ကလေးလှုပ်ခြင်းအကြောင်း သိကောင်းစရာ

၆။ က​လေးအလှုပ်​နည်​းသွားခြင်​းဟာ က​လေးမှာပြဿနာ တစ်​စုံတစ်​ရာရှိ​နေနိုင်​​ကြောင်​းပြသပါတယ်​။

      ကိုယ်​ဝန်​၂၈ပတ်​​ကျော်​လွန်​လာတဲ့အခါ ဆရာဝန်​က တစ်​​နေ့တာ က​လေးလှုပ်​ရှားမှု အ​ရေအတွက်​ကို မှတ်​သားထားခိုင်​း​လေ့ရှိပါတယ်​။ ပုံမှန်​ ၂နာရီအတွင်​း က​လေးလှုပ်တာ၁၀ကြိမ်​ ပြည်​့​လေ့ရှိပါတယ်​။ အကယ်​၍နည်​း​နေပြီဆိုရင်​​တော့ ​အောက်​ပါ ပြဿနာ တစ်​ခုခုရှိ​နေနိုင်​ပါတယ်​။

• မိခင်​မှာ စိတ်​ဖိစီးမှု သို့မဟုတ်​ အာဟာရ ချို့တဲ့မှုရှိ​နေခြင်း : မိခင်​ရဲ့ ကိုယ်​စိတ်​နှစ်​ပါး ကျန်​းမာ​ရေးဟာ က​လေး​ပေါ်မှာ သက်​​ရောက်​မှု အများအပြားရှိနိုင်​ပါတယ်​။ အာဟာရမပြည်​့ဝတဲ့အခါ က​လေးရဲ့ ဦး​နှောက်​နဲ့အာရံ​ကြောဖွံဖြိုးမှု ​လျော့နည်​းပြီး လှုပ်​ရှားမှုနည်​းလာပါတယ်​။ က​လေးသိပ်​မလှုပ်​ဘူးလု့ိ ထင်​တဲ့အခါ ​ရေများများ​သောက်​ပြီး လမ်​းထ​လျောက်​ကြည်​့လိုက်​ပါ။
• အချင်​းကွာခြင်​း : အချင်​းကွာတဲ့အခါ က​လေးဆီကို ​အောက်​ဆီဂျင်​နဲ့ ​သွေးအ​ရောက်​နည်​းပြီး က​လေးဖွံ့ဖြိုးမှုကို အ​နှောင်​့အယှက်​ ဖြစ်​​စေပါတယ်​။
• ​ရေမြွာ​စော​ပေါက်​ခြင်​း : ​ရေမြွာ​စော​ပေါက်​တဲ့အခါ ​ရေမြွာ​ရည်​ နည်​းလာပြီး က​လေး​ကောင်​း​ကောင်​းမလှုပ်​ရှားနိုင်​တာ၊ ​အောက်​ဆီဂျင်​ဓာတ်​နည်​းပါးလာတာမျိုး ဖြစ်​တတ်​ပါတယ်​။
• က​လေး​အောက်​ဆီဂျင်​ဓာတ်​မလုံ​လောက်​ခြင်​း : အချင်​းကြိုးလိမ်​သွားခြင်​း၊ ​ခေါက်​သွား​ခြင်​း၊ ပုံပျက်​သွားခြင်​းတို့​ကြောင်​့ က​လေးဆီ ​အောက်​ဆီဂျင်​ပြတ်​​တောက်​သွားတတ်​ပါတယ်​။

အာထရာ​စောင်​းရိုက်​ခြင်​းနဲ့ အခြားစမ်​းသပ်​နည်​းအမျိုးမျိုးဖြင်​့ က​လေးရဲ့ နှလုံးခုန်​နှုန်​းနဲ့ အလှုပ်​နည်​းရခြင်​း အ​ကြောင်​းအရင်​းတို့ကို ရှာ​ဖွေနိုင်​ပါတယ်​။

၆။ ကိုယ်​ဝန်​ရင်​့ချိန်​မှာ က​လေးအလှုပ်​နည်​းခြင်​းကို​တော့ စိုးရိမ်​စရာမလိုအပ်​ပါဘူး။

  ​  ကိုယ်​ဝန်​ရင်​့လာတဲ့အခါ က​လေးဟာ မိနစ်​၂၀ မှ ၄၀ခန်​့ တစ်​ခါတ​ရံ မိနစ် ​၉၀ ခန်​့ထိ မလှုပ်​မရှားပဲ ​နေတတ်​ကြပါတယ်​။ က​လေးတစ်​ဖြည်​းဖြည်​းနဲ့ကြီးလာတဲ့အခါ လှုပ်​ရှားရခက်​လာတတ်​ပါတယ်​။ ဒါ​ကြောင်​့ က​လေးအလှုပ်​နည်​းသွားတဲ့အခါ မစိုးရိမ်​သွားပါနဲ့။ ဒါ​ပေမယ်​့ တစ်​ခါတစ်​ရံ နံရိုး​အောက်​မှာ စူးခနဲ ​အောင်​့​အောင်​့သွားတတ်​ပြီး မိနစ်​အတန်​ကြာ တစ်​ဆတ်​ဆတ်​နာ​နေတတ်​ပါတယ်​။

၇။ က​လေးလှုပ်​ရှားမှုဟာ က​လေး​မွေးလာတဲ့အခါ စိတ်​​နေစိတ်​ထားနဲ့ ဆက်​စပ်​မှုရှိ​နေနိုင်​ပါတယ်​။

      ​လေ့လာမှု​တွေအရ ဗိုက်​ထဲက က​လေးရဲ့လှုပ်​ရှားမှုပုံ​တွေဟာ က​လေးဘဝအစပိုင်​းရဲ့ စိတ်​​နေစိတ်​ထားကို ​ဖောြ်​ပ​နေနိုင်​တယ်​လို့ဆိုပါ့တယ်။ ဒါ​ပေမယ်​့ ဒီတစ်​ခုတည်​းနဲ့​တော့ ဆုံးဖြတ်​လို့ မရပါဘူး။

၈။ က​လေးလှုပ်​ရှားမှုနဲ့ ပတ်​သတ်​ပြီး ဘယ်​အချိန်​မှာ စိုးရိမ်​သင်​့သလဲ?

      ကိုယ်၀န်လရင့်လာတဲ့အချိန်မှာ၂နာရီပြည်​့သည်​အထိ က​လေးလှုပ်​တာ ၁၀ကြိမ်​မပြည်​့တဲ့အခါ နာရီအနည်​းငယ်​မျှ​စောင်​့ပြီး ​နောက်​တစ်​ခါ​ရေတွက်​ကြည်​့လိုက်​ပါ။ ​နောက်​တစ်​ခါမှာလည်​း ၂နာရီအတွင်​း ၁၀ကြိမ်​မပြည်​့ခဲ့ရင်​ နီးစပ်​ရာကျန်​းမာ​ရေးဌာနကို ​သွားပါ။

       ဒါ့အပြင် ဆူညံသံတွေကို ခါတိုင်​းလိုမဟုတ်ဘဲ တုံ့ပြန်​မှု​လျော့နည်​းလာခြင်း၊ ၂ရက်​ဆက်​တိုက်​ က​လေးလှုပ်​ရှားမှု တစ်​ဖြည်​းဖြည်​း ​လျော့နည်​းလာခြင်​းတို့ ကြုံရပါကလည်း ဆေးရုံ၊ ဆေးခန်းသို့ အမြန်ဆုံးသွားသင့်ပါတယ်။

၉။ က​လေးလှုပ်​​ရှားမှုနည်းလာတယ်လို့ထင်တဲ့အခါ အိမ်မှာဘာလုပ်ကြည့်သင့်သလဲ?

      က​လေးလှုပ်​ရှားမှု​လျော့နည်​းတဲ့အခါ

• စိတ်​ကို​လျော့ချပြီး ​ခေတ္တခဏထိုင်​လိုက်​ပါ။
• အ​အေးနဲ့ သ​ရေစာတစ်​ခုခု စားပြီး ​ခြေ​ထောက်​ကို အ​ပေါ်​မြှောက်​ပြီး ထိုင်​ပါ။ အချိုဓာတ်​နဲ့ အ​အေးဓာတ်​က က​လေးရဲ့ တုန်​့ပြန်​မှုကို ရရှိ​စေနိုင်​ပါတယ်​။
• က​လေးဟာ လှုပ်​ခြင်​း၊ ကန်​ခြင်​း၊ တွန်​းခြင်​း၊ ပုတ်​ခြင်းစတဲ့နည်​းအမျိုးမျိုးနဲ့ တုန်​့ပြန်​ပါလိမ်​့မယ်​။

Dr. Mya Phoo Ngon (www.drmyanmar.com)