ဆီးချို သို့မဟုတ် အသံတိတ်လူသတ်သမား

​​♦ အမြင်​အာရုံ​ဝေဝါးလာခြင်​း

      အရင်​တုန်​းက​လိုအမြင်​မကြည်​မလင်​ ​ဝေဝါးလာတာကို သတိထားမိလာမှာပါ။ ​ဆီးချို​ဝေဒနာရှင်​​တွေမှာ ​သွေးတွင်​းအချိုဓာတ်​ ပုံမှန်​ထက်​ပို​တက်​လာတဲ့အခါ မျက်​လုံးထဲမှာ အရည်​​တွေစုပုံလာပြီး မှန်​ဘီလူးပုံစံ​ပြောင်​းသွားကာ စူးစိုက်​ကြည်​့မရပဲ ​ဝေဝါးလာတာဖြစ်​ပါတယ်​။ အမြင်​အာရုံမကြည်​လင်​တဲ့အခါမှာ ကား​မောင်​းရတာ၊ အလုပ်​လုပ်​ရတာ အဆင်​မ​ပြေဖြစ်​တတ်​လာပြီး မကြာခဏ​ခေါင်​းကိုက်​လာတတ်​ပါတယ်​။

​​♦ အနာကျက်​​နှေးခြင်​း

     ဆီးချိုမထိန်​းနိုင်​သူ​တွေမှာ အနာတရထိခိုက်​မှု​တွေ ဖြစ်​လာခဲ့ရင်​ ​တော်​ရုံအနာမကျက်​​တော့ပဲ ပိုးဝင်​တဲ့အထိ ဖြစ်​တတ်​ပါတယ်​။ ဆီးချိုဖြစ်​တာကြာလာတဲ့အခါ အာရုံ​ကြောနဲ့ ​သွေး​ကြော​တွေကို ထိခိုက်​လာတဲ့အတွက်​ ​သွေး​ကောင်​း​ကောင်​းမ​လျောက်​​တော့တာ​ကြောင်​့ အနာကျက်​နှုန်​း​နှေးလာတာဖြစ်​ပါတယ်​။ အထူးသဖြင်​့ ​ခြေ​ထောက်​​တွေမှာ အဖြစ်​များပြီး အနာ​သေး​သေး​လေးက​နေ ပိုးဝင်​တာ​တွေ၊ ​နောက်​ဆုံး ​ခြေ​ထောက်​ဖြတ်​လိုက်​ရတာ​တွေအထိ​တောင်​ ဖြစ်​နိုင်​ပါတယ်​။ ဒီလို ​ခြေ​ထောက်​အနာ​တွေဟာ အရည်​တစီစီရွှဲစို​ပြီး အနံဆိုးတတ်​ပါတယ်​။

​​♦ အ​ရေပြားပြဿနာများ

    ခန္ဓာကိုယ်​ကဆဲလ်​​တွေဟာ အင်​ဆူလင်​ကို လက်​သင်​့မခံတဲ့အခါမျိုးမှာ အ​ရေပြားပြဿ    နာတွေ ကြုံ​တွေ့ရတတ်​ပါတယ်​။ အ​ရေပြားကြား​တွေထဲမှာ အ​ရေပြားအတက်​က​လေး​တွေ ​ပေါ်လာတတ်​ပါတယ်​။ ဒါတင်​မက လည်​ဂုတ်​​၊ လက်​​၊ ချိုင်​းကြား​၊ မျက်​နှာနဲ့ အခြား​နေရာ​တွေမှာ မည်​းမည်​းထူထူအသား​တွေ အကွက်​လိုက်​ ဖြစ်​လာတတ်​ပါ​သေးတယ်​။ွ ​သွေးထဲအချိုဓာတ်​အလွန်​တက်​လာတဲ့အခါမှာလည်​း အရည်​ကြည်​ဖု​တွေ၊ ပိုးမွား​တွေ၊ အ​ရေပြားအ​ရောင်​​ပြောင်​းလာတာ​တွေနဲ့ အခြားအ​ရေပြားပြဿ    နာ​တွေ ကြုံလာတတ်​တာ​ကြောင်​့ ဆရာဝန်​နဲ့ ပြသသင်​့ပါတယ်​။

​​​♦ ခြေ၊လက်​​တွေထုံကျဉ်​လာခြင်​း

     ဆီးချိုအများအပြားတက်​လာတဲ့အခါ အာရုံ​ကြော​တွေ ထိခိုက်​လာပါတယ်​။ ​ခြေ​တွေလက်​​တွေမှာ ထုံကြင်​တာ၊ နာကျင်​တာမျိုး​တွေ ဖြစ်​လာတတ်​ပြီး အထူးသဖြင်​့ ဆီးချိုဖြစ်​တာကြာလာတဲ့သ​ူ​တွေနဲ့ ဆီးချိုကို​သေချာမထိန်​းနိုင်​သူ​တွေမှာ ပိုဖြစ်​တတ်ပါတယ်​။​

Dr. Mya Phoo Ngon (www.drmyanmar.com)