ဆီးချိုကြောင့် အာရုံကြောထိခိုက် ထုံကျင်လာတဲ့အခါ

3.  Acetyl-L-carnitine
Acetyl-L-carnitine ဟာ အသည်းနဲ့ကျောက်ကပ်ကနေ သဘာဝအတိုင်းထုတ်လုပ်တဲ့ ဓာတုပစ္စည်းတစ်မျိုး ဖြစ်ပါတယ်။ Acetyl-L-carnitine ဟာ ဓာတ်တိုးဆန့်ကျင်မှုကို လျော့နည်းစေနိုင်ပါတယ်။ အာရုံကြောရဲ့ လုပ်ငန်းဆောင်တာနဲ့ ပြန်လည်ပြုပြင်မှုကိုလည်း ကောင်းစေတယ်လို့ သိရပါတယ်။
လေ့လာမှုအနည်းအကျဉ်းမှာတော့ ဆီးချိုအာရုံကြောရောဂါရှိသူတွေမှာ Acetyl-L-carnitine ဟာ နာကျင်တာကို သက်သာစေခြင်း၊ တခြားအာရုံခံစားမှုတွေကို တိုးတက်စေခြင်း၊ အာရုံကြောလုပ်ငန်းဆောင်တာ စစ်ဆေးမှုမှာ တိုးတက်စေခြင်း စတဲ့ ကောင်းကျိုးတွေကို ရစေနိုင်ပါတယ်။ ရောဂါစစချင်းမှာပေးတာ ပိုကောင်းတယ်လို့လည်း ဆိုပါတယ်။ ထပ်ပြီးလေ့လာဖို့တော့လည်း လိုပါသေးတယ်။
ညွှန်ကြားထားတဲ့အတိုင်းသောက်ရင် အန္တရာယ်မရှိပါဘူး။ နောက်ဆက်တွဲအနေနဲ့ ပျို့ချင်အန်ချင်တာ၊ စိတ်ရှုပ်ထွေးတာတွေ ဖြစ်တတ်ပါတယ်။
ဒီဆေးကို သွေးကြဲဆေး warfarin နဲ့ တွဲမသောက်ပါနဲ့။ Warfarin ရဲ့ အစွမ်းကို တိုးစေပြီး သွေးထွက်နိုင်ခြေရှိလို့ပါ။ သိုင်းရွိုက်ဓာတ် အားနည်းတာ (သို့) များဖူးတာမျိုးရှိရင် မပေးသင့်ပါဘူး။ ပိုဆိုးစေနိုင်ပါတယ်။
 
4.  ကျန်းမာရေးနဲ့ညီညွတ်စွာ စားပေးဖို့ အရေးကြီးပါတယ်။
အာဟာရဓာတ်ပြညိ့ဝပြီး အဆီနဲ့ ကယ်လိုရီတွေနည်းတဲ့အစားအစာမျိုးကို စားပေးပါ။ အဓိကကတော့ -
●  အသီးအရွက်တွေ၊ ပဲအမျိုးမျိုး၊ မပြုပြင်မပြောင်းလဲထားတဲ့အစေ့အနှံတွေ
●  အဆီမပါ၊ အဆီနည်းတဲ့ နို့နဲ့နို့ထွက်ပစ္စည်းတွေ
●  အဆီနည်းအသား၊ ငါး၊ အရေခွံမပါတဲ့ကြက်သား၊ ဘဲသားတွေ စတာတွေကို စားပေးပါ။
 
5.  ကိုယ်လက်လှုပ်ရှားမှုကလည်း အရေးပါပါတယ်။
လေ့ကျင့်ခန်းကလည်း သွေးတွင်းအချိုဓာတ်ကို ထိန်းချုပ်ရာမှာ အရေးပါပါတယ်။ ဆီးချိုရှိသူတွေဟာ တစ်ပတ်ကို အနည်းဆုံး မိနစ် ၁၅၀ လောက် အလယ်အလတ်စားကနေ အပြင်းစားလေ့ကျင့်ခန်းမျိုးကို လုပ်ပေးသင့်ပါတယ်။ ဥပမာအားဖြင့် တစ်ပတ်မှာ ရက်အတော်များများ မိနစ် ၃၀ လောက် လမ်းမြန်မြန်လျှောက်ပေးပါ။
ရေများများသောက်ပါ။ လေ့ကျင့်ခန်းလုပ်နေစဉ် သက်သောင့်သက်သာရှိအောင် ဝတ်ဆင်ပါ။

Dr. Mya Phoo Ngon (www.drmyanmar.com)