သလိပ်ပျစ်ပျစ်တွေ အများကြီးထွက်နေပြီဆိုလျှင်

>>  ဘာနောက်ဆက်တွဲဆိုးကျိုးတွေ ဖြစ်နိုင်သလဲ?
အချိန်ကြာလာတဲ့အခါ အဆုတ်နဲ့ အသက်ရှူလမ်းကြောင်းကို ထိခိုက်ပျက်စီးစေပြီး အဆုတ်လုပ်ငန်းဆောင်တာတွေ ကျဆင်းလာနိုင်ပါတယ်။ အဆုတ်မကောင်းတော့တာကြောင့် ကိုယ်လက်လှုပ်ရှားမှု ကောင်းကောင်းမလုပ်နိုင်တော့ဘဲ ဘဝအရည်အသွေး ကျဆင်းလာနိုင်ပါတယ်။
နာတာရှည် အသက်ရှူလမ်းကြောင်းပိတ်ရောဂါရှိသူတွေမှာ သလိပ်မဟပ်ထုတ်နိုင်တာကြောင့် ရောဂါပိုးတွေ အလွယ်တကူဝင်ရောက်ပြီး အဆုတ်ရောဂါပြန်ကြွတာမျိုး ဖြစ်တတ်ပါတယ်။

>>  ဘယ်လိုကုသမှုတွေ ခံယူသင့်သလဲ?
●  သလိပ်ပျော်ဆေး၊ သလိပ်ထွက်နည်းစေတဲ့ဆေးတွေ သောက်ပါ။
●  ညဘက်အိပ်တဲ့အခါ လေထုအစိုဓာတ်ထိန်းစက် အသုံးပြုခြင်း၊ ရေနွေးငွေ့ရှူခြင်း၊ ပျားရည်သောက်ခြင်း စတဲ့ အိမ်တွင်းကုထုံးတွေ လုပ်ဆောင်ပါ။
●  အဆုတ်အားကောင်းစေတဲ့ လေ့ကျင့်ခန်းတွေကို ကျွမ်းကျင်သူတွေရဲ့ ညွှန်ကြားချက်အတိုင်း လုပ်ပါ။
အထက်ပါ ကုသမှုတွေဟာ သလိပ်ပျော်စေပြီးတော့ သလိပ်ဟပ်ထုတ်ရတာ လွယ်ကူစေဖို့အတွက်ပဲ အဓိကရည်ရွယ်ပါတယ်။ သလိပ်ပျစ်ပျစ်ထွက်ရတဲ့ အကြောင်းရင်းကို သေချာသိရဖို့ဆိုရင်တော့ ဆရာဝန်နဲ့ တိုင်ပင်ဆွေးနွေးသင့်ပြီး ရောဂါအတွက် လိုအပ်တဲ့ကုသမှုများကို သေချာလိုက်နာဆောင်ရွက်သင့်ပါတယ်။

Dr. Aye Hsu Mon (www.drmyanmar.com)