ကလေးများနဲ့ သွေးအားနည်းရောဂါ

>>  သွေးအားနည်းရောဂါရှိရင် ဘယ်လိုလက္ခဏာတွေ ခံစားရနိုင်သလဲ?
ဘာသွေးအားနည်းရောဂါ အမျိုးအစား ဖြစ်တာလဲအပေါ် မူတည်ပြီးတော့ -
●  နှလုံးခုန်မြန်ခြင်း
●  မောခြင်း
●  အလွယ်တကူ ပင်ပန်းလွယ်ခြင်း
●  ခေါင်းမူးခြင်း၊ ထိုင်ရာမှအထမှာ ချာချာလည်အောင် မူးခြင်း
●  ခေါင်းကိုက်ခြင်း
●  ဂနာမငြိမ်ခြင်း၊ ဂျီကျခြင်း
●  အပျိုဖော်ဝင်ချိန် နောက်ကျခြင်း
●  လျှာပြောင်ချော ရောင်ရမ်းနေခြင်း
●  မျက်လုံးဝါ၊ အသားဝါခြင်း
●  အသည်းနဲ့ ဘေလုံး ကြီးခြင်း
●  ကြီးထွားဖွံဖြိုးမှု နှေးခြင်း (သို့) နောက်ကျခြင်း
●  အနာကျက်နှေးခြင်း အစရှိတဲ့လက္ခဏာတွေ ခံစားရနိုင်ပါတယ်။

>>  သွေးအားနည်းရောဂါကို ဘယ်လိုကုသလို့ရသလဲ?
မိမိတို့ကလေးဟာ အထက်ဖော်ပြပါလက္ခဏာတွေကို ခံစားနေရပြီဆိုရင် ကျွမ်းကျင်သူများနဲ့ ဆွေးနွေးတိုင်ပင်ပါ။ ကျွမ်းကျင်သူများမှ လိုအပ်တဲ့ စမ်းသပ်စစ်ဆေးမှုတွေ ပြုလုပ်ပြီး သွေးအားနည်းရောဂါ အမျိုးအစားအလိုက် ကုသမှုတွေ ပေးပါလိမ့်မယ်။

>>  သွေးအားနည်းရောဂါကို ဘယ်လိုကာကွယ်လို့ ရနိုင်သလဲ?
မျိုးရိုးလိုက်တဲ့ သွေးရောဂါတွေကို ကာကွယ်လို့မရပေမယ့် အာဟာရချို့တဲ့ခြင်းကြောင့်ဖြစ်တဲ့ သွေးအားနည်းရောဂါကိုတော့ ကာကွယ်လို့ ရပါတယ်။ ကလေး နေ့စဉ်စားမယ့် အစားအသောက်ထဲမှာ သံဓာတ်ကြွယ်ဝတဲ့ အသား၊ ဥ၊ အစိမ်းရင့်ရောင် ဟင်းသီးဟင်းရွက်များ၊ ဗီတာမင် B12 ကြွယ်ဝတဲ့ အနီရောင်အသားများနဲ့ ဖောလစ်အက်စစ်ကြွယ်ဝတဲ့ ပန်းဂေါ်ဖီစိမ်း၊ အစိမ်းရင့်ရောင် ဟင်းသီးဟင်းရွက်များ၊ ပဲအမျိုးမျိုး၊ အသည်း စတာတွေ ပါဝင်အောင် ကျွေးပေးပါ။ လိုအပ်ပါက ဖြည့်စွက်အားဆေးများလည်း တိုက်ကျွေးလို့ ရပါတယ်။

Dr. Aye Hsu Mon (www.drmyanmar.com)