ကိုယ်ဝန်ဆောင်မိခင်တို့ အစာမကြေခြင်းနဲ့ ရင်ပူခြင်းတို့ ဖြစ်လေ့ရှိတယ်ဆိုရင်
ကိုယ်ဝန်ဆောင်ချိန်မှာ ဟော်မုန်းအပြောင်းအလဲကြောင့်၊ ကြီးထွားလာတဲ့ ရင်သွေးလေးဟာ အစာအိမ်ကို ဖိထားခြင်းကြောင့်၊ အစာအိမ်ထဲကအက်စစ်တွေ အစာရေမျိုထဲ ပြန်တက်ခြင်းကြောင့် အစာမကြေခြင်းနဲ့ ရင်ပူခြင်းကို ခံစားရလေ့ရှိပါတယ်။ ဒီလက္ခဏာကို သက်သာစေဖို့အတွက်…
Obimin 2022 IA 1
• တစ်နေ့ထမင်းသုံးနပ် အဝစားမယ့်အစား ပမာဏနည်းနည်းကို မကြာခဏ စားသောက်ပေးပါ။
• ညအိပ်ခါနီး သုံးနာရီအလိုလောက်မှာ အစာမစားပါနဲ့။
• အစာစားတဲ့အခါ မတ်မတ်ထိုင်ပြီး စားသောက်ပါ။ အစာစားပြီးရင်လည်း ခဏလောက် မတ်မတ်ထိုင်နေပေးပါ။
• ကဖင်းပါတဲ့ သောက်စရာတွေ၊ အပူအစပ်နဲ့ အဆီများတဲ့ အစားအသောက်တွေကို ချင့်ချိန်စားသောက်ပါ။
• ဦးခေါင်းနဲ့ပုခုံးကို မြင့်ထားပြီး အိပ်စက်ပါ။ ဒါမှမဟုတ် ဘယ်ဘက်စောင်းပြီး အိပ်စက်ပါ။
Obimin 2022 IA 2
ကိုယ်ဝန်ဆောင်ချိန်မှာ အစာမကြေခြင်းနဲ့ ရင်ပူခြင်းကို ခံစားရတဲ့အခါ အများစုဟာ နေထိုင်စားသောက်မှုပုံစံကို ပြောင်းလဲလိုက်ရုံနဲ့ သက်သာသွားတတ်ပေမယ့် အစာမျိုရခက်ခြင်း၊ အသံသြလာခြင်း၊ နာတာရှည်ချောင်းဆိုးခြင်း (သို့) ချောင်းဆိုးပျောက်သွားပေမယ့် ခဏခဏပြန်ဖြစ်ခြင်း၊ လည်ပင်းအကျိတ်များကြီးခြင်း၊ ကိုယ်အလေးချိန်ကျဆင်းခြင်း အစရှိတဲ့လက္ခဏာတွေ ရှိလာရင်တော့ ဆရာဝန်နဲ့ တိုင်ပင်သင့်ပါတယ်။
Related News And Articles
တချို့အမျိုးသမီးတွေဟာ ကိုယ်ဝန်ဆောင်ချိန်မှာ ဟော်မုန်းအပြောင်းအလဲကြောင့် သွားဖုံးတွေရောင်ပြီးတော့ သွားဖုံးသွေးယိုတာမျိုးတွေ ဖြစ်တတ်ကြပါတယ်။ ဒါကြောင့် ကိုယ်ဝန်ဆောင်ချိန်မှာ သွားနဲ့သွားဖုံးကျန်းမာရေးကို သေချာဂရုစိုက်ပေးဖို့ လိုအပ်ပါတယ်။ ကိုယ်ဝန်ဆောင်မိခင်တို့အတွက် သွားနဲ့သွားဖုံးကျန်းမာအောင် ပြုလုပ်...
ကိုယ်ဝန်ဆောင်ချိန်မှာ ကယ်လ်ဆီယမ်ဓာတ်ချို့တဲ့ခြင်းဟာ မိခင်ရော၊ သန္ဓေသားကိုပါ ထိခိုက်စေပါတာကြောင့် ကိုယ်ဝန်ဆောင်ချိန်မှာ ကယ်လ်ဆီယမ်ဓာတ်ကို လုံလောက်အောင်ဖြည့်စွက်ပေးဖို့ အရေးကြီးပါတယ်။ ကိုယ်ဝန်ဆောင်စဥ် ကယ်လ်ဆီယမ်လိုအပ်ချက်ဟာ ကိုယ်ဝန်ပထမသုံးလပတ်မှာ ၈၀၀ မီလီဂရမ်၊ ဒုတိယသုံးလပတ်မှာ ၁၀၀၀ မီလီဂရမ်နဲ့ တတိယ...
