အစာအိမ်အချဉ်ပေါက်တဲ့အခါ သက်သာအောင် သောက်သုံးရမယ့်အရည်များ
အစာအိမ်အက်ဆစ်များ အထက်သို့ဆန်တက်ခြင်း သို့မဟုတ် စားချဉ့်ပြန်ရောဂါရှိသူများအနေနှင့် အစာ အတော်များများကို ရှောင်ရလေ့ရှိပါတယ်။
ရောဂါလက္ခဏာများကတော့ ချောင်းဆိုးခြင်း၊ ပျို့အန်ခြင်း၊ အသံသြလာခြင်း၊ လေချဉ်တက်ခြင်း၊ လည်ချောင်းနာခြင်းနှင့် အစာများ ပြန်အန်ထွက်ခြင်းတို့ ဖြစ်ပါတယ်။
Kremil-S 1
စားချဉ့်ပြန်ရောဂါရှိသူတွေ သောက်သုံးသင့်သောအရည်တွေကတော့ အောက်ပါအတိုင်းဖြစ်ပါတယ်။
(၁) လက်ဖက်ရည်ကြမ်း
● အစာကြေစေပြီး လေပွခြင်းနှင့် ပျို့ခြင်းကို သက်သာစေပါတယ်။
● လီကိုရိုက်စ်ပါတဲ့အတွက် အစာရေမျိုရှိ အချွဲအလွှာကို ထူစေတာမို့ အစာအိမ်အက်ဆစ်တွေ တိုက်စားခြင်းကို ကာကွယ်ပေးပါတယ်။
(၂) သစ်သီးဖျော်ရည်
● အချဉ်စူးသောအသီးတွေဟာ အစာအိမ်အက်ဆစ်ကို ပိုမိုထွက်စေတာမို့ အချဉ်နည်းသောအသီးတွေဖြစ်တဲ့ - မုန်လာဥနီ၊ ရှားစောင်းလက်ပတ်၊ ဂေါ်ဖီထုပ်၊ ဖရဲသီး စသည်တို့ကို ဖျော်ရည်ဖျော်သောက်နိုင်ပါတယ်။
(၃) ရေ
● ရေသန့်ကတော့ အလွယ်ကူဆုံးအရည်ဖြစ်ပြီး အစာအိမ်အက်ဆစ်တွေကို အားပျော့စေဖို့ သောက်သုံးနိုင်ပါတယ်။
(၄) အုန်းရည်
● အုန်းရည်မှာ ပိုတက်စီယမ်ပါဝင်တာမို့ ကိုယ်ထဲရှိ PH ကို မျှတစေပြီး အစာအိမ်အက်ဆစ်တွေကို ထိန်းချုပ်ပေးပါတယ်။
(၅) အပင်ကရသော နို့များ
● ပဲနို့၊ ဗာဒံစေ့နို့၊ သီဟိုစေ့နို့ နှင့် အုန်းနို့တို့ကို သောက်ပေးခြင်းဖြင့်လည်း အက်ဆစ်တွေကို ထိန်းချုပ်ပေးနိုင်ပါတယ်။
Kremil-S 2
>> ရှောင်ရမည့် အရည်များကတော့ -
(၁) အချဉ်စူးသောသစ်သီးများနှင့် သစ်သီးဖျော်ရည်များ
(၂) ကော်ဖီ
(၃) အရက်၊ ဘီယာ
>> အစာအိမ်အက်ဆစ် ဆန်တက်ခြင်းကို သက်သာစေမယ့် အလေ့အကျင့်ကောင်းတွေကတော့ -
● မနက်စာနှင့် နေ့လယ်စာ မစားတာမျိုးကို ရှောင်ပါ။
● အိပ်ခါနီးတွင် အစာများများစားခြင်း၊ ကော်ဖီနှင့်အရက် သောက်ခြင်းကို ရှောင်ပါ။
● အရက်နှင့်ဆေးလိပ် အလွန်အကျွံသောက်ခြင်းကို ရှောင်ပါ။
● စပ်လွန်းသော အစာများစားခြင်းကို ရှောင်ပါ။
● အိပ်တဲ့အခါမှာ ခေါင်းအုံးမြင့်မြင့်ဖြင့် အိပ်ခြင်းဖြင့် ကမ္ဘာ့ဆွဲအားအရ အက်ဆစ်များ အထက်ဆန်ခြင်းကို တားမြစ်နိုင်မှာ ဖြစ်ပါတယ်။
လေပြေနုသွေး (ဆေး-၂) (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...