လမစေ့ဘဲကလေးမွေးခြင်း

        လမစေ့ဘဲကလေးမွေးခြင်းဆိုတာဟာ ကိုယ်၀န်ပတ် 37 ပတ်မပြည့်ခင် ကလေးမွေးခြင်းကို ဆိုလိုပါတယ်။ ပုံမှန်အားဖြင့် ကိုယ်၀န်ပတ် 38 - 40 အတွင်း မွေးဖွားတတ်ကြပါတယ်။ ဒီလို 37 ပတ် မတိုင်မီမွေးတဲ့ကလေးကို premature baby လို့ခေါ်ပါတယ်။ လမစေ့ဘဲမွေးတဲ့ ကလေးများဟာ အခြားသောကလေးများထက် ရောဂါ ကူးစက်ခံရခြေ ပိုများပြီး လမစေ့ဘဲမွေးခြင်းသည် ကမ်ဘာတ၀ှမ်းရှိ မွေးကင်းစကလေးငယ်များ သေဆုံးမှု၏နံပါတ်တစ် တရားခံဖြစ်ပါတယ်။

ဘယ်လိုမိခင်တွေမှာ လမစေ့ဘဲကလေးမွေးခြင်းဖြစ်နိုင်သလဲ

    ဘယ်လိုမိခင်ဟာလမစေ့ဘဲကလေးမွေးမယ်ဆိုတာကိုပုံသေသတ်မှတ်လို့မရပါဘူး။ များသောအားဖြင့်

-   မိသားစုမျိုးရိုးရှိသူများ

-   ပထမကလေးကိုလမစေ့ဘဲမွေးသူများနှင့် ကိုယ်၀န်ပျက်ကျဖူးသူများ

-   အမွှာကိုယ်၀န်ဆောင်ထားရသူများ

-   မျိုးပွားအင်္ဂါလမ်းကြောင်းပိုး၀င်ခြင်း

-   သားအိမ်လမ်းကြောင်းတွင်အလုံးအကြိတ်ရှိသူများ

-   သွေးထုံးရောဂါ၊နှလုံးရောဂါ၊ဆီးချိုသွေးချိုရောဂါ၊ သွေးခဲခြင်းနှင့်ဆိုင်သောရောဂါရှိသူများ

-   17 နှစ်အောက်အမျိုးသမီးနှင့် 35 နှစ်အထက်အမျိုးသမီးများ

-   သားအိမ်တွင်းထည့် သနေ္ဓတားပစ္စည်းIUCD အသုံးပြုရင်းကိုယ်၀န်ရသွားသောအမျိုးသမီးများ

-   သားအိမ်နှင့်သားအိမ်ခေါင်းပုံံစံမမှန်သူများ

-   ပိန်လွန်းခြင်း၊ ၀လွန်းခြင်း

-   ကိုယ်၀န်ဆောင်သောအကြိမ်စိပ်သူများ

-   ကိုယ်၀န်ဆောင်စဉ်ဆေးလိပ်၊အရက်နှင့်မူးယစ်ဆေးသုံးစွဲသူများ

-   စိတ်ဖိစီးမှုများသူများ

-   ကိုယ်၀န်ဆောင်စဉ်သင့်တင့််သောကျန်းမာရေးစောင့်ရှောက်မှုမခံယူထားသူများ

-   သွားဖုံးရောဂါရှိသူများ (သွားဖုံးမှာရှိတဲ့ ရောဂါပိုးမွှားတွေနဲ့ အဲဒီပိုးမွှားတွေကိုတိုက်ထုတ်ဖို့ ခန္ဓာကိုယ်ကထုတ်လုပ်တဲ့ Proinflammatory Cytokines တွေက ကိုယ်၀န်ကို ထိခိုက်စေပါတယ်။)

လမစေ့ဘဲမွေးဖွားခြင်းကိုလျော့ချနိုင်ရန်ဘာတွေလုပ်သင့်လဲ

-   ဆေးလိပ်ဖြတ်ပါ။

-   ကျန်းမာသောကိုယ်အလေးချိန်ကိုထိန်းထားပါ။

-   ကိုယ်၀န်နှင့်ပတ်သက်သောကျန်းမာရေးဗဟုသုတများနှင့် သနေ္ဓသားနှင့်ပတ်သက်သော အကြောင်းအရာများကို လေ့လာပါ။

-   ကိုယ်၀န်ဆောင်စဉ် အတောအတွင်းရောဂါပိုးကူးစက်ခံရပါကစောစီးစွာကုသမှုခံယူပါ။

-   ကလေးမွေးပြီးနောက် ၂ နှစ်လောက်နေမှ ကလေးထပ်ယူပါ။

-   ကိုယ်၀န်ဆောင်မိခင်များအားဖေးမပါ။ယခုအခါမှာမိခင်အချို့သည် လမစေ့ဘဲမိမိမွေးလိုသောနေ့တွင် ခွဲမွေးခြင်းကိုပြုလုပ်လာကြပါတယ်။ ထိုသို့ပြုလုပ် ခြင်းကိုရှောင်ရှားပါ။

လမစေ့ဘဲမွေးတဲ့ကလေးတွေမှာနောက်ဆက်တွဲဆိုးကျိုးအနေနဲ့ဘာတွေဖြစ်လာနိုင်သလဲ။

        ဦးနှောက်တွင်းသွေးယိုစီးခြင်း၊ အဆုတ်ရောင်နမိုးနီးယားရောဂါဖြစ်ခြင်း၊ ဦးနှောက်အမြှေးပါးရောင်ခြင်း၊ ကျောက်ကပ်နှင့်ဆိုင်သောရောဂါများ ခံစားရခြင်း၊ အသားဝါခြင်း၊ အကြားအာရုံနှင့်အမြင်အာရုံချို့ယွင်းခြင်း၊ သွက်ချာပါဒဖြစ်ခြင်း၊ ဖွံ့ဖြိုးမှုနောက်ကျခြင်း စတဲ့နောက်ဆက်တွဲဆိုးကျိုးများလည်း ဖြစ်ပေါ်လာနို်င်ပါတယ်။

        လမစေ့ဘဲမွေးလာတဲ့ ကလေးတွေမှာ အဆုတ်ဟာကောင်းစွာဖံံွ့ဖြိုးခြင်း မရှိသေးတာကြောင့် အသက်ရှုဖို့အတွက် အခက်အခဲဖြစ်စေပါတယ်။ ဒါ့အပြင် ခန္ဓာကိုယ်အပူချိန်ကို ပုံမှန်အတိုင်းဖြစ်အောင် ထိန်းသိမ်းနိုင်စွမ်းမရှိတာကြောင့် နွေးထွေးအောင်ပြုလုပ်ပေးဖို့ လိုအပ်ပါတယ်။ အစားအစာမျိုချရာမှာလည်း အခက်အခဲများရှိနိုင်ပါတယ်။

Dr. Htet Htet Aung

www.drmyanmar.com