ရာသီ မှန်၊ မမှန် ဘယ်လိုသိနိုင်မလဲ?
ဒီမေးခွန်းဟာ သားဖွားမီးယပ်ဆရာဝန်တွေ အမေးအခံရဆုံး မေးခွန်းတစ်ခု ဖြစ်ပါတယ်။ အမျိုးသမီးတစ်ယောက်ရဲ့ ရာသီစက်ဝန်းကို 28 ရက်ကနေ 32 ရက်လို့ ပျမ်းမျှသတ်မှတ်ထားပေမယ့် ရက်အနည်းငယ်မျှ ကွာဟနေရုံနဲ့ စက်ဝန်းမမှန်ဘူးလို့ မပြောနိုင်ပါဘူး။ လတိုင်းလတိုင်း ဒီရက် လာတယ်ဆိုတာမျိုးဟာ ဖြစ်ခဲပါတယ်။ ဒါကြောင့် ဆရာဝန်တွေ မေးလေ့ရှိတဲ့ ရာသီမှန်လား ဆိုတာဟာ နှစ်ပတ်တစ်ခါ လာနေတာမိျုး၊ တစ်ခါနဲ့တစ်ခါ လပေါင်းများစွာ ခြားနေတာမျိုး ရှိ၊ မရှိကိုသာ မေးမြန်းနေတာ ဖြစ်ပါတယ်။
အမျိုးသမီးများအနေနဲ့ မိမိရဲ့ရာသီလာရက်ကို ပြက္ခဒိန် (သို့) မှတ်စုဖြင့် မှတ်သားသောအကျင့် ပြုလုပ်သင့်ပါတယ်။ နောက်ဆုံးရာသီလာရက်ကို အတိအကျသိခြင်းဖြင့် ကိုယ်၀န်ဆောင်တွေမှာ မွေးဖွားမည့်ရက်ကို အနီးစပ်ဆုံး တွက်ချက်နိုင်ပါတယ်။
Dr. Emerald (www.drmyanmar.com)
Related News And Articles
Endometriosis သည် သားအိမ်အတွင်းသားတစ်ရှူးများ သားအိမ်အပြင်သို့ နယ်ကျွံရောက်ရှိနေသောရောဂါဖြစ်ပါတယ်။ Boston Children’s Hospital မှာရှိတဲ့ Young Women’s Health Center ရဲ့အဆိုအရ (ဥပမာ - ရေကူးခြင်း၊ လမ်းလျှောက်ခြင်း၊ တစ်နေ့မှာ တစ်နာရီလောက် မပြင်းထန်တဲ့ လေ့ကျင့်ခန်းတွေ ပုံမှန်လုပ်သွားပါက) Endom...
ပုံမှန်အားဖြင့် သားအိမ်၏အတွင်းသားများဟာ သနေ္ဓအောင်ပြီးတဲ့ မမျိုးဥအတွက် ပြင်ဆင် ထားလေ့ရှိပါတယ်။ သနေ္ဓအောင်သွားတဲ့မမျိုးဥဟာ သားအိမ်ရဲ့ အတွင်းသားမှာသွားပြီး သနေ္ဓတည်ပါတယ်။ အကယ်၍ မမျိုးဥဟာ သနေ္ဓမအောင်ဘူးဆိုရင်တော့ သားအိမ်ရဲ့ အတွင်းသားဟာ ကြွေကျပြီး ရာသီသွေးအဖြစ် စီးဆင်းသွားပါတယ်။ အချို့သောသူမျ...