တစ်နေ့တာကို အားအင်အပြည့်နဲ့ ဖြတ်သန်းနိုင်အောင် ဘာတွေလုပ်ကြမလဲ?

ဒီကနေ့ တစ်နေ့တာကို ဖြတ်သန်းဖို့အတွက် မနက်အစောတည်းက အားအင်ကုန်ခမ်းနေပြီလား။ ဒါဆိုရင်တော့ အခုပြောပြမယ့် နည်းလမ်းကောင်းလေးတွေနဲ့ မိမိတို့ရဲ့အားအင်ကို မြှင့်တင်လိုက်ကြရအောင်နော်။

၁။ မနက်စာ စားပါ။

ဆီတိုင်ကီထဲ ဆီမရှိဘဲ ကားမမောင်းသင့်သလို မနက်စာ မစားဘဲနဲ့ အလုပ်မလုပ်သင့်ပါဘူး။ သုတေသနတွေအရ အာဟာရပြည့်ဝတဲ့မနက်စာကို စားသူတွေဟာ မစားသူတွေထက်စာရင် အလုပ်တွေကို ပိုမိုကောင်းမွန်စွာ လုပ်ကိုင်နိုင်ပါတယ်။

၂။ လှုပ်ရှားပါ။

တစ်နေကုန် အလုပ်စားပွဲ၊ စာကြည့်စားပွဲမှာပဲ ထိုင်မနေဘဲနဲ့ အချိန်ရရင်ရသလို ခဏလေး မတ်တပ်ရပ်ပြီး ဟိုနားဒီနား လမ်းလျှောက်ကြည့်ပါ။ လမ်းလျှောက်ဖို့မလွယ်ရင် ခြေထောက်အကြောလျှော့တာပဲဖြစ်ဖြစ် လုပ်ကြည့်ပါ။

၃။ ကစီဓာတ်ကို ရွေးချယ်စားသောက်ပါ။

ပေါင်မုန့်ဖြူ၊ ကိတ်မုန့်၊ သကြားတို့လိုမျိုး simple carbohydrate အစား ဆန်လုံးညို၊ အုတ်ဂျုံ အစရှိတဲ့ complex carbohydrate တို့ကို ရွေးချယ်စားသောက်ပေးပါ။