၃ လမြောက် နို့တိုက်ပြဿနာဆိုတာ

>>  ဘာတွေလုပ်ပေးနိုင်မလဲ?
အရေးအကြီးဆုံးက ဒါဟာ မေမေတိုင်းကြုံတွေ့ရတဲ့ပြဿနာတစ်ခုဆိုတာ သိထားဖို့ပါ။ မေမေတို့အနေနဲ့ ဒီလိုကာလလေးမှာ အောက်ကအချက်တွေကို လိုက်နာဆောင်ရွက်ပေးနိုင်ပါတယ်။
●  မေမေနဲ့ဘေဘီလေးတို့ရဲ့ နို့တိုက်တဲ့အချိန်လေးဟာ မပြောင်းလဲဘူးဆိုတာကို ဖော်ပြဖို့လိုပါတယ်။ ကလေးကို တခြားအကြောင်းရင်း မယ်မယ်ရရမရှိဘဲ နို့ဘူး ပြောင်းမတိုက်ပါနဲ့။
●  ကလေးနဲ့ ဆော့ကစား၊ ပွေ့ဖက်ပြီး သားပိုက်ကောင်နည်းလို့ခေါ်တဲ့ အသားချင်း ထိတွေ့နည်းကို များများအသုံးပြုကာ ကလေးနဲ့ တတ်နိုင်သလောက် အချိန်အတူတူကုန်ဆုံးပါ။ ဒီလို အသားချင်း ထိတွေ့ပေးခြင်းက ကလေးကို စိတ်ချလုံခြုံတဲ့ခံစားမှုကို ပေးစွမ်းနိုင်ပါတယ်။
●  မေမေက စိတ်ငြိမ်ငြိမ်ထားပါ။ ဘေဘီလေးတွေဟာ မေမေတို့ရဲ့စိတ်ခံစားချက်ကို လိုက်ပြီး အတုခိုးတတ်ကြပါတယ်။ ဒါကြောင့် မေမေက စိတ်ဖိစီးမှုတွေ များနေပြီး နို့တိုက်နေမယ်ဆိုရင် ကလေးလည်း စိတ်ဖိစီးလာပါလိမ့်မယ်။ အတင်းအဓမ္မ မလုပ်ပါနဲ့။ ကလေးကို စကားပြောပါ။ သီချင်းဆိုပြပါ။
●  ကလေးကို အကောင်းဆုံး နို့တိုက်တဲ့အနေအထားကို သူ့ဟာသူ ရှာပါစေ။ နို့တိုက်တဲ့ပုံစံကို အမျိုးမျိုးပြောင်းလဲပါ။
●  ဒီလိုအချိန်မျိုးမှာ ကလေးတွေဟာ ညဘက်မှာ နို့စို့ကြတာ များပါတယ်။ အိပ်နေရင်းနဲ့ စို့တတ်ကြပါတယ်။
●  ကလေး နို့ကောင်းကောင်းဝရဲ့လားသိဖို့ ကလေးရဲ့ကိုယ်အလေးချိန်ကို မှန်မှန်တိုင်းပေးပါ။ ကလေး ရက်ပေါင်းများစွာ နို့မစို့ဘဲနေမယ်၊ ညဘက်မှသာ နို့စို့မယ်၊ နို့စို့တဲ့အချိန်တွေ တော်တော်နည်းသွားမယ်ဆိုရင် မေမေတို့ရဲ့ နို့ထွက်နှုန်းလည်း ကျသွားမှာပါပဲ။ ဒါကြောင့် မေမေတို့က နို့ကောင်းကောင်းထွက်အောင် နို့ကို ညှစ်ညှစ်ပေးဖို့လည်း လိုပါတယ်။
ဘေဘီလေးတွေလည်း နို့ဝ ၊ မေမေလည်း ကျန်းမာလှပနိုင်ကြပါစေ။

Dr. Mya Phoo Ngon (www.drmyanmar.com)