နို့တိုက်ချိန် နို့သီးခေါင်း နာကျင်ခြင်း
နို့တိုက်ခြင်းဟာ နို့သီးခေါင်း နာကျင်စေတတ်တဲ့ အဓိကအကြောင်းရင်းထဲ တစ်ခုအပါအဝင် ဖြစ်ပါတယ်။ အများစုမှာ ကလေး နို့ငုံပုံ မမှန်လို့ ဖြစ်တတ်ပါတယ်။ ကလေးဟာ နို့သီးခေါင်းနဲ့ သားမြတ်အဝန်းကို အကုန် မငုံမိတဲ့အခါ နို့သီးခေါင်းဟာ ကလေးရဲ့ သွားဖုံးနဲ့ အာခေါင်မှာ သွားထောက်နေတတ်ပြီး ကလေး တအားစွဲစုပ်တဲ့အခါ နာကျင်လာတတ်ပါတယ်။
နို့စုပ်ခွက်ကို အသုံးပြုသူတွေမှာလည်း စုပ်အားပြင်းတဲ့အခါ၊ စုပ်ခွက်နဲ့ နို့အုံအရွယ်အစား မကိုက်ညီတဲ့အခါ နာကျင်လာတတ်ပါတယ်။ ဒါကြောင့် အရွယ်အစား ကိုက်ညီတဲ့ စုပ်ခွက်ကို အသုံးပြုပြီး သက်သောင့်သက်သာရှိမယ့်ပုံစံနဲ့ အသုံးပြုသင့်ပါတယ်။
ကလေး သွားပေါက်လာတဲ့အခါ နို့စို့ပုံ ပြောင်းလဲသွားတာကြောင့် မကြာခဏ ကိုက်မိတတ်ပြီး နာကျင်စေတတ်ပါတယ်။ ဒါကြောင့် ဒီလိုအချိန်မှာ ကလေး သိပ်မကိုက်မိအောင် ကလေးပါးစပ်ထဲ သားမြတ်အဝန်းအားလုံး ဝင်စေနိုင်တဲ့ အနေအထားပုံစံနဲ့ တိုက်ရပါမယ်။
ကလေးဟာ သွားဖုံးနဲ့ အာခေါင်ကြား ညှပ်ပြီး တအားစို့တဲ့အခါ နို့သီးခေါင်းကိုသွားတဲ့ သွေးနည်းသွားပြီး သွေးကြောကျဉ်းလာတာကြောင့် နို့သီးခေါင်း နာကျင်လာကာ ဆက်တိုက်ကို ဖြူရာကနီ၊ နီရာက ပန်းခရမ်းရောင် သန်းသွားတတ်ပါတယ်။
Dr. Emerald (www.drmyanmar.com)
Related News And Articles
သွေးဆုံးပြီးချိန်မှာအမျိုးသမီးတွေဟာ ဟော်မုန်းအပြောင်းအလဲကြောင့်သော်လည်းကောင်း၊ ကိုယ်လက်လှုပ်ရှားမှုနည်းပါးခြင်းကြောင့်သော်လည်းကောင်း ၀လာလေ့ရှိပါတယ်။ ၀ခြင်းကို အခြေခံပြီး သွေးတိုးရောဂါ၊ နှလုံးရောဂါနှင့် ဆီးချိုရောဂါတို့ ပိုပြီးအဖြစ်လွယ်ပါတယ်။ ဒါ့အပြင် အ၀လွန်လာတာကြောင့် ကိုယ်ကိုယ်ကိုယုံကြည်...
လေ့လာမှုအသစ်များအရ အမျိုးသမီးတွေဟာ အမျိုးသားတွေနဲ့ယှဉ်ရင် နှလုံးခုန်နှုန်း စည်းချက်မမှန်ခြင်း ရဲ့ နောက်ဆက်တွဲဆိုးကျိုးတွေကို ခံစားရဖို့အလားအလာပိုများတယ်လို့ သိရပါ တယ်။ လေဖြတ်ခြင်းနှင့် နှလုံးရောဂါဖြစ်ပွားနှုန်းကိုမြင့်တက်စေ သောအကြောင်းရင်းတစ်ခုဖြစ်တဲ့နှလုံးဦးခန်း ရှိ နှလုံးကြွက်သားမျှင်မျ...