ကလေးတွေ လည်ချောင်းယားယံပြီး ချောင်းဆိုးနေသလား
လည်ချောင်းယားယံတာဟာ လည်ချောင်းနာတာနဲ့ယှဉ်လိုက်ရင် သိပ်မဆိုးပေမယ့် စိတ်အနှောင့်အယှက်ဖြစ်စေတဲ့ လက္ခဏာတစ်ရပ်ပါ။ လည်ချောင်းယားယံစေတဲ့ ချွဲသလိပ်၊ ဖုန့်မှုန့် စတာတွေ လည်ချောင်းထဲရှိနေတဲ့အခါ
ခန္ဓာကိုယ်က ချောင်းဆိုးလိုက်ခြင်းဖြင့် ဒီအရာတွေကို အသက်ရှူလမ်းကြောင်းကနေတစ်ဆင့် ဖယ်ရှားပေးပါတယ်။ ဒါပေမဲ့လည်း ချောင်းဆိုးတာဟာ လည်ချောင်းယားယံစေတဲ့အရာတွေကို အမြဲတမ်းတော့ ဖယ်ရှားပေးနိုင်မှာ မဟုတ်ပါဘူး။
Atussin Kids 1
>> ဘာကြောင့် လည်ချောင်းယားယံရတာလဲ?
များသောအားဖြင့်တော့ ဖုန်မှုန့်၊ ဆေးလိပ်ငွေ့၊ ပန်းဝတ်မှုန် စတဲ့ ခန္ဓာကိုယ်နဲ့ ဓာတ်မတည့်တဲ့အရာတွေကို ရှူမိလို့ ဖြစ်ရတာပါ။ ရောဂါတွေကြောင့်ဆိုရင်တော့ အသံအိုးရောင်ခြင်း၊ ထိပ်ကပ်နာ၊ လည်ချောင်းနာခြင်း၊ ပန်းနာရင်ကြပ် စတာတွေကြောင့်ဖြစ်ပြီး ရေဓာတ်ခန်းခြောက်နေရင်လည်း လည်ချောင်းယားပြီး ချောင်းဆိုးတတ်ပါတယ်။
>> ကလေးတွေ လည်ချောင်းယားပြီး ချောင်းဆိုးတာကို သက်သာအောင် ဘယ်လိုလုပ်ပေးရမလဲ?
လည်ချောင်းယားပြီး ချောင်းဆိုးတာဟာ များသောအားဖြင့် အန္တရာယ်မရှိတတ်တာကြောင့် အိမ်တွင်းနည်းလမ်းလေးတွေနဲ့ပဲ သက်သာအောင်လုပ်ပေးလို့ ရပါတယ်။
● ရေနွေးနွေးလေးထဲကို သံပုရာရည်ညှစ်ပြီး ဒါမှမဟုတ် ပျားရည်ထည့်ပြီး တိုက်ပါ။
● စွပ်ပြုတ်ပူပူလေး တိုက်ပါ။
● ငုံဆေးငုံပေးပါ။
● ရေများများတိုက်ပါ။
Atussin Kids 2
● ကလေးအိပ်တဲ့အခါ Humidifier ဖွင့်ပေးထားပါ။
● ကလေးကို ကောင်းကောင်း အနားယူစေပါ။
● ရေနွေးနွေးလေးနဲ့ ရေချိုးပေးပါ။
>> ဘယ်အချိန်မှာ ဆရာဝန်နဲ့ ပြသသင့်သလဲ?
● လည်ချောင်းယားယံပြီး ချောင်းဆိုးတာဟာ သုံးပတ်နဲ့အထက် ကြာနေပြီဆိုရင်
● လည်ချောင်းယားယံတာအပြင် ဖျားခြင်း၊ အစာမျိုရခက်ခြင်း၊ အသက်ရှူတဲ့အခါ တရွှီရွှီမြည်ခြင်း၊ အကျိတ်ရောင်ခြင်းတွေပါ ရှိလာပြီဆိုရင်တော့ ဆရာဝန်နဲ့ ပြသသင့်ပါတယ်။
Dr. Aye Hsu Mon (www.drmyanmar.com)
Related News And Articles
မေမေတို့သိထားတဲ့အတိုင်း ဘေဘီလေးတွေရဲ့ အသားအရေဟာ နူးညံ့ပြီး ထိခိုက်လွယ်တာကြောင့် ရေချိုးဆပ်ပြာကို သေချာရွေးချယ်ပြီး၊ ရေချိုးပြီးတဲ့အခါ အသားအရေကို သေချာထိန်းသိမ်းပေးသင့်ပါတယ်။ ဒီလိုလုပ်ပေးခြင်းဖြင့် ဘေဘီလေးရဲ့အသားအရေကို နူးညံ့ချောမွေ့စေပြီး ဓာတ်မတည့်မှုကင်းဝေးကာ ကျန်းမာတဲ့အသားအရေကို ရရှိစေပါတယ်။...
ဘေဘီလေးတွေဟာ မွေးခါစမှာ ကိုယ်ခံအားစနစ်ဟာ ကောင်းစွာမဖွံ့ဖြိုးသေးတာကြောင့် ရောဂါပိုးကူးစက်လွယ်၊ မကြာခဏ ဖျားနာလွယ်တတ်ကြပါတယ်။ ဒါပေမယ့် အသက်ကြီးလာတာနဲ့အမျှ ကိုယ်ခံအားစနစ်ဟာလည်း ပိုမိုဖွံ့ဖြိုးလာပါတယ်။ ငယ်ငယ်က မိခင်နို့ကနေရရှိတဲ့ ပဋိဇီဝပစ္စည်းတွေကြောင့် ကိုယ်ခံစွမ်းအား ကောင်းမွန်နေပေမယ့် ခန္ဓာကိုယ်ဖွံ...