အအေးမိ၊ ဖျားနာနေချိန်မှာ ဒီတွေမလုပ်ပါနဲ့

2.      အအေးမိခြင်းအတွက် ပိုးသတ်ဆေးများ သောက်ခြင်း

          ဘက်တီးရီးယားပိုးကြောင့်ဖြစ်တာဆိုရင် ပိုးသတ်ဆေးသောက်ဖို့ လိုပါတယ်။ ဗိုင်းရပ်စ်ကြောင့်ဖြစ်တဲ့ ရောဂါတွေကတော့ ပိုးသတ်ဆေးသောက်လို့ မရပါဘူး။ ပိုးသတ်ဆေးကို မလိုအပ်ဘဲ သောက်မယ်ဆိုရင် ဆေးယဉ်တာတွေ ဖြစ်လာနိုင်ပါတယ်။ ဆိုလိုတာကတော့ တကယ်လိုလာလို့ ပိုးသတ်ဆေး သောက်တဲ့အချိန်ကျတော့ ဆေးမတိုးတော့ပါဘူး။ သေချာမှတ်ထားရမှာတော့ အအေးမိပါက ပိုးသတ်ဆေးသောက်ဖို့ မလိုပါဘူး။ ကိုယ်ပူကျဆေး၊ အကိုက်အခဲပျောက်ဆေး၊ ချောင်းဆိုးပျောက်ဆေး စတဲ့ဆေးတွေ သောက်နိုင်ပါတယ်။

3.      အရည်များများ မသောက်ခြင်း

        အအေးမိတဲ့အခါ ဘာမှ မစားချင်၊ မသောက်ချင်ဘဲ ဖြစ်တတ်ပါတယ်။ ဘယ်လိုပဲဖြစ်ဖြစ် အရည်များများ သောက်ပေးဖို့ လိုပါတယ်။ လည်ချောင်းထဲမှာရှိတဲ့ အချွဲနံရံတွေက စိုစွတ်နေတဲ့အခါမှာ ဗိုင်းရပ်စ်ပိုးတွေ ကပ်ငြိနေပြီး နေရာပေးထားပါတယ်။ အရည်သောက်ခြင်းအားဖြင့် ခန္ဓာကိုယ်ထဲကို ဝင်လာတဲ့ ပိုးမွှားတွေကို သန့်စင်စေပါတယ်။

4.      ပင်ပန်းနွမ်းနယ်မှုကို လျစ်လျူရှုထားခြင်း

        အအေးမိ၊ တုပ်ကွေးကြောင့် နေထိုင်မကောင်းဖြစ်နေချိန်မှာ ပုံမှန်ထက်ပိုပြီး အိပ်စက်ဖို့ လိုပါတယ်။ အိပ်စက်ခြင်းက ရောဂါပိုးတွေကို ခန္ဓာကိုယ်က တိုက်ထုတ်နိုင်ဖို့ ကူညီပေးပါတယ်။ ဒါကြောင့် မြန်မြန်ပြန်နေကောင်းပြီး အလုပ်တွေ ပြန်လုပ်နိုင်ဖို့အတွက် များများအနားယူဖို့ လိုအပ်ပါတယ်။