အမျိုးသမီးတိုင်းလိုက်နာသင့်တဲ့ မိန်းမကိုယ်သန့်ရှင်းကျန်းမာစေမယ့် နည်းလမ်းကောင်းများ

6. ကွန်ဒုံးအသုံးပြုပါ။
အကာအကွယ်မဲ့ လိင်ဆက်ဆံခြင်းဖြင့် လိင်ကတစ်ဆင့် ကူးစက်သောရောဂါများ ဝင်ရောက်နိုင်တဲ့အတွက် ကွန်ဒုံး အသုံးပြုသင့်ပါတယ်။

7. အတွင်းခံကျပ်ကျပ်များ ဝတ်ဆင်ခြင်း ရှောင်ပါ။
အတွင်းခံကို ချည်သားပွပွများဝတ်ဆင်ဖို့ ပညာရှင်များ အကြံပေးထားပါတယ်။ တင်းကျပ်သောအတွင်းခံနဲ့ ဘောင်းဘီတွေကြောင့် မိန်းမကိုယ်တစ်ဝိုက် ချွေးထွက်စေပြီး စိုစွတ်ယားယံစေပါတယ်။

8. မှန်ကန်သောနည်းလမ်းဖြင့် မိန်းမကိုယ်ကို သန့်စင်ပါ။
မိန်းမကိုယ်သန့်စင်တဲ့အခါမှာ အရှေ့ကနေ အနောက် (မိန်းမကိုယ်ကနေစအို) ကို သုတ်သင်ပေးခြင်းက မှန်ကန်တဲ့နည်းလမ်း ဖြစ်ပါတယ်။ မဟုတ်ပါက စအိုက ဘက်တီးရီးယားပိုးတွေကို မိန်းမကိုယ်သို့ ပို့ဆောင်သလို ဖြစ်စေပါတယ်။

9. ဆီးခုံမွေး အပြောင်မရိတ်ပါနဲ့။
ဆီးခုံမွေးများဟာ ကြည့်ရဆိုးပြီး မသန့်ရှင်းစေသလို ခံစားရနိုင်ပေမယ့် သုတေသနများအရ ဆီးခုံမွေးများရှိခြင်းကြောင့် မိန်းမကိုယ်တွင်းသို့ ပိုးဝင်ခြင်းကို ကာကွယ်နိုင်ကြောင်း သိရပါတယ်။

10. မိန်းမကိုယ်ပိုးဝင်ခြင်းလက္ခဏာများ တွေ့ရှိပါက မပေါ့ဆပါနဲ့။
မိန်းမကိုယ်မှ အနံ့ဆိုးများ ဖြစ်ပေါ်ခြင်း၊ အရည်ဆင်းခြင်းများဖြစ်ပေါ်ခြင်း၊ မိန်းမကိုယ်ယားယံခြင်း၊ နာကျင်ခြင်းတို့ ဖြစ်ပေါ်ပါက အချိန်မဆွဲဘဲ ဆရာဝန်နဲ့ပြသသင့်ပါတယ်။

11. ဆေးမြီးတိုများဖြင့်ကုသခြင်းကိုရှောင်ကြဉ်ပါ။
မိန်းမကိုယ်တစ်ဝိုက် ဖြစ်ပေါ်သောရောဂါများအတွက် သားဖွားမီးယပ်ဆရာဝန်ကိုသာ အချိန်မီပြသဖို့ အကြံပေးလိုပါတယ်။ ဆေးမြီးတိုများဖြင့် ကုသခြင်းက ရောဂါကို ပိုဆိုးစေမယ့်အပြင် နောက်ဆက်တွဲဆိုးကျိုးများကိုလည်း ဖြစ်ပေါ်စေနိုင်ပါတယ်။

လေပြေနုသွေး (ဆေး-၂) (www.drmyanmar.com)