ချင်းရဲ့ ကျန်းမာရေး အကျိုးကျေးဇူးများ
ဟင်းချက်တဲ့အခါမှာ ဟင်းခတ်အမွှေးအကြိုင်အဖြစ် အသုံးပြုတဲ့ချင်းဟာ ကျန်းမာရေးအတွက်လည်း အလွန်အထောက်အကူပြုပါတယ်။
● အစာချေစနစ်ကို အားပေးပါတယ်။
ချင်းမှာပါတဲ့ ဓာတ်တချို့ဟာ ဗိုက်မကောင်းတာကို သက်သာစေပါတယ်။ ပြီးတော့ အစာချေဖျက်ရာမှာ လိုအပ်တဲ့ သွားရည်နဲ့ သည်းခြေရည်ထွက်တာကိုလည်း အားပေးပြီး အစာချေလမ်းကြောင်းတစ်လျှောက် အစာတွေ ဖြတ်သန်းနေတုန်းမှာလည်း အစာအိမ်၊ အူတွေ ညှစ်တာကို တားဆီးပေးပါတယ်။
ပြီးတော့ အစာတွေ စီးဆင်းရာမှာ မြန်ဆန်စေတဲ့အတွက်ကြောင့် အူမကြီးကင်ဆာနဲ့ ဝမ်းချုပ်တာကိုလည်း ကာကွယ်ပေးပါတယ်။
● မအီမသာဖြစ်တာကိုလည်း သက်သာစေပါတယ်။
ကင်ဆာသမားတွေ ကုသမှုခံယူတဲ့အခါ ဖြစ်တတ်တဲ့ မအီမသာဖြစ်ခြင်းကို ချင်းအစိမ်းလိုက် ဝါးတာ၊ ချင်းလက်ဖက်ရည် သောက်တာက သက်သာစေပါတယ်။
ကားမူးတဲ့အခါမျိုးမှာလည်း ချင်းကို အသုံးပြုတာက မအီမသာဖြစ်တာကို သက်သာစေပေမယ့် ပျို့အန်တာကိုတော့ မတားဆီးနိုင်ပါဘူး။ ကိုယ်ဝန်ဆောင်ချိန် မအီမသာဖြစ်တာအတွက်လည်း သုံးပေးနိုင်ပါတယ်။
● အအေးမိ၊ တုပ်ကွေး ဖြစ်တာတွေအတွက်လည်း ကောင်းပါတယ်။
အေးတဲ့ရာသီမှာ ချင်းပြုတ်ရည်သောက်တာ အရမ်းကောင်းပါတယ်။ ချွေးထွက်အောင် လုပ်ပေးပြီး ခန္ဓာကိုယ်အတွင်းထဲက နွေးလာအောင် လုပ်ပေးပါတယ်။
ချင်းကို လှီးပြီး ရေနွေးခွက်ထဲ ထည့်ပေးရုံနဲ့ သောက်လို့ရပါပြီ။ တချို့ကလည်း သံပရာရည် ၊ ပျားရည် စတာတွေ ထည့်သောက်ကြပါတယ်။
အအေးမိ၊ တုပ်ကွေး ဖြစ်တာတွေအတွက်လည်း ကောင်းတဲ့ဆေးတစ်ခွက်ပါ။
● နာကျင်တာကိုလည်း သက်သာစေပါတယ်။
ချင်းဟာ လေ့ကျင့်ခန်းလုပ်တဲ့အခါ ဖြစ်တတ်တဲ့ ကြွက်သားနာကျင်တာကို သက်သာစေပါတယ်။ ဒါ့အပြင် ရာသီလာရင် ဖြစ်တတ်တဲ့ ကိုက်ခဲခြင်းကိုလည်း သက်သာစေပါတယ်။
● ရောင်ရမ်းတာကိုလည်း သက်သာစေပါတယ်။
ချင်းကို လွန်ခဲ့တဲ့နှစ်ပေါင်းများစွာတည်းက ရောင်ရမ်းတာတွေကို ကုသတဲ့နေရာမှာ အသုံးပြုခဲ့ကြပါတယ်။ ချင်းကို အရိုးအဆစ်ရောင်ရမ်းတဲ့နေရာမှာလည်း သုံးလို့ရပါတယ်။
● နှလုံးသွေးကြောစနစ်ကို ကျန်းမာစေပါတယ်။
ချင်းဟာ ခန္ဓာကိုယ်က အဆီတွေကို လျော့ကျစေတဲ့အပြင် သွေးခဲဖြစ်တာကိုလည်း တားဆီးပေးပါတယ်။ ဒါ့အပြင် သွေးတွင်းသကြားဓာတ်ကိုလည်း ထိန်းညှိပေးပါတယ်။
>> ဆိုးကျိုးတွေကရော
ဘယ်အရာမဆို တန်ဆေး လွန်ဘေးပါပဲ။ တချို့လူတွေမှာ အစာအိမ်ထဲက အက်ဆစ်တွေ ပြန်တက်တာ ဆိုးတာမျိုး၊ ဝမ်းလျှောစေတာမျိုးတွေ ဖြစ်တတ်ပါတယ်။
ကိုယ်ဝန်ဆောင်တွေ၊ သည်းခြေကျောက်တည်တဲ့ လူနာတွေ၊ သွေးမတိတ်တဲ့ရောဂါရှိတဲ့ လူတွေမှာတော့ ဆရာဝန်နဲ့ တိုင်ပင်ပြီး သုံးစွဲသင့်ပါတယ်။
Dr. Htar (www.drmyanmar.com)
Related News And Articles
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...
အသည်းဟာ ခန္ဓာကိုယ်ထဲဝင်လာတဲ့ အဆိပ်အတောက်တွေကို ဖယ်ရှားပေးခြင်း၊ သည်းခြေရည် ထုတ်လုပ်ပေးခြင်း၊ သွေးတွင်းသကြားဓာတ် ထိန်းညှိပေးခြင်း အစရှိတဲ့ လုပ်ဆောင်ချက်တွေကို တာဝန်ယူလုပ်ဆောင်ပေးနေတာကြောင့် ခန္ဓာကိုယ်အတွက် မရှိမဖြစ်အရေးပါတဲ့ အစိတ်အပိုင်းတစ်ခု ဖြစ်ပါတယ်။
ဒါကြောင့် မိမိတို့ဘ...