အနာကျက်မြန်စေဖို့ ဘယ်လိုဓာတ်တွေ စားပေးသင့်သလဲ
ကိုယ်ခန္ဓာမှာ အနာကျက်မြန်ပြီး ကောင်းကောင်းနာလန်ထူနိုင်ဖို့ဆိုတာ ကိုယ်စားတဲ့ အစားအစာတွေနဲ့ အဓိက သက်ဆိုင်နေတယ်နော်။ ဒီလိုအစားအစာတွေနဲ့ အားအင်ကောင်းကောင်းမဖြည့်နိုင်ဘူးဆိုရင် နောက်ဆက်တွဲ ဆိုးကျိုးတွေ ပိုဖြစ်လာနိုင်ပါတယ်။
ကဲ ... ဒါဆိုရင် ဘယ်လိုအစားအစာဓာတ်တွေက အနာကျက်မြန်စေနိုင်တယ်ဆိုတာကို ကြည့်ကြရအောင်နော် ...
ImmunPro 2022 IA 1
● ဗီတာမင်စီ
ဗီတာမင်စီဟာ ကော်လဂျင်ထုတ်လုပ်ရာမှာ အရေးပါပါတယ်။ အနာကောင်းကောင်းကျက်ဖို့ဆိုရင် ကော်လဂျင် ကောင်းကောင်းထုတ်ဖို့ လိုအပ်တာပေါ့။ အချဉ်သီးတွေ၊ ဟင်းသီးဟင်းရွက်တွေ၊ ဘယ်ရီသီးတွေနဲ့ အာလူးတွေကနေ ဗီတာမင်စီကို ရရှိနိုင်ပါတယ်။
● ဇင့်ဓာတ်
ဇင့်ဓာတ်ဟာလည်း ကော်လဂျင်တည်ဆောက်ရာမှာ ပါဝင်တာကြောင့် အနာကျက်ဖို့အတွက် လိုအပ်ပါတယ်။ ဒီလိုအပ်တဲ့ဇင့်ဓာတ်ကို ပင်လယ်စာ၊ အမဲသား၊ ဝက်သား၊ ကြက်သား၊ ဒိန်ချဉ်၊ ချိစ် စတာတွေကနေ ရရှိနိုင်ပါတယ်။
ImmunPro 2022 IA 2
● ပရိုတင်းဓာတ်
ပဲပိစပ်၊ နို့နဲ့နို့ထွက်ပစ္စည်း၊ ချိစ်၊ ကြက်၊ ဘဲ၊ ငါးနဲ့ အစေ့အဆံတွေကနေ ပရိုတင်းဓာတ် ကြွယ်ကြွယ်ဝဝ ရရှိနိုင်ပါတယ်။ ဒီလို ပရိုတင်းဓာတ်ကောင်းကောင်းရရှိမှ ကောင်းကောင်းအနာကျက်မယ့်အပြင် ကိုယ်ခံအားကောင်းပြီး ဝင်လာမယ့်ရောဂါပိုးမွှားတွေကို တားဆီးပေးနိုင်မှာ ဖြစ်ပါတယ်။
● ကယ်လ်စီယမ်နဲ့ ဗီတာမင်ဒီ
အရိုးတည်ဆောက်မှုအတွက် အရေးပါတဲ့ ကယ်လ်စီယမ်နဲ့ ဗီတာမင်ဒီကို ကိုယ်ခန္ဓာက မထုတ်လုပ်နိုင်တာကြောင့် နို့နဲ့နို့ထွက်ပစ္စည်းတွေနဲ့ နေရောင်ခြည်ကနေ ရယူဖို့ လိုအပ်ပါတယ်။
Dr. Mya Phoo Ngon (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...