ကိုးလလွယ်ပြီးလို့ ဆယ်လဖွားတော့မယ့်အခါ စိတ်ပူနေမိသလား

>> ဘာတွေရှောင်ရမလဲ ….

•   ပြင်းထန်လေ့ကျင့်ခန်းတွေမလုပ်ပါနဲ့။

•   အထိုင်အထမမြန်ပါနဲ့။ ဖြေးညှင်းစွာ သတိရှိစွာလှုပ်ရှားပါ။

•   စိတ်ရှုပ်နေရင် တစ်ယောက်တည်း ကြိတ်မခံစားပါနဲ့။ သူငယ်ချင်းတွေဆီ မကြာခဏဆက်သွယ်ပါ။ မိသားစုနဲ့ခင်ပွန်းကိုပြောပြပါ။ စိတ်ဖိအားများတာက ကလေးရော မိခင်ရောအတွက် မကောင်းလို့ပါ။ ကိုယ်စိတ်ပူနေရသမျှ ခံစားရသမျှ ဖိအားကိုဖွင့်ပြောပြပြီး ဖြေလျော့ပါစေ။

•   ယောကျာ်းနဲ့အတူနေလို့ရ/မရ - အတူနေလို့ရ၊ လိင်ဆက်ဆံလို့ရပါတယ်။ ကလေးရောလူကြီးပါ ဘာပြသနာမှမဖြစ်ဘူးလို့ ပညာရှင်များက အခိုင်အမာပြောထားပါတယ်နော်။

ဗိုက်ထဲက ကလေးလေးကတော့ ….

•   ကိုယ်လက်အင်္ဂ ါစုံလင်ပြီး ကောင်းကောင်းလှုပ်ရှားပါပြီ။

•   အဆုတ်ဖွံဖြိုးမှု ပြည့်စုံလာပါတယ်။

•   ဦးနှောက်လည်းပြည့်စုံစွာဖွံ့ဖြိုးလာပါပြီ။

•   သူ့အတွက် ရွေ့စရာနေရာကျဉ်းလာတော့ အလုပ်နည်းသွားတတ်တာလေး တစ်ခုပါပဲ။

>> မေမေနဲ့ ဖေဖေတို့ ဘာတွေပြင်ဆင်ထားရမလဲ ….

•   ကျန်းမာရေးဆရာမတွေ ဆရာ၀န်တွေကိုတိုင်ပင်ပြီးမီးဖွားတဲ့အခါ ဘာတွေလိုမယ်ဆိုတဲ့ စာရင်းလုပ်ပါ။ ကြိုစုထားတဲ့အခါ လိုအပ်ချိန်စိတ်မမောရတော့ဘူးပေါ့။

•   မေမေလောင်းလျာလေးကလည်း လာမယ့်သားလေးသမီးလေးကို မွေးမယ့်နည်းလမ်းတွေ ဘာတွေ ဆင်းရင် ဘယ်လိုနာရင် မွေးဖို့ချက်ချင်းပြေးလာဖို့ ပညာပေးတွေ နားထောင်ပြီး ဖြစ်ပါစေ။

•   ကလေးအနေအထားနဲ့ မိခင်ကျန်းမာရေးကိုတော့ သားဖွားမီးယပ်ကညွှန်ကြားတဲ့အတိုင်း စစ်ဆေးထား စေလိုပါတယ်။

•   အိမ်ရှိလူကုန် အသိပေးထားပါ။ မွေးတဲ့အခါ သွားမယ့်ဆေးရုံ ယာဉ်တွေ တစ်ခါတည်းစစီစဉ်ထား ပါတော့။

•   နောက်ဆုံးအနေနဲ့ စိတ်ဖိစီးမှုမများဘဲစိတ်ကို လျှော့ချပြီးအေးဆေးသက်သာစွာ အနားယူစေချင်ပါ တယ်။ အာဟာရပြည့်ပြည့်၀၀စားသုံးပါ။ စားသမျှ ပူနွေးလတ်ဆတ်ပါစေ။

တကယ်တော့ ကလေးတစ်ယောက် မွေးဖွားတာဟာပုံမှန်ဖြစ်စဉ်တစ်ခုသာဖြစ်တာမို့ မိခင်လောင်းရော ဗိုက်ထဲက ကလေးရောက ဆရာ၀န်နဲ့စစ်ဆေးပြီးလို့ ကျန်းမာနေရင် ချောချောမွေ့မွေ့မွေးသွားမှာ မုချမို့ စိတ်ရောကိုယ်ပါ သက်သောင့်သက်သာနေပြီး မိသားစုအကူအညီနဲ့ ပြင်ဆင်စရာရှိတာ ပြင်ဆင်စေ တာအကောင်းဆုံးပါ။