ကလေး နှင့် ဦးခေါင်းပုံစံ

>> ဦးထုပ်အမာများနှင့်ကလေးခေါင်းပုံစံ

          ကလေးခေါင်းပုံစံပြောင်းအောင်လို့ အနေအထားအမျိုးမျိုးပြောင်းပေးပြီးလို့ အသက် ၆ လကျော်အထိ ခေါင်းမညီတာက တိုးတက်ပြီးကောင်းလာတာမရှိဘူး (သို့) အသက် ၈ လကျော်တဲ့အထိ ခေါင်းမညီတာကဆိုးဆိုးရွားရွားဆက်ရှိနေဦးမယ်ဆိုရင် ဆရာဝန်က ကလေးခေါင်းပုံစံပြန်ပြင်ပေးဖို့အတွက် ပုံသွင်းတဲ့ဦးထုပ်အမာတွေစောင်းဖို့ညွှန်ကြားပါလိမ့်မယ်။ ကလေးခေါင်းနဲ့ အံဝင်အောင်လုပ်ထားတဲ့ဦးထုပ်က ခေါင်းပြားတဲ့ညက်ကို သက်ရောက်နေတဲ့ဖိအားတွေကို လျော့နည်းစေပါတယ်။

          ဒီလိုပုံသွင်းဦးထုပ်တွေက ကလေး ဦးခေါင်းက ပုံသွင်းလို့ရသေးပြီး ဦးနှောက်ကလည်းဖွံဖြိုးနေတဲ့ အသက် ၄-၁၂ လအတွင်းမှာဆို၇င် အကျိုးသက်ရောက်မှုအရှိဆုံးပါ။ ကလေးအသက် တစ်နှစ်ကျော်သွားတဲ့အခါမှာ ဦးခေါင်းခွံနှစ်ခြမ်းပေါင်းသွားပြီး ဦီးခေါင်းဖွံဖြိုးမှုလည်းနည်းသွားပြီဖြစ်တဲ့အတွက် ဒီအရွယ်ဆိုရင်တော့ ဦးထုပ်နဲ့ပုံသွင်းတဲ့ကုထုံးက အကျိုးမရှိတော့ပါဘူး။

>> အိပ်စက်ပုံအနေအထားကြောင့် ခေါင်းမညီတာမဟုတ်ဘဲ ဘာအကြောင်းတွေရှိနိုင်သေးလဲ?

          တစ်ခါတစ်လေမှာ Torticollis လို့ခေါ်တဲ့ ကြွက်သားပြသနာတွေကြောင့်လည်း ကလေးဦးခေါင်းတစ်ခြမ်းစောင်းနေတတ်ပါတယ်။ တင်းနေတဲ့ကြွက်သားကိုအထောက်အကူပြုဖို့နဲပ ကလေးခေါငး်လှုပ်ရှားရတာလွတ်လပ်ဖို့အတွက် ဦးခေါင်းပြုပြင်မှုကုထုံးတွေလိုပါတယ်။

          ရှားပါးဖြစ်စဉ်အနေနဲ့ ကလေးခေါင်းမှာရှိတဲ့ အရိုးပြား ၂ခုနဲ့အထက်က အချိန်မတန်သေးဘဲ ပေါင်းသွားတာမျိုးဖြစ်တတ်ပါတယ်။ ဒီလိုပေါင်းစပ်မာကြောသွားမှုကြောင့် ကလေးဦးနှောက်ဖွံ့ဖြိုးလာတဲ့အခါမှာ ခေါင်းရဲ့ အခြားအစိတ်အပိုင်းတွေကိုတွန်းထုတ်လိုက်ပြီး ခေါင်းပုံစံမမှန်ဖြစ်တတ်ပါတယ်။ ဒါကို craniosynostosis လို့ခေါ်ပြီး ကလေးအသက် တစ်နှစ်အတွင်းမှာ ကုသဖို့အရေးကြီးပါတယ်။ ဦးနှောက်ဖွံ့ဖြိုးမှုအတွက် လုံလောက်တဲ့နေရာရဖို့အတွက် ဒီပေါင်းသွားတဲ့ ဦးခေါင်းခွံတွေကိုခွဲစိတ်ပြီး ပြန်ခွဲပေးရပါမယ်။

          ဒီတော့ မိမိကလေးရဲ့ဦးခေါင်းပုံစံနဲ့ပတ်သက်ပြီး စိတ်ထဲမှာ သင်္ကာမကင်းဖြစ်နေတယ်ဆိုရင်တော့ ကလေးဆရာဝန်နဲ့ သေချာတိုင်ပင်ဆွေးနွေးကြည့်ပါလို့ အကြံပြုလိုပါတယ်။

Dr. Mya Myo Myo Swe (www.drmyanmar.com)