မနက်စောစော ထတဲ့သူတွေ စိတ်ကျန်းမာရေး ပိုကောင်းကြပါသတဲ့

          မနက်စောစော မထတဲ့သူနဲ့ ထတဲ့သူတွေ ယှဉ်လိုက်တဲ့အခါ ထတဲ့သူတွေက ပိုမိုကျန်းမာရေးကောင်းတဲ့ဘဝကို ပိုင်ဆိုင်နေကြပါသတဲ့။

●        မနက်စောစောထခြင်းဟာ ညစဉ် နာရီဝက်ခန့် စောပြီး အိပ်ရာဝင်တာနဲ့ ဆက်စပ်နေပါသတဲ့။ နည်းနည်းလေးစောပြီး အိပ်ရာ ဝင်လိုက်တာက မနက်ထဖို့ စွမ်းအင် တည်ဆောက်လိုက်တာပါပဲ။

●        စောစော မထနိုင်သူနဲ့ ထနိုင်သူတွေကြား ကွာခြားချက်က ဦးနှောက်က ပြင်ပအလင်းကို ဘယ်လိုတုံ့ပြန်တယ်ဆိုတာပေါ်လည်း မူတည်ပါသေးသတဲ့။

●        နောက်ပြီး ဝမ်းသာစရာက အဝလွန်တာတွေ ဆီးချိုဖြစ်နှုန်းတွေက မနက် မထတဲ့သူနဲ့ စောစောထသူတွေကြား မကွာခြားပါဘူးတဲ့။

●        ဒါပေမဲ့ တစ်ဖက်က ကြည့်မယ်ဆိုရင်လည်း မနက်အစော ထသူတွေနဲ့ ယှဉ်လိုက်ရင် မထနိုင်သူတွေက စိတ်ကျရောဂါ စိတ်ကစဥ့်ကလျားရောဂါနဲ့ စိတ်ပူပန်တာတွေ ပိုများများခံစားရဖို့ ရှိနေပြန်ပါရောတဲ့။

●        အိပ်ရေးဝတာတွေ အိပ်ချိန်တိုတာတွေ ရှည်တာတွေထက် မနက်မထနိုင်တာကိုက စိတ်ကျရောဂါ အဖြစ်များစေတာပါတဲ့။

●        အိပ်ရေးမဝဘူး ဆိုရင်တော့ နွမ်းဖတ်နေမှာ သေချာသလောက်ပါပဲ၊ အစဉ်နွမ်းနယ်နေပြီး မျက်လုံးအိမ်တွေ ဖောင်းနေတာ တွေ့ကြမှာပါ။ နွမ်းနယ်လေ စိတ်မတည်ငြိမ်လေပါပဲ။

●        အိပ်တော့အိပ်ပါရဲ့။ အဝလွန်တာကြောင့် အိပ်ပျော်နေရင်း အသက်ရှူရပ်တဲ့အခါ မကြာခဏ မသိမသာ လန့်လန့်နိုးနေပြီး အိပ်ရေး မဝတော့ပါဘူး။ အ၀လွန်တာကလည်း စောစောမထနိုင်ဖို့ အကြောင်းရင်းပါပဲ။

          စောစောထနိုင်ဖို့  ပိုမိုကျန်းမာရေးကောင်းလာဖို့ ဒီလိုလေးတွေ လုပ်ကြည့်ဖို့ ပညာရှင်တွေက အကြံပြုထားပါတယ်။

●        ညနေခင်းမှာ ကော်ဖီ၊ လက်ဖက်ရည်ကို ရှောင်ပါ။

●        ညမှာ နွားနို့ပူပူတစ်ခွက် သောက်ပါ။

●        ဖြည်းညင်းစွာ အသက်ရှူသွင်းရှူထုတ် လုပ်ပါ။

●        မအိပ်ခင် အသက်ရှူနှုန်း ရေတွက်ကြည့်ပါ။

●        မအိပ်ခင် ရေနွေးနွေးလေးချိုးပြီး အကြော ဖြေလျှော့ပါ။

●        အိပ်ခန်းထဲမှာ မီးမှိန်မှိန်လေး ဖွင့်ထားပါ။

ဂျီပီငှက် (ဆေး/မန်း) (www.drmyanmar.com)