အမျိုးသမီးတိုင်းကို ခြိမ်းခြောက်နေသော သားအိမ်အသားလုံးအကြောင်း

    သားအိမ်အသားလုံးဆိုသော ဝေါဟာရနဲ့ အမျိုးသမီးတိုင်း စိမ်းကြမည်မဟုတ်ပါ။ အသက် ၅ဝ အထက် အမျိုးသမီး ရဝ ကနေ ၈ဝ ရာနှုန်းရဲ့သားအိမ်တွင် အသားလုံးများ ရှိတတ်ကြပြီး ထိုထဲကမှ ၂၀-၃ဝ ရာနှုန်းတွင်သာ ရောဂါလက္ခဏာများ တွေ့ရတတ်ပါတယ်။
    ဟော်မုန်းအပြောင်းအလဲများကြောင့် သားအိမ်အသားလုံးများ ဖြစ်ပေါ်နိုင်ပြီး အရွယ်မရောက်သေးတဲ့ အမျိုးသမီးငယ်များနဲ့ သွေးဆုံးပြီး အမျိုးသမီးကြီးများတွင်တော့ ဖြစ်ပေါ်ခြင်းမရှိပါဘူး။ ဒါဆို သားအိမ်အသားလုံးနဲ့ ပတ်သက်ပြီး ဘာတွေသိသင့်လဲဆိုတာ လေ့လာကြည့်ရအောင်။

>>    ရောဂါလက္ခဏာများ
●    ရာသီများခြင်း၊ ရက်ရှည်ခြင်း၊ ရာသီလာစဉ် ကိုက်ခဲခြင်း
●    ရာသီစက်ဝန်း တစ်ခုနဲ့တစ်ခုအကြား သွေးနည်းနည်းစီ ဆင်းလေ့ရှိခြင်း
●    လိင်ဆက်ဆံစဉ် နာကျင်ခြင်း
●    ခါး၊ ဗိုက်နဲ့ ဆီးအိမ်ပေါ်သို့ တစ်ခုခုနဲ့ ဖိထားသလိုဖြစ်ခြင်း
●    မကြာခဏ ဆီးသွားခြင်း
●    ဗိုက်အောက်နားတွင် အလုံးကဲ့သို့ ဖောင်းနေခြင်း

>>    နောက်ဆက်တွဲဆိုးကျိုးများ
●    ရာသီသွေး အဆင်းများသောကြောင့် သွေးအားနည်းခြင်း
●    ကြီးမားသောအလုံးများကြောင့် ဆီးအိိမ်ကို ဖိမိပြီး ဆီး မကြာခဏသွားခြင်း၊ ဆီးကျန်သည်ဟု ခံစားရခြင်း
●    ကလေး မရနိုင်ခြင်း
●    ကလေး ပျက်ခြင်းနဲ့ ကလေး စောမွေးခြင်း

>>    သားအိမ်အသားလုံး ရှိ? မရှိ ဘယ်လိုစစ်ဆေးကြမလဲ?
●    Ultrasound ရိုက်ခြင်း
●    သားအိမ်မှန်ပြောင်းကြည့်ခြင်း

>>    ကုသနည်းများ
    အလုံးအရွယ်အစား၊ အရေအတွက်နဲ့ တည်နေရာပေါ် မူတည်ပြီး
●    စောင့်ကြည့်ခြင်း
●    ဟော်မုန်းဆေးများသောက်ခြင်း
●    MRI အကူအညီဖြင့် အာထရာဆောင်းရိုက်ခြင်း
●    သားအိမ်ဝကနေတစ်ဆင့် မှန်ပြောင်းကြည့်ပြီး အလုံးကို ဖယ်ထုတ်ခြင်း
●    ခွဲစိတ်နည်း
●    သားအိမ်ထုတ်ခြင်း စသည့် ကုသနည်းလမ်းအမျိုးမျိုးဖြင့် ကုသနိုင်ပါတယ်။

လေပြေနုသွေး (ဆေး-၂) (www.drmyanmar.com)