ကိုယ်လက်လှုပ်ရှားမှုပြုလုပ်ခြင်းက ကိုယ်ခံအားကို တိုးစေနိုင်သလား

●  ကိုယ်လက်လှုပ်ရှားမှုပြုလုပ်ခြင်းက အဆုတ်နဲ့အသက်ရှူလမ်းကြောင်းကနေ ဘက်တီးရီးယားတွေကို ဖယ်ရှားပေးရာမှာ အကူအညီပေးပါတယ်။ အအေးမိ၊ တုပ်ကွေးနဲ့ အခြားရောဂါဘယတွေ ဖြစ်နိုင်ခြေကို လျော့နည်းစေနိုင်ပါတယ်။

●  လေ့ကျင့်ခန်းပြုလုပ်ခြင်းက အင်တီဘော်ဒီ နဲ့ ရောဂါတွေကို တိုက်ထုတ်ပေးမယ့် ကိုယ်ခန္ဓာရဲ့ ခုခံအားဆဲလ်တွေဖြစ်တဲ့ သွေးဖြူဥတွေရဲ့ သွေးထဲလှည့်လည်နှုန်း ပိုမိုမြန်ဆန်လာပြီး ရောဂါပိုးမွှားတွေကို ပိုမိုမြန်ဆန်စွာ ရှာဖွေဖော်ထုတ်လာနိုင်ပါတယ်။ ဒီလိုပြောင်းလဲမှုတွေက ရောဂါပိုးမွှားတွေကို တကယ်ကာကွယ်တားဆီး နိုင်၊ မနိုင်တော့ မပြောနိုင်သေးပါဘူး။

●  လေ့ကျင့်ခန်းလုပ်နေချိန်နဲ့ လုပ်ပြီးပြီးချင်းအချိန်မှာ ကိုယ်တွင်းအပူချိန် မြင့်တက်လာခြင်းက ဘက်တီးရီးယားပွားခြင်းကို တားဆီးပေးနိုင်ပါတယ်။ ဒီနည်းအားဖြင့် ရောဂါပိုးမွှားတွေကိုလည်း ပိုမိုတိုက်ဖျက်နိုင်ပါတယ်။

●  လေ့ကျင့်ခန်းပြုလုပ်ခြင်းက ဖိစီးမှုဟော်မုန်းထွက်နှုန်းကိုလည်း လျော့နည်းစေနိုင်ပါတယ်။ ဖိစီးမှုများခြင်းက ရောဂါဘယဖြစ်နှုန်းကို ပိုများစေနိုင်တာကြောင့် ဖိစီးမှုဟော်မုန်းကို လျှော့ချပေးခြင်းဖြင့် ရောဂါဘယတွေကို တားဆီးပေးနိုင်ပါတယ်။