အာရုံကြောရောဂါ ဖြစ်နိုင်ခြေရှိသော အကြောင်းအရင်းများ

3.  ဓာတ်ရောင်ခြည်ခံယူခြင်း
ကင်ဆာကြောင့် ဓာတ်ရောင်ခြည်ကုထုံးခံယူနေသူ အတော်များများမှာ အာရုံကြောငယ် ထိခိုက်မှုကြောင့် နာကျင်တာ၊ လှုပ်ရှားမှုထိခိုက်တာ၊ သွေးခုန်နှုန်း၊ သွေးပေါင်ချိန်တွေ ပြောင်းလဲတာ၊ ဟန်ချက်ပျက်တာ၊ အသက်ရှူခက်တာ၊ လေဖြတ်တာနဲ့ အင်္ဂါအစိတ်အပိုင်းတွေ ထိခိုက်တာတွေအထိ ဖြစ်နိုင်ပါတယ်။

4.  HIV/AIDS
HIV ပိုးကြောင့်သော်လည်းကောင်း၊ သောက်ရတဲ့ဆေးတွေကြောင့်သော်လည်းကောင်း အာရုံကြောငယ်ထိခိုက်မှု ဖြစ်တတ်ပါတယ်။ ခြေလက်တွေမှာ ပူခြင်း၊ ယားခြင်း၊ တောင့်တင်းခြင်း၊ ထုံကျဉ်ခြင်းနဲ့ အာရုံလုံးဝပျောက်ခြင်းတွေ ဖြစ်တတ်ပါတယ်။

5.  ရောဂါပိုးမွှားများ
ရေယုန်ဟာ ပေါက်ပြီးနောက်မှာ အချိန်တာရှည် အာရုံကြောနာပြီး ကျန်ခဲ့တတ်တာ နာမည်ကြီးပါတယ်။ အသက်ကြီးသူတွေနဲ့ အမျိုးသမီးတွေမှာ ပိုအဖြစ်များပါတယ်။ လှေး၊ မွား၊ သန်းတွေကနေ ဖြစ်တဲ့ရောဂါမှာလည်း အာရုံကြောရောဂါ အထူးသဖြင့် မျက်နှာအာရုံကြောထိတာမျိုး ကျန်တတ်ပါတယ်။

6.  ကိုယ်ခံအားက ကိုယ်ခန္ဓာကို ပြန်လည်တိုက်ခိုက်တဲ့ရောဂါ
ကိုယ်ခံအားရောဂါတွေဖြစ်တဲ့ သွေးလေးဖက်နာ၊ အရေပြားလေးဖက်နာ၊ သွေးကြောရောင်ရမ်းခြင်း၊ ဂလူတန်မတည့် coeliac ရောဂါ၊ Sjogren disease၊ Guillain-Barré syndrome အာရုံကြောရောဂါ စတာတွေဟာ အာရုံကြောကိုပါ ထိခိုက်နိုင်ပါတယ်။

7.  ဗီတာမင်ချို့တဲ့ခြင်း၊ အာဟာရချို့တဲ့ခြင်းနဲ့ အရက်အလွန်အကျွံသောက်ခြင်း
ကိုယ်ခန္ဓာမှာ အစားကောင်းကောင်းမစားလို့ဖြစ်စေ၊ ရောဂါတွေကြောင့်ဖြစ်စေ၊ ဆေးတွေကြောင့်ဖြစ်စေ၊ အရက်ကြောင့်ဖြစ်စေ အာဟာရချို့တဲ့တဲ့အခါ၊ အထူးသဖြင့် ဗီတာမင် B12 ချို့တဲ့မှုကြောင့် အာရုံကြောငယ်တွေ အားနည်းတတ်ပါတယ်။