သည်းခြေအိတ်လေး ကျန်းမာဖို့ ...
သည်းခြေအိတ်ကို ကျန်းမာစေဖို့ အောက်ပါနည်းလမ်းကောင်းတွေကို လိုက်နာကျင့်သုံးသင့်ပါတယ်။
● အဝလွန်ခြင်းကို တားဆီးခြင်း
အဝလွန်ခြင်းဟာ သည်းခြေအိတ်ပြဿနာကို ဖြစ်စေနိုင်တာကြောင့် လှုပ်လှုပ်ရှားရှား နေထိုင်ပြီး ကိုယ်အလေးချိန်ကို ထိန်းသိမ်းထားပါ။
● ကိုယ်အလေးချိန် အလွန်အကျွံမကျအောင် ထိန်းခြင်း
ရုတ်တရက် ကိုယ်အလေးချိန် ကျဆင်းတဲ့အခါ အသည်းနဲ့ သည်းခြေအိတ်က အလုပ် ပိုလုပ်ရပါတယ်။ ဒီအခါ သည်းခြေကျောက်တွေ တည်လာနိုင်တာကြောင့် ကိုယ်အလေးချိန်ကို ဖြည်းဖြည်းမှန်မှန် ကျဆင်းစေပြီး သင့်တင့်တဲ့ ကိုယ်အလေးချိန်မှာ ထိန်းထားသင့်ပါတယ်။
● ဓာတ်မတည့်စေတဲ့အရာတွေကို ရှောင်ခြင်း
အစားအစာ ဓာတ်မတည့်ခြင်းနဲ့ သည်းခြေကျောက်ဟာ ဆက်စပ်မှု ရှိနေပါတယ်။ ဒါကြောင့် သည်းခြေအိတ်ရောဂါ ရှိသူတွေဟာ ဓာတ်မတည့်တဲ့အရာတွေကို စမ်းသပ်စစ်ဆေးပြီး တတ်နိုင်သလောက် ရှောင်ရှားသင့်ပါတယ်။
● ဆေးလိပ်ဖြတ်ခြင်း
ဆေးလိပ်သောက်ခြင်းဟာ သည်းခြေအိတ်လုပ်ငန်းတွေကို ကမောက်ကမဖြစ်စေပြီး သည်းခြေအိတ်ကင်ဆာကိုတောင် ဖြစ်စေနိုင်ပါတယ်။
● အသီးအရွက် များများစားခြင်း
အမျှင်ဓာတ် ပြည့်ဝတဲ့ အသီးအရွက်တွေ များများစားခြင်းက သည်းခြေအိတ်ကို ကျန်းမာစေနိုင်ပါတယ်။ ပြည့်ဝဆီတွေဟာ အသားမှာ အများအပြား ပါဝင်တာကြောင့် လျှော့စားတာ ကောင်းပါတယ်။
Dr. Mya Phoo Ngon (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...