အထိုင်များခြင်းရဲ့အန္တရာယ်

သင်ဟာ လုပ်ငန်းခွင်မှာ အထိုင်များသူတစ်ယောက်လား။ ဒါမှမဟုတ် အိမ်မှာ သက်သောင့်သက်သာနေရပြီး တဖြည်းဖြည်း ဝဖြိုးလာပြီလား။ အထိုင်များခြင်းကြောင့် ဝဖြိုးရုံလောက်သာ မဟုတ်ဘဲ နောက်ဆက်တွဲ ကျန်းမာရေးပြဿနာတွေကို သယ်ဆောင်လာနိုင်ပါတယ်။
ကျွန်မတို့ဟာ နေ့စဉ်ဘဝမှာ မနက်ကနေ ညအထိ ကားထဲမှာထိုင်ရခြင်း၊ အလုပ်စားပွဲမှာထိုင်ခြင်း၊ တီဗီထိုင်ကြည့်ခြင်း၊ ညစာထိုင်စားခြင်း စသည်ဖြင့် လှုပ်ရှားမှုနည်းပါးစွာ ထိုင်နေရသည်က များပါတယ်။

>>  လေ့လာချက်များအရ အထိုင်များခြင်းကြောင့် -
●  ဝဖြိုးလာခြင်း သို့မဟုတ် အဝလွန်ခြင်း
●  သွေးတွင်းသကြားဓာတ် မြင့်မားစေခြင်းနှင့် ဆီးချိုဖြစ်နှုန်း မြင့်မားခြင်း
●  နှလုံးရောဂါဖြစ်နှုန်းမြင့်တက်စေခြင်း
●  အဝလွန်ရာကနေ နောက်ဆက်တွဲဆိုးကျိုးများ ဖြစ်ပေါ်စေခြင်းတို့ ဖြစ်ရန်ရာနှုန်းမြင့်မားစေပါတယ်။

>>  အထိုင်များပေမယ့် Gym ပုံမှန်သွားပြီး လေ့ကျင့်ခန်းလုပ်ရင်ကော?
●  စစ်တမ်းများအရ သင့်အနေနှင့် တစ်နေ့ကို အနည်းဆုံး မိနစ် ၃၀ ခန့် သင့်တင့်လျောက်ပတ်သော ကိုယ်လက်လှုပ်ရှားမှုကို ပြုလုပ်သူဖြစ်ရင်တောင်မှ နေ့ခင်းဘက်တွင် အထိုင်နည်းအောင် ကြိုးစားခြင်းဖြင့်  ပိုမိုကျန်းမာနိုင်ပါလိမ့်မယ်။
●  တစ်နေကုန် အညောင်းထိုင်ရသူများအနေနှင့် မကြာခဏ မတ်တပ်ရပ်ပေးခြင်း၊ လမ်းလျှောက်ခြင်းတို့ကို ပြုလုပ်ပေးခြင်းဖြင့် နှလုံးရောဂါနှင့်ဆီးချိုဖြစ်နှုန်းကို လျှော့ချနိုင်ပါတယ်။
●  အထိုင်များခြင်းကြောင့် မလိုလားအပ်တဲ့ဆိုးကျိုးတွေ ဖြစ်ပေါ်နိုင်တာမို့ တစ်နာရီထိုင်ပြီးတိုင်း ဆယ်မိနစ်ခန့် လမ်းလျှောက်ပေးခြင်း၊ ဓာတ်လှေကားအစား ရိုးရိုးလှေကား အသုံးပြုခြင်း၊ နေ့ခင်းနေ့လယ်မှာ လုှပ်ရှားမှုပြုပေးခြင်းတို့ဖြင့် ပိုမိုကျန်းမာသောဘဝကို တည်ဆောက်နိုင်ကြပါစေ။

လေပြေနုသွေး (ဆေး-၂) (www.drmyanmar.com)