အရိုးအဆစ်တွေ သန်မာစေဖို့ ရိုးရှင်းလွယ်ကူသော နည်းလမ်းကောင်းများ

(၁)  နေ့စဉ်လှုပ်ရှားတက်ကြွစွာ နေထိုင်ပါ
နေ့စဉ်ကိုယ်လက်လှုပ်ရှားပေးခြင်းဟာ အရိုးအဆစ်တွေကို သန်မာကြံ့ခိုင်စေရေးအတွက် အလွယ်ကူဆုံး နည်းလမ်းတစ်ခု ဖြစ်ပါတယ်။
လှုပ်ရှားမှုပြုလုပ်ခြင်းဖြင့် အရိုးတွေကို ကာရံထားတဲ့ ကြွက်သားတွေကို သန်မာကြံ့ခိုင်စေပါလိမ့်မယ်။ သင့်အနေနှင့် ပြင်းထန်စွာလှုပ်ရှားနေဖို့ မလိုပါဘူး။
●  အတန်အသင့်လှုပ်ရှားရသော လေ့ကျင့်ခန်းများကို တစ်နေ့ ၁၀ မိနစ်လောက် အနည်းဆုံး ပြုလုပ်ပေးပါ။
●  တစ်ပတ်ကို ၅ ရက်လောက် ပြုလုပ်နိုင်ရင် အဆင်ပြေပါတယ်။
●  မနက်ခင်း အိမ်ပြင်ထွက် လမ်းလျှောက်ခြင်းဖြင့်လည်း ကိုယ်လက်လှုပ်ရှားမှုရှိစေပြီး နေရောင်ခြည်ကနေ ဗီတာမင်ဒီကို ရရှိနိုင်ပါတယ်။

(၂)  ကျန်းမာရေးနှင့် ညီညွတ်အောင် စားသောက်ပေးပါ
နေ့စဉ် အသီးအရွက်နှင့် သစ်သီးများစားပေးခြင်း၊ ရေနွေးကြမ်းသောက်ခြင်း၊ အိုမီဂါ 3 ရရှိစေဖို့ တူနာငါး၊ ဆာဒင်းငါးကဲ့သို့ အဆီပါတဲ့ငါးများ စားပေးခြင်း၊ အစေ့အဆံများစားခြင်း၊ ဂျုံပါသောအစာများစားခြင်းအပြင် ရေများများသောက်ခြင်းကိုလည်း ပြုလုပ်ပေးရပါမယ်။