ညမှာ နာတဲ့ဗိုက်

6.      သည်းခြေကျောက်

          သည်းခြေလမ်းကြောင်းမှာ ကျောက်ပိတ်တဲ့အခါ အစာ အများကြီး စားပြီးချိန်တွေ၊ အဆီအဆိမ့် စားပြီးချိန်တွေ ဗိုက်အောင့်တတ်ပါတယ်။

7.      ညဘက်မှာ ရုတ်တရက် ဗိုက်အောင့်လာခြင်း

          ရုတ်တရက် ဗိုက်အောင့်လာတတ်တဲ့ အဓိက အကြောင်းရင်း (၄) ချက်ကတော့ -

●      ဆီးကျောက်

          ဆီးလမ်းကြောင်းကို ဆီးကျောက်ပိတ်တဲ့အခါ ရုတ်တရက် ခါးထိုးအောင့်ပြီး ဗိုက်တစ်ပြင်လုံးကို ချက်ချင်း ပြန့်သွားတတ်ပါတယ်။

●      ဗိုင်းရပ်စ်ပိုး အူရောင်ခြင်း

          ဗိုက်အောင့်တဲ့အပြင် ပျို့အန်ခြင်း၊ ဝမ်းလျှောခြင်း၊ ဖျားနာခြင်းတို့နဲ့ လာတတ်ပါတယ်။

●      အစာအဆိပ်သင့်ခြင်း

          စားပြီး နာရီပိုင်းအတွင်း ပျို့အန်ခြင်း၊ ဝမ်းလျှောခြင်း၊ ဗိုက်အောင့်ခြင်း စတာတွေ ဖြစ်လာနိုင်ပါတယ်။

●      နှလုံးပြဿနာ

          ရှားပေမယ့် တစ်ခါတလေ နှလုံးပြဿနာ အထူးသဖြင့် နှလုံးသွေးကြောပိတ်ခြင်းကလည်း သူ့ရဲ့လက္ခဏာရပ်တွေဖြစ်တဲ့ လည်ပင်းနဲ့ ပါးရိုးနာခြင်း၊ ရင်တုန်ခြင်း၊ မောခြင်းတို့အပြင် ဗိုက်အောင့်ပြီး လာတတ်ပါတယ်။

>>    ကုသနည်းလမ်းများ

          အဓိကကအကြောင်းရင်းကို ရှာဖွေပြီး ကုသရမှာ ဖြစ်ပါတယ်။ ရင်ပူတာတွေ၊ လေထတာတွေကတော့ ဆေးအလွယ်တကူ ဝယ်သောက်လို့ရပေမယ့် တချို့အကြောင်းအရာတွေကိုတော့ ဆရာဝန်နဲ့ သေချာတိုင်ပင် ကုသရပါမယ်။

>>    စာအုပ်နဲ့ ရေးမှတ်ထားပါ။

          မကြာခဏ ဗိုက်အောင့်လို့ နိုးနိုးလာတတ်ရင် ဘာစားခဲ့တယ်၊ နေ့ခင်းဘက်မှာ ဘာတွေခံစားရတယ်၊ နိုးလာတဲ့အခါ ဘယ်လိုခံစားရတယ်ဆိုတာတွေကို သေချာပြန်ရေးမှတ်ထားပါ။

>>    အလွယ်တကူ ဝယ်ယူနိုင်တဲ့ဆေးတွေ သောက်ကြည့်ပါ။

          အစာအိမ် လေနိုင်ဆေးတွေ ဝယ်သောက်ကြည့်ပါ။ မသက်သာတော့မှ နောက်တစ်မျိုး စဉ်းစားရပါမယ်။

>>    နေထိုင်မှုပုံစံကို ပြောင်းလဲပါ။

          အက်ဆစ် ပြန်ဆန်တက်လို့ ရင်ပူတာမျိုးမှာ စားပုံသောက်ပုံ၊ ကိုယ်အလေးချိန်တွေကို သေချာဂရုစိုက် ပြင်ဆင်ပြီး စားပြီးပြီးချင်း လဲှအိပ်တာမျိုးကို ရှောင်ကြဉ်ရပါမယ်။

>>    ဆရာဝန်နဲ့ ပြသပါ။

          ဒါတွေနဲ့မှ မသက်သာရင် အကြောင်းရင်းကို အမြန်ရှာဖွေကုသနိုင်ဖို့ ဆရာဝန်နဲ့ ပြသသင့်ပါတယ်။

Dr. Mya Phoo Ngon (www.drmyanmar.com)