ရေကူးခြင်းမှ ရရှိသောကျန်းမာရေးကောင်းကျိုးများ

          ရေကူးခြင်းဆိုတာ ရေရဲ့တွန်းကန်အားကိုဆန့်ကျင်ပြီး လှုပ်ရှားရတာဖြစ်တာကြောင့် ခန္ဓာကိုယ်တစ်ခုလုံးအတွက် အလွန်ပင်ကောင်းမွန်တဲ့ လေ့ကျင့်ခန်းတစ်ခုဖြစ်ပါတယ်။ ရေကူးခြင်းရဲ့ အကျိုးကျေးဇူးတွေကတော့ -

- နှလုံးခုန်နှုန်းကို မြန်စေသော်လည်း စိတ်ဖိစီးမှုကိုလျော့ကျစေခြင်း

- ကြံ့ခိုင်မှု၊ ကြွက်သားသန်မာမှု၊ နှလုံးကျန်းမာရေးကောင်းမွန်မှုတွေကို ရရှိစေခြင်း

- ခန္ဓာကိုယ်အလေးချိန်ကို ထိန်းသိမ်းပေး၍ နှလုံးနဲ့အဆုတ်ကျန်းမာရေးကိုကောင်းမွန်စေခြင်း

- ကြွက်သားများကို ကျစ်လျစ်စေ၍ သန်မာစေခြင်း

- ရေကူးနေစဉ် ခန္ဓာကိုယ်တစ်ခုလုံးရှိ ကြွက်သားများလှုပ်ရှားရတာကြောင့် လေ့ကျင့်ခန်းသီးသန့်ပြုလုပ်စရာမလိုခြင်း

အခြားအကျိုးကျေးဇူးများ

- စိတ်အပန်းဖြေစေရုံသာမက ပျော်ရွှင်ဖွယ်ရာလေ့ကျင့်ခန်းဖြစ်ခြင်း

- စိတ်ဖိစီးမှုကိုလျော့ကျစေခြင်း

- သန်မာဖျတ်လတ်၍ ကိုယ်နေဟန်ထားကို ကောင်းမွန်စေခြင်း

- အချို့သော ထိခိုက်ဒဏ်ရာရမှုများအတွက် ကုထုံးတစ်ခုဖြစ်ခြင်း

- ပူအိုက်သောနေ့များတွင် ရေကူးခြင်းဖြင့် စိတ်ရွှင်လန်းချမ်းမြေ့စေခြင်း

- ရေကူးခြင်းကို ရေကူးကန်၊ ကမ်းခြေ၊ ရေကန်၊ ရေလှောင်တမံ၊ မြစ်ချောင်း စတဲ့နေရာတော်တော်များများမှာ ပြုလုပ်နိုင်ခြင်း

ရေကူးခြင်းဆိုင်ရာ အကြံပေးချက်အချို့

- ဘေးကင်လုံခြုံသော ပတ်ဝန်းကျင်ကိုရွေးချယ်ခြင်း

- ရေထဲမဆင်းမီ သွေးပူလေ့ကျင့်ခန်းပြုလုပ်ခြင်း၊ အကြောလျော့ခြင်း

- ရေများများသောက်ခြင်း

- အစပိုင်းတွင် အလွန်အကျွံ ပြုလုပ်ရန်မသင့်ခြင်း

သတိပြုရန်အချက်များ

- ရေကူးခြင်းသည် စိတ်ပျော်ရွှင်စေရုံသာမက ကျန်းမာရေးအတွက်ကောင်းမွန်စေ၍ အပေါင်းအသင်းလည်း တိုးပွားနိုင်ပါတယ်။

- တစ်သက်တာလုံးပြုလုပ်နိုင်တဲ့ ကျန်းမာရေးနဲ့ညီညွတ်တဲ့ လှုပ်ရှားမှုတစ်ခုဖြစ်ပါတယ်။

- ကရိကထမများဘဲ စိတ်ရောကိုယ်ပါ ကြံ့ခိုင်စေတဲ့ လှုပ်ရှားမှုတစ်ခုဖြစ်ပါတယ်။

- ရေကူးတော့မည်ဆိုပါက ဘေးကင်းလုံခြုံရန်မှာတော့ အရေးကြီးဆုံးဖြစ်ပါတယ်။

Dr. Thinzar Wynn

www.drmyanmar.com