နှလုံး၊ အရိုးနဲ့ ကိုယ်ခံစွမ်းအားကောင်းဖို့အတွက် လိုအပ်တဲ့ ဗီတာမင် D

>> ဒီတော့ ဗီတာမင် D ပိုမိုရရှိစေဖို့ ဘာတွေလုပ်ကြမလဲ?

• နေရောင်ခြည်မှ

          ဒါက ဗီတာမင် D ၇ရှိစေမယ့် အလွယ်ဆုံးနည်းဖြစ်ပါတယ်။ နေ့စဉ်လိုအပ်တဲ့ ဗီတာမင် D ပမာဏရရှိစေဖို့ တစ်နေ့ကို နေရောင်ခြည်နဲ့ 10-15 မိနစ်လောက်ထိတွေ့ဖို့လိုပါတယ်။ မနက် 10 နာရီမတိုင်မီနဲ့ နေ့လည် 2 နာရီနောက်ပိုင်းမှာ နေရောင်ခံတယ်ဆိုရင်တော့ အချိန်ပိုကြာဖို့လိုပါတယ်။ မျက်နှာနဲ့ လက်တွေသာမကဘဲနဲ့ ခန္ဓာကိုယ်ရဲ့ 40% လောက် နေနဲ့ထိတွေ့ဖို့လိုပါတယ်။ နေကာခရင်တွေက အရေပြားကင်ဆာကိုကာကွယ်ပေးနိုင်ပေမယ့် ဒါတွေက ဗီတာမင် D လုံလောက်စွာရရှိစေဖို့အတွက်လည်း အဟန့်အတားဖြစ်စေပါတယ်။

          နေရောင်ခြည်သိပ်မရတဲ့နေရာမှာနေထိုင်သူတွေအတွက် ဗီတာမင် D ရဖို့ နေကိုပဲအားကိုးနေလို့မရပါဘူး။

• အစားအစာများမှ

ဗီတာမင် D ပေးစွမ်းနိုင်တဲ့အစားအစာရင်းမြစ်က အရမ်းနည်းပါတယ်။ ဒါတွေကတော့-

1. ကြက်ဥအနှစ်
2. အမဲသား
3. ငါးနှင့်ပင်လယ်စာများ
4. ငါးကြီးဆီ
5. ဗီတာမင် D ထည့်သွင်းပြုလုပ်ထားသောအစားအစာများ - လိမေ္မာ်ရည်၊ နှံစားပြောင်း၊ ဒိန်ချဉ်၊ နွားနို့၊ ဆိတ်နို့၊ အပင်မှရရှိသောနို့များ