သံဓာတ်က အသားအရေနဲ့ ကိုယ်ခန္ဓာအတွက် ဘယ်လိုကောင်းကျိုးတွေ ပေးစွမ်းနိုင်သလဲ

ဗီတာမင်နဲ့ သတ္တုဓာတ်တွေဟာ ကိုယ်ခန္ဓာရဲ့ဇီဝကမ္မဖြစ်စဉ်တွေအတွက် အလွန်အရေးပါပါတယ်။ ဒီထဲမှာ သံဓာတ်လည်း အပါအဝင်ပါပဲ။ ပရိုတင်းဇီဝကမ္မဖြစ်စဉ်နဲ့ အင်ဇိုင်းတွေ၊ သွေးအားဆဲလ် ဟေမိုဂလိုဘင်နဲ့ သွေးနီဥထုတ်လုပ်ရေးတွေမှာ သံဓာတ် ပါဝင်ပါတယ်။ သံဓာတ်ကအသားအရေ၊ လက်သည်းခြေသည်းနဲ့ ကိုယ်ခန္ဓာမှာ ဘယ်လိုအကျိုးကျေးဇူးတွေပေးတယ်ဆိုတာကို ကြည့်ကြရအောင်နော်။

၁။  အသားအရေကို စိုပြေကြည်လင်စေနိုင်ပါတယ်။
အသားအရေ ဖြူဖပ်ဖြူရော်နဲ့မျက်ကွင်းညိုညိုတို့ဟာ သံဓာတ်အားနည်းပြီး သွေးအားနည်းခြင်းကြောင့် ဖြစ်တတ်တဲ့ လက္ခဏာတစ်ရပ် ဖြစ်ပါတယ်။ သံဓာတ်ပြည့်ဝတဲ့အခါ အသားအရေ နီစွေးပြီး စိုပြေကြည်လင်နေတတ်ပါတယ်။

၂။  အနာကျက်မြန်စေနိုင်ပါတယ်။
သံဓာတ်ပြည့်ဝမှသာ အနာဆီကို အောက်စီဂျင်ကောင်းကောင်း ပို့ဆောင်နိုင်ပြီး အနာကျက်မြန်စေနိုင်ပါတယ်။

၃။  ဆံပင်ကျွတ်ခြင်းကို သက်သာစေနိုင်ပါတယ်။
သံဓာတ်အားနည်းခြင်းကြောင့် ဆံပင်ကျွတ်တတ်ပါတယ်။ သံဓာတ်ပြည့်ဝခြင်းကြောင့် ဆံပင်အရင်းနဲ့ ဦးရေပြားဆီသို့ အာဟာရဓာတ် ကောင်းကောင်းရောက်စေပြီး ဆံပင်တွေကို တောက်ပြောင်စေနိုင်ပါတယ်။