နေသည့် အတော...
အရက်သောက်သုံးခြင်းကြောင့် အသည်းကိုထိခိုက်စေပါတယ်။ အရက်ကိုအလွန်အကျွံသောက်သုံးခြင်းနှင့် နှစ်ရှည်လများ သောက်သုံးခြင်းကြောင့် အသည်းရောင်ခြင်း၊ အသည်းခြောက်ခြင်း စတာတွေကိုဖြစ်စေပါတယ်။ ရောဂါလက္ခဏာများ
အတွေ့များတဲ့ရောဂါလက္ခဏာတွေကတော့ မျက်သားဝါခြင်းနှင့် အရေပြားဝါလာခြင်းတို့ပဲဖြစ်ပါတယ်။...
