၅ နှစ်အရွယ်ကလေးတစ်ယောက်မှာ ရှိဖို့လိုအပ်တဲ့ အရည်အသွေးများ

5. ကိုယ့်ဖာသာအိမ်သာသွားတတ်ရမယ်။

          ကလေး အသက် ၂ နှစ်လောက်ဆိုရင် အိုးနဲ့ဝမ်းသွားတတ်ဖို့ကျင့်ပေးလို့ရပါပြီ။ ကလေး တစ်ယောက်နဲ့တစ်ယောက်တော့ မတူပါဘူး။ တစ်ချို့က ပိုပြီးစောစောသွားတတ်နေပါပြီ။ မူကြိုအရွယ်လောက်ရောက်ပြီဆိုရင် အိမ်သာသုံးတတ်ဖို့ သင်ပေးလို့ရပါပြီ၊ ဘောင်းဘီဆွဲချနည်း၊ အိမ်သာရေလောင်းနည်းနဲ့ အိမ်သာသွားပြီးတိုင်း ဆပ်ပြာ၊ရေတို့နဲ့ လက်သေချာဆေးနည်းတွေကို သင်ပေးထားပါ။

6. လမ်းဖြတ်ကူးတဲ့အခါမှာ အန္တရာယ်ကင်းတဲ့နည်းလမ်းတွေကို သိနေဖို့လိုပါတယ်။

          ကလေးဆိုတာက လမ်းဖြတ်ကူးတိုင်း လူကြီးနဲ့ကူးရမယ်ဆိုပေမယ့်လည်း လမ်းဖြတ်ကူးတဲ့အခါမှာ သိထားသင့်တဲ့အချက်တွေကို ကလေးသိအောင် ပြောပြပေးဖို့လိုပါတယ်။ လမ်းဖြတ်ကူးရင် လမ်းနှစ်ဖက်စလုံးကိုကြည့်ဖို့၊ ကားတွေအသံတွေကိုနားထောင်ဖို့သေချာပြောပြပေးပါ။ ကလေးကိုလူကြီးမပါဘဲလမ်းဖြတ်ကူးခွင့်မပေးဘူးဆိုပေမယ့် ကြိုတင်ပြင်ဆင်ပေးထားတာက မမှားပါဘူး။

7. ကောင်းတဲ့၊ ဆိုးတဲ့အမူအကျင့်အထိအတွေ့တွေနဲ့ပတ်သက်ပြီး ခွဲခြားသိဖို့လိုပါတယ်။

          လုပ်သင့်တဲ့အပြုအမူနဲ့ မလုပ်သင့်တဲ့အပြုအမူတွေကို ခွဲခြားတတ်အောင် ကူညီပေးပါ။ ဥပမာအားဖြင့် တစ်ယောက်ယောက်ကို ဂရုစိုက်ကြောင်းပြဖို့အတွက် ဖက်ပေးတာ၊ လက်တွေကို ဆုပ်ကိုင်ပေးတာက ကောင်းတယ်။ ဒါပေမယ့် တခြားသူတွေ ကြောက်လန့်သွားအောင် မသက်မသာဖြစ်အောင် ရိုက်ပုတ်တာ၊ ကန်တာ၊ တခြားသူရဲ့မကိုင်သင့်တဲ့ကိုယ်ပိုင်နေရာတွေကို ကိုင်တွယ်ခြင်းက မပြုလုပ်သင့်ဘူး မကောင်းဘူးဆိုတာကို ခွဲခြားပြောပြပေးထားပါ။ ဒီလိုမျိုးမကောင်းတာတွေကိုယ့်ကို အလုပ်ခံရရင်လည်း အဖေ၊ အမေ၊ ဆရာမစတဲ့ယုံကြည်စိတ်ချရတဲ့လူကြီးတစ်ယောက်ယောက်ကို ချက်ချင်းပြောဖို့ ပြောပြထားပါ။

Dr. Mya Myo Myo Swe (www.drmyanmar.com)