ခေါင်းကိုက်တဲ့အခါ ကိုယ်ခန္ဓာမှာ ဘယ်လိုပြောင်းလဲမှုတွေ ဖြစ်ပေါ်နိုင်သလဲ

ဦးနှောက်
ဦးနှောက်အညှာမှာရှိတဲ့ နာကျင်မှုကိုသိတဲ့နေရာကို လှုံ့ဆော်ပေးတာကြောင့် ဦးနှောက်ကို အချွန်တစ်ခုခုနဲ့ထိုးနေသလိုမျိုး ခံစားရနိုင်ပါတယ်။

အာရုံကြောအဖွဲ့အစည်း
ကောင်းကောင်း မတွေးခေါ်နိုင်ခြင်း၊ ကောင်းကောင်း မလှုပ်ရှားနိုင်ခြင်းတို့ကို ဖြစ်စေပါတယ်။

အစာအိမ်နဲ့အူလမ်းကြောင်း
လတ်တလော စားသောက်လိုက်တဲ့ အစားအသောက်တွေကို ကောင်းကောင်းမချေဖျက်နိုင်လို့ ပျို့တာ၊ အန်တာတွေ ဖြစ်လာနိုင်သလို အစာအိမ်နဲ့အူလမ်းကြောင်းထဲမှာ ရှိပြီးသားအစာတွေကြောင့်လည်း ဝမ်းလျှောတာ ဖြစ်နိုင်ပါတယ်။

အာရုံခံစားမှု
ခေါင်းတစ်ခြမ်းကိုက်နေချိန်မှာ ပုံမှန်လှုံဆော်မှုလေးတစ်ခုကတောင် ကိုယ့်အတွက်တော့ ခြောက်လန့်မှုတစ်ခုလို ဖြစ်နိုင်ပါတယ်။ နေရောင်ခြည်ဆိုလည်း အရမ်းစူးရှလွန်းတာ၊ ဖုန်းလာတဲ့အသံကလည်း ဆူညံလွန်းတာ၊ ကိုယ်သုံးနေကျရေမွှေးနံ့တောင် အနံ့မခံနိုင်တာမျိုး ဖြစ်တတ်ပါတယ်။

ဟော်မုန်းထုတ်ပေးခြင်း
စိတ်ဖိစီးမှုဟော်မုန်းတွေဖြစ်တဲ့ အဒရီနယ်လင် နဲ့ ကော်တီစော ဟော်မုန်းတွေကြောင့် နှလုံးခုန်မြန်တာ၊ မျက်လုံးသူငယ်အိမ်ကျယ်တာ၊ ချွေးထွက်တာတွေကို ဖြစ်စေပါတယ်။