ကိုယ်၀န်ဆောင်ချိန်မှာ သွေးအားနည်းခြင်းကို ကာကွယ်ကြရအောင်
ကိုယ်၀န်ဆောင်ချိန်မှာ သွေးအားပြည့်၀ကျန်းမာနေမှ မွေးဖွားချိန််ကို အဆင်ပြေပြေချောချောမွေ့မွေ့ ဖြတ်သန်းနိုင်မှာပါ။ သားအိမ်ထဲမှာ တနေ့တခြား ဖွံဖြိုးကြီးထွားလာတဲ့ ကလေးလေးအတွက် အဓိကလိုအပ်တဲ့သွေးအားကို ဖြည့်ဆည်းနိုင်ဖို့လိုအပ်တဲ့အလျောက် ဗဟုသုတဖြစ်ဖွယ်လေးတွေကို တင်ပြပါရစေ။
• အမဲသားစားပါ။ အနီေ၇ာင်အသားမှာ သံဓာတ်ပြည့်၀စွာပါ၀င်နေပါတယ်။
• ကြက်အသည်းအမြစ်စားပါ။ သွေးအားမြင့်မားလာစေပါတယ်။
• ဟင်းနုနွယ်ကို ကြော်စားပါ။ တပတ်ကို သုံးကြိမ်လောက်စားစေချင်ပါတယ်။
• ခရမ်းချဉ်သီး၊ သံပရာသီး၊ ကီ၀ီသီး စတာတွေမှာ ဗီတာမင် C ဓာတ်ပေါများပြည့်လျှံနေတဲ့အတွက် •သံဓာတ်စုပ်ယူမှုကို အားကောင်းစေပါတယ်။
• မုန်လာဥနီဖျော်ရည်၊ ပန်းသီးဖျော်ရည်တွေ သောက်သုံးပါ။
• ငှက်ပျောသီးကို ပျားရည်နဲ့ တည်စားပါ။
• အစားအစာနဲ့ သံဓာတ်ကို ဖြည့်တင်းနိုင်သလို ဖြည့်စွက်ဆေးဝါးသောက်သုံးတာကလည်း ထိရောက်ကောင်းမွန်ပါတယ်။
• ဆိုးဆိုးဝါးဝါးသွေးအားနည်းတဲ့အခါ နောက်ဆုံး သွေးသွင်းကုသဖို့ထိ လိုအပ်လာတတ်ပါတယ်။
သွေးအားသိပ်နည်းတဲ့ ကိုယ်၀န်ဆောင်လေးဟာ….
• အလွယ်တကူ မောပန်းမယ်
• နွမ်းနယ်လာမယ် လမ်းကြာကြာမလျှောက်နိုင်ဘူး လှေကားတက်တိုင်းမောမယ်
• ကလေးမွေးလာတဲ့အခါ ကလေးက သေးကွေးနေပြီး ပေါင်မပြည့်ဘူး။
• ကလေးကသေးကွေးပြီး လမပြည့်ပေါင်မစေ့မွေးဖွားတာ တွေဖြစ်တတ်သလို
• မွေးဖွားပြီးချိန်မှာလည်း စိတ်ကျရောဂါရဖို့ အခွင့်အလမ်းများပါတယ်။
ဒီတော့ အမျိုးမျိုးသော ဆိုးကျိုးတွေ နောက်ဆက်တွဲတွေ ပါလာမှာမို့ သွေးအားပြည့်ဖို့ အထူးဂရုစိုက်ပေးဖို့ လိုအပ်ပါတယ်။ ဖြူဖတ်ဖြူရော် ကို်ယ်၀န်ဆောင်လေးတွေဟာ ပြဿနာအတက်နိုင်ဆုံးမို့ မိမိကိုယ်ကို သွေးအားပြည့်၀နေဖို့ အမြဲဂရုတစိုက်စစ်ဆေးနေသင့်ပါတယ်။ ဆရာ၀န်ဆရာမတွေကို ပုံမှန်ပြသအကူအညီတောင်းခံပါ။ ဒါကြောင့် ဖော်ပြထားတဲ့အတိုင်း သွေးအားကောင်းစာတွေ ဂရုစိုက်စားသုံးသလို ဖြည့်စွက်စာလည်း သောက်သုံးပေးမှ မဗိုက်တို့ဘ၀ ကျန်းကျန်းမာမာနဲ့ သာယာလှပလာစေမှာပါ။
ဂျီပီငှက် ( ဆေး/ မန််း) (www.drmyanmar.com)
Related News And Articles
ကိုယ်ဝန်ဆောင်အမျိုးသမီးများ ကြုံတွေ့ရသော ကျန်းမာရေးပြဿနာများတွင် ခါးနာခြင်းကလည်း တစ်ခုအပါအဝင် ဖြစ်ပါတယ်။ ကိုယ်ဝန်ဆောင်ကာလ အစောပိုင်းတွင်လည်း ခါးနာတတ်ပေမယ့် ကလေး ပိုမိုကြီးထွားလာတဲ့ ကိုယ်ဝန်ရင့်ချိန်မှာတော့ အများဆုံး ကြုံတွေ့ရတတ်ပါတယ်။
တွေ့ရှိချက်များအရ ကိုယ်ဝန်ဆောင်အမျိုးသမီး ၅၀-၇၀ ရာနှုန်...
ဒီတစ်ခါတော့ ကိုယ်ဝန်ဆောင်တွေအတွက် Vitamin A အကြောင်း ပြောပြချင်ပါတယ်။ Vitamin A ဟာ အဆီမှာ ပျော်ဝင်နိုင်ပြီး အသည်းမှာ သိမ်းဆည်းပါတယ်။ Vitamin A ဟာ အမြင်အာရုံအတွက် အရေးပါပြီး ကူးစက်ရောဂါတွေကိုလည်း တားဆီးပေးပါတယ်။ ကိုယ်ဝန်ဆောင်တွေမှာဆိုရင် သန္ဓေသားဖွံ့ဖြိုးမှုတွေဖြစ်တဲ့ နှလုံး၊ အဆုတ်၊ မျက်လုံး၊ အရို...