သွေးတွင်းအချိူဓာတ်ကျတတ်သူများအတွက် လမ်းညွှန်

          ဒါတွေစားပီးရင် ဆယ့်ငါးမိနစ်စောင့်ပါ။ စက်ရှိနေရင်ထပ်ဖောက်စစ်ပါ။ အနည်းဆုံးဂလူးကို့စ်ပမာဏ ၁၀၀ ကျော်နေရပါမယ်။မကျော်သေးရင် ခုနကပုံစံအတိုင်းထပ်စားထပ်သောက်ကြည့်ပြီး ပြန်စောင့် ပြန်စစ်ရပါမယ်။ ကောင်းတဲ့အထိ  သောက်ပေးရမှာပါ။

          ဒီလို သကြားရည် သို့မဟုတ် အချိုရည်သောက်နေပါလျက်နဲ့ စိတ်ထဲမှာမသက်သာဘူးလို့ခံစားလာရရင် ဆရာဝန်ဆီ ချက်ချင်းသွားပါ။ သိပ်မဆိုးလာခင်အကြောထဲကို ဂလူးကို့စ်အရည်သွင်းပေးဖို့ အရေးပေါ်လိုအပ်လာနိုင်လို့ ဖြစ်ပါတယ်။

          နောက်ပြီးမိမိနဲ့ နီးစပ်ရာမိသားစုဝင်မိတ်ဆွေများကိုလည်း မိမိမှာဆီးချိုရှိကြောင်း ကြိုတင်အသိပေးထားပါ။ ဆီးချိုထိုးကျသွားချိန်ကိုယ်က ရောဂါလက္ခဏာတွေစခံစားရချိန်မှာ အနီးကမိသားစုမိတ်ဆွေက ဘာလုပ်ပေးရမလဲသိဖို့လိုပါတယ်။ ကို်ယ်ကိုတိုင်လည်း အိတ်ထဲမှာချိုချဉ်လေးတွေ ဆောင်ထားပါ။ နည်းနည်းမအီမသာဆို ကောက်ငုံလိုက်လို့ရပါတယ်။

          လမ်းမှာဆီးချိုထိုးကျရင် ရုတ်တရက်လဲကျတာမျိုးတွေ ဖြစ်တတ်လို့ ကိုယ့်ကိုဆီးချိုရှိမှန်းသိအောင် လက်ပတ်လေးတွေ၊ အိတ်ဆောင်ကတ်ပြားလေးတွေ ဆောင်ထားပါ။ ရုတ်တရက်ဆို ဘေးက ပြုစုပေးသူက ဘာလုပ်ပေးရမလဲ သိနိုင်တဲ့အပြင် ဆေးရုံဆေးခန်းမှာလည်း အရေးပေါ်ဌာနက ဆရာဝန်ဆရာမက ဆီးချိုကျကြောင်းသိရှိပြီး ကတ်ပြားအရ ဆီးချိူ ဝေဒနာရှင်ဖြစ်ကြောင်းချက်ချင်းခန့်မှန်းနိုင်ပြီးကုသမှုတွေ မြန်ဆန်ချောမွေ့သွားမှာ ဖြစ်ပါတယ်။

          ဆီးချိုရုတ်တရက်ထိုးကျသွားတာ ကာကွယ်နိုင်ဖို့ အစာကိုနည်းနည်းနဲ့ ခဏခဏစားပါ။ ဒီလိုစားခြင်းအားဖြင့် အလွယ်တကူအစာကြေလွယ်ပြီး ဆီးချိုကိုသိပ်မကျအောင်ထိန်းပေးနိုင်ပါတယ်။ ဆီးချိုဆေးတွေကို ကိုယ့်သဘောနဲ့ကိုယ်ပြောင်းမသောက်ပါနဲ့။ ဆရာဝန်ညွှန်ကြားချက်အတိုင်း အတိအကျလိုက်နာပြီး သောကိဖို့လိုအပ်ပါတယ်။

ဂျီပီငှက် (www.drmyanmar.com)