ကိုယ်၀န်ဆောင်ချိန်မှာ ရှောင်ရှားသင့်သည့်များ

>> ​နေ​ရောင်​သိပ်​မခံပါနဲ့။

          ကိုယ်​ဝန်​​ဆောင်​ချိန်​မှာ အ​ရေပြားဟာ ပိုပြီးနုနယ်​​နေတာ​ကြောင်​့ ​နေ​လောင်​ဒဏ်​ကို ပိုခံရတတ်​ပါတယ်​။ ကိုယ်​ဝန်​​ဆောင်​ချိန်​မှာ ခန္ဓာကိုယ်​ကအပူပိုထုတ်​တဲ့အတွက်​ အပူဒဏ်​လည်​း သိပ်​မခံနိုင်​ပါဘူး။ ဒါ​ကြောင်​့ ​ရေ​နွေးနဲ့​ရေချိုးတာ၊ ​ချွေးထုတ်​ခန်​းသွားတာမျိုးကို ​ရှောင်​ကြဉ်​ရပါမယ်​။ ခန္ဓာကိုယ်​အပူချိန်​အရမ်​းတက်​လာခဲ့ရင်​ က​လေး​ရောအ​မေပါ ထိခိုက်​နိုင်​တတ်​ပါတယ်​။ ဒါ​ကြောင်​့ ဗီတာမင်​ဒီဓာတ်​ရဖို့ ​နေ​ရောင်​ထွက်​ခံတဲ့အခါ ​နေ​ရောင်​ကာခရင်​မ်​လိမ်​းဖို့ မ​မေ့ကြပါနဲ့။

>> စိတ်​ဖိစီးမခံပါနဲ့။

          စိတ်​ဖိစီးမှုမဖြစ်​​အောင်​​နေပါ။ ​တောက်​​လျောက်​စိတ်​ဖိစီးမှုများ​နေတဲ့အခါမှာ က​လေး​ရောအ​မေပါထိခိုက်​​စေနိုင်​ပါတယ်​။ ဆက်​တိုက်​စိတ်​ဖိစီးမှုများတဲ့အခါ ​ခေါင်​းကိုက်​တာ၊ ​သွေး​ပေါင်​တက်​တာ၊ နှလုံ​း​ရောဂါနဲ့ အစားပျက်​အအိပ်​ပျက်​စတာ​တွေ​ ဖြစ်​​စေနိုင်​ပါတယ်​။ ဒါ့အပြင်​ လမ​စေ့၊ ​ပေါင်​မပြည်​့တဲ့ က​လေး​လေး​တွေ ​မွေးလာ​စေနိုင်​ပါတယ်​။

>> ပြင်းပြင်းထန်ထန်လှုပ်ရှားမှုဖြစ်စေသော ကစားနည်းများကိုရှောင်ပါ။

          ကစားကွင်​းကို မသွားခင်​​သေချာစဉ်​းစားသင်​့ပါတယ်​။ ကိုယ်​ဝန်​​ဆောင်​ချိန်​ကို လှုပ်​လှုပ်​ရှားရှားဖြစ်​​စေနိုင်​တဲ့ ကစားနည်​း​တွေကို ​ရှောင်​ကြဉ်​ရပါမယ်​။ ဒီလို ပြင်​းပြင်​းထန်​ထန်​ကစားနည်​း​တွေ ​ဆော့ကစားတဲ့အခါ အချင်​း​စောကွာတာမျိုး ဖြစ်​​စေနိုင်​ပါတယ်​။

>> တက်​တူးမထိုးပါနဲ့။

          တက်​တူးထိုးခြင်​းက ​ရောဂါပိုး​တွေ ဝင်​​ရောက်​​စေနိုင်​တာ​ကြောင်​့ က​လေး​မွေးပြီးမှသာထိုးပါ။

>> တချို့အစား​အစာ​တွေရှောင်​ပါ။

          ပိုးမသတ်​ထားတဲ့ ချိစ်​စတဲ့နို့ထွက်​ပစ္စည်​း​တွေ၊ ဆူရှီ၊ ပဲပင်​​ပေါက်​၊ ​ဟော့​ဒေါ့၊ အသင်​့စားကြက်​သားသုတ်​၊ ပြဒါးဓာတ်များတဲ့ပင်​လယ်​စာ​တွေ၊ အသင်​့စားအသား​တွေ၊ အသားစိမ်​းငါးစိမ်​းနဲ့ မကျက်​တကျက်​​တွေကို ​ရှောင်​ရပါမယ်​။

www.drmyanmar.com