ဆင်ခြင်သတိထားရမယ့် အစာအိမ်လေနာအကြောင်း သိကောင်းစရာ..

ဆရာဝန်လေးကလူနာကိုဆေးပေးတဲ့အပြင် ရှောင်ရန်တွေကိုတစ်ခါတည်းပြောပြရပါတယ်။ အစားကို အာရုံမစိုက်ဘဲ မြန်မြန်စားတတ်သူတွေဟာလည်း အစာအိမ်ရောဂါဖြစ်ဖို့ ရာနှုန်းများပါတယ်။ ဆေးကို လည်း ပုံမှန်သောက်ဖို့လိုပါတယ်။ တချို့တွေမှာအစာအိမ်ထဲက အနာဖြစ်စေတဲ့ပိုးကိုသတ်ပေးတဲ့ ပဋိ ဇီ၀ဆေးတွေ ဆယ်ရက် တစ်ပတ်ထိ သောက်သုံးရတတ်ပါတယ်။

ဆေးလည်းသောက်သလို လူလည်းပြုပြင်သွားမှ အစာအိမ်အနာလေးကကျက်သွားမှာဖြစ်မှာပါ။

" အစာအိမ်ဖြစ်ရင် ဘာတွေစားရမလဲဆရာ"

ဆရာဝန်လေးရဲ့ အကြံဉာဏ်ကတော့ အပူအစပ်ရှောင် အဆီများတဲ့ဟင်းတွေ ဆီကြော်တွေရှောင်ဖို့ ဖြစ်ပါတယ်။ ရေများများသောက်ပါ။  ဒါ့အပြင် အစာအိမ်ထဲကရောင်ရမ်းနာလေးကျက်သွားဖို့ သက် သာလာဖို့ အထူးပြုစားသင့်တဲ့ အစားအစာတွေကတော့အောက်ပါအတိုင်းဖြစ်ပါတယ်။ 

•   ရေနွေးဖြူ

•   ထမင်းပျော့ပျော့ပြောင်းပြောင်း

•   ဒိန်ချဉ်

•   ပေါင်မုန့်ညို

•   မုန်လာဥနီဖျော်ရည်

•   အုန်းရည်

•   ကြက်သွန်နီ/ဖြူ

•   ပန်းသီး

•   အစိမ်းရင့်ရောင်အရွက်များ

•   ပဲအမျိုးမျိုး

•   ပန်းဂေါ်ဖီစိမ်းတို့ဖြစ်ပါတယ်။ 

အစာအိမ်ရောဂါဖြစ်လို့ စိတ်ညစ်စရာ၊ ကြောက်စရာမလိုပါဘူး။ ဆေးမှန်မှန်သောက်သလို မိမိကိုယ်မိမိ အနေအထိုင် အစားအသောက်ဆင်ခြင်မှ လုံးဝပျောက်ကင်းသက်သာမှာ ဖြစ်ပါတယ်။ သက်သာလိုက် အရင်လိုစားချင်တာပြန်စား အရက်ဆေးလိပ်ပါသောက်မယ်ဆိုရင်တော့ ဂျာအေးသူ့အမေရိုက်သလိုပါ ပဲ။ နောက်ဆုံးအခန့်မသင့်ရင်သွေးကြောပေါက်တာထိ အခြေအနေရောက်သွားနိုင်သေးတာမို့ အလေး ဂရုပြု ဆင်ခြင်သတိထားစရာလေးတွေကို ကြိုကြိုတင်တင်သိရှိထားသင့်ပါတယ်နော်။ 

www.drmyanmar.com