အစာအိမ် အောင့်ခြင်း၊ ဗိုက်အောင့် ဗိုက်နာဖြစ်ခြင်းတို့၏ အကြောင်းရင်းများ

          အောက်ပါလက္ခဏာတွေ ကြုံတွေ့ရရင်တော့ နီးစပ်ရာဆေးရုံ၊ ဆေးခန်းမှာ အရေးပေါ်ကုသမှု ခံယူရပါမယ်။

•        ရုတ်တရက် ဆိုးရွားစွာ ဗိုက်အောင့်ခြင်း

•        ဗိုက်ကို ထိလိုက်တာနဲ့ နာခြင်း

•        သွေးအန်ခြင်း

•        ဝမ်းထဲတွင် သွေးပါခြင်း၊ ဝမ်းမည်းမည်းသွားခြင်း၊ ကတ္တရာစီးကဲ့သို့ စေးပျစ်သောဝမ်းများ သွားခြင်း

•        ဆီး မသွားနိုင်ခြင်း

•        အသက်မရှူနိုင်ခြင်း

•        ဆီးချိုသမားများတွင် အန်ခြင်း

>> ရုတ်တရက် ဆိုးရွားစွာ ဗိုက်အောင့်ရင် ဘာတွေဖြစ်နိုင်သလဲ?

          ရုတ်တရက် ပြင်းပြင်းထန်ထန် ဗိုက်အောင့်ခြင်းကို ဖြစ်စေတဲ့အကြောင်းအရင်း အချို့ကတော့ -

•        အူ,အတက်ရောင်ခြင်း - ဝမ်းဗိုက်ရဲ့ ညာဘက်အောက်ပိုင်းမှာ အောင့်တတ်ပါတယ်။

•        အစာအိမ်အနာ သွေးယိုခြင်း (သို့) ပေါက်ထွက်ခြင်း

•        သည်းခြေအိတ်ရောင်ခြင်း - အများအားဖြင့် သည်းခြေကျောက်တည်ပြီး သည်းခြေအိတ် ရောင်တတ်ပါတယ်။

•        ကျောက်ကပ် ကျောက်တည်ခြင်း - ကျောက်သေးသေးလေးတွေက ဆီးသွားရင် ပါသွားတတ်ပေမယ့် ကြီးတဲ့ကျောက်တွေက ဆီးပြွန်တွေကို ပိတ်ဆို့ပြီး ဗိုက်အောင့်စေပါတယ်။

•        အူရောင်ခြင်း

•        ဝမ်းဗိုက်ကြွက်သား ထိခိုက်ဒဏ်ရာရခြင်း