လည်ပင်းကြီးတဲ့အခါ စဉ်းစားနိုင်ဖို့

          လည်ပင်းကြီးရောဂါက နာကျင်မှုမရှိပေမယ့် အသက်ရှူရခက်တာတွေ အစာမျိုရခက်တာတွေရှိတတ်ပါတယ်။ လည်ပင်းဂလင်းတွေကထွက်တဲ့ သိုင်းရွိုက်ဟော်မုန်းဟာ ခန္ဓာကိုယ်ရဲ့ အရေးကြီးတဲ့ ဖြစ်စဉ်အတော်များများမှာ ပါဝင်နေတတ်ပါတယ်။

>>    လည်ပင်းကြီးရောဂါရဲ့ ရောဂါလက္ခဏာတွေကတော့ -

●        လည်ပင်းအစ်သလို ခံစားရခြင်း

●        အသံပျက်ခြင်း

●        အသံသြခြင်း

●        ချောင်းဆိုး မပျောက်ခြင်း

●        အသက်ရှူရ ခက်ခဲခြင်း

●        အစာမျိုရ ခက်ခဲခြင်း

●        လက်မြှောက်လိုက်တဲ့အခါ မူးဝေခြင်း

●        လည်ပင်းကြောတွေ ထောင်နေခြင်း

>>    လည်ပင်းကြီးရောဂါ ဖြစ်တတ်တဲ့လူတွေက -

●        အမျိုးသမီးတွေ

●        ကိုယ်ခံအားလွန်ရောဂါ ခံစားနေရသူတွေ

●        အသက် ၄၀ အထက်တွေ

●        လည်ပင်းနဲ့ရင်ဘတ်မှာ ဓာတ်ရောက်ခြည်ကုသမှု ခံယူဖူးသူတွေ

●        ကိုယ်ဝန်ဆောင်လေးတွေနဲ့ သွေးဆုံးခါနီး အမျိုးသမီးတွေ

●        ဆေးဝါးတချို့ သောက်သုံးနေရသူတွေ (Amniodarone, Lithium, antiretrovirals)

>>    လည်ပင်းကြီးရောဂါရဲ့ အကြောင်းရင်းတွေကတော့ -

●        အိုင်အိုဒင်းဓာတ် နည်းပါးခြင်း

●        ကိုယ်ခံအားလွန် Grave ရောဂါ

●        ကိုယ်ခံအားလွန် သိုင်းရွိုက်ရောင်ရောဂါ

●        ကင်ဆာ

●        ကိုယ်ဝန်ဆောင်ချိန်

●        ရိုးရိုးသိုင်းရွိုက်အကျိတ်ရောင်ခြင်းတို့ ဖြစ်ပါတယ်။

          သိုင်းရွိုက်ရောဂါလို့ခေါ်တဲ့ လည်ပင်ကြီးရောဂါလို့ ထင်တဲ့အခါ အောက်ပါအတိုင်း ရောဂါရှာဖွေရပါတယ်။

●        သွေးတွင်း သိုင်းရွိုက်ဟော်မုန်းပမာဏ စစ်ဆေးခြင်း

●        ခုခံအားပစ္စည်း စစ်ဆေးခြင်း

●        အာထရာဆောင်း ရိုက်ကူးခြင်း

●        စကင်ဓာတ်မှန် ရိုက်ခြင်း

●        အသားစယူ စစ်ဆေးတာတွေ လုပ်လို့ရပါတယ်။

          မိမိလည်ပင်းအကျိတ်ရဲ့ပမာဏ ကြီးထွားမှု ခံစားရတဲ့လက္ခဏာတွေအပေါ် မူတည်ပြီး အောက်ပါအတိုင်း ကုသရပါတယ်။

●        ဟော်မုန်းများနေရင် နည်းစေတဲ့ဆေး

●        ဟော်မုန်းနည်းနေရင် ဖြည့်သွင်းတဲ့ အစားထိုးဆေးဝါး

●        အရောင်ကျဆေးနဲ့ စတီးရွိုက်တွေ လိုအပ်သလို ပေးကုသပါတယ်။

          တချို့တွေမှာတော့ ရေဒီယိုအိုင်အိုဒင်းနဲ့ ခွဲစိတ်ကုသမှုတွေနဲ့ ကုသတာကလည်း ထိရောက်ကောင်းမွန်တဲ့ ကုသမှုတွေလို့ ဆိုရမှာ ဖြစ်ပါတယ်။

ဂျီပီငှက် (ဆေး/မန်း) (www.drmyanmar.com)