အဆုတ်ရောင်ရောဂါ မြန်မြန်သက်သာဖို့

အစောပိုင်းမှာ အများကြီး အနားယူဖို့ လိုပါတယ်။ သက်သာလာတာနဲ့အမျှ လှုပ်လှုပ်ရှားရှား လုပ်လို့ရပါတယ်။ ကိုယ့်ကိုယ်ကို အရမ်းကြီးတော့ တွန်းမလုပ်ပါနဲ့။ အိပ်ရာကထပြီး မိနစ်ပိုင်းလောက် ဟိုလုပ်ဒီလုပ်လေး စလုပ်တာကနေစပါ။ ရောဂါလက္ခဏာတွေ သက်သာလာတာနဲ့အမျှ ခွန်အားတွေပိုရှိလာပြီး ပိုပြီးလှုပ်ရှားလာနိုင်ပါလိမ့်မယ်။ ပျောက်ကင်းမှု ပိုမြန်အောင် အစားကောင်းကောင်းစားပြီး အသက်ရှူလေ့ကျင့်ခန်းလိုမျိုး လေ့ကျင့်ခန်းလေးတွေ လုပ်ပေးပါ။

အဆုတ်လေ့ကျင့်ခန်းတွေကလည်း နာလန်ပြန်ထူနိုင်ဖို့ အထောက်အကူပေးပါတယ်။ အသက်ကို ရှည်ရှည်ပြင်းပြင်းရှူပေးတာ၊ ဖန်ခွက်ထဲ ရေထည့်ပြီး ပိုက်နဲ့မှုတ်တာမျိုးတွေ လုပ်ပေးပါ။
အသက်ပြင်းပြင်းရှူတာဟာ အဆုတ်ထဲက ချွဲသလိပ်တွေ ဖယ်ရှားရာမှာ အရေးပါပါတယ်။ အသက်ပြင်းပြင်း ၅-၁၀ ကြိမ်လောက် ရှူပြီးနောက် သလိပ်တွေ ဖယ်ရှားဖို့အတွက် ၂ ကြိမ်လောက် ချောင်းဆိုးပြီး ဟပ်ထုတ်ပါ။ ဘယ်လိုလေ့ကျင့်ခန်းတွေ လုပ်ရမယ်ဆိုတာ ဆရာဝန်နဲ့ တိုင်ပင်ပါ။

ရောဂါပျောက်ဖို့ ကြာနေတယ်၊ အသက် ၆၀ ကျော်တယ်၊ ဆေးလိပ်သောက်တယ်ဆိုရင် ပိုးသတ်ဆေး စသောက်ပြီး ၆ ပတ် အကြာမှာ ရင်ဘတ်ဓာတ်မှန် ပြန်ရိုက်ကြည့်ဖို့လိုပါတယ်။  အဆုတ်ပိုးဝင်တာ သက်သာ၊ မသက်သာကို ကြည့်ဖို့ ဖြစ်ပါတယ်။

Dr. Mya Phoo Ngon (www.drmyanmar.com)