ဓမ္မတာသွေးအဆင်း များနေသလား
ဓမ္မတာလာတာ ၇ ရက်ကျော်ရင်ပဲဖြစ်ဖြစ်၊ ဓမ္မတာအဆင်းများရင်ပဲဖြစ်ဖြစ် ဓမ္မတာများတယ်လို့ ဆိုနိုင်ပါတယ်။
>> ဘယ်အချိန်မှာ သွေးအဆင်းများတယ်လို့ ဆိုနိုင်မလဲ?
• လစဉ်သုံးဂွမ်းထုတ်ကို ၂ နာရီခြားတစ်ခါ လဲနေရရင်
• ပုံမှန်ထက် ၂ ဆထူတဲ့ဂွမ်းထုတ်မျိုးကို သုံးနေရရင်
• ညဘက်မှာ ဂွမ်းထုတ် ထလဲနေရရင်
• ဓမ္မတာလာတာ ၇ ရက်ထက် ပိုကြာနေရင်
• ဒင်္ဂါးပြားအရွယ် သွေးခဲဆင်းနေရင်
• ဓမ္မတာကြောင့် လုပ်နေကျအလုပ်တွေ မလုပ်နိုင်တော့ရင်
• ဗိုက်တောက်လျှောက်အောင့်နေရင်
• နုံးနေ၊ ပင်ပန်းနေ၊ မောနေရင်
သွေးအဆင်းများတယ်လို့ ဆိုနိုင်ပါတယ်။
Feroglobin IA 1
>> ဘာတွေကြောင့် ဒီလိုသွေးအဆင်းများနိုင်သလဲ?
1. သားအိမ်ပြဿနာများ
(a) သားအိမ်အသားလုံးများ
(b) သားအိမ်ကင်ဆာ၊ သားဥအိမ်ကင်ဆာ
(c) သားအိမ်တွင်းသန္ဓေတားပစ္စည်းထည့်ခြင်း
(d) ကိုယ်ဝန်နဲ့ပတ်သက်တဲ့ပြဿနာများ (ဥပမာ - ကိုယ်ဝန်ပျက်ကျခြင်း၊ နေရာမှားသန္ဓေတည်ခြင်း)
2. ဟော်မုန်းပြဿနာများ
3. တခြားရောဂါများ
(a) သွေးနှင့်ဆိုင်သောရောဂါများ
(b) အသည်း၊ ကျောက်ကပ်၊ သိုင်းရွိုက်ရောဂါများ၊ တင်ပါးဆုံပိုးဝင်ခြင်းနဲ့ ကင်ဆာများ
ဒါ့အပြင် အက်စ်ပရင်လိုဆေးမျိုးကြောင့်လည်း ဖြစ်နိုင်ပါတယ်။ ဒါပေမဲ့ တစ်ဝက်လောက်မှာတော့ ဘာကြောင့်ဖြစ်ရတယ်ဆိုတာကို ရှာမတွေ့တတ်ကြတာလည်း ရှိတတ်ပါတယ်။
Feroglobin IA 2
>> ဘယ်လိုကုသနိုင်မလဲ?
ကုသမှုကတော့ ဖြစ်တဲ့အကြောင်းရင်းပေါ် မူတည်ပါတယ်။ ဒါ့အပြင် အသက်၊ ယေဘုယျကျန်းမာရေး၊ ရောဂါရာဇဝင် စတာတွေပေါ်လည်း မူတည်ပြီး ကွာခြားနိုင်ပါသေးတယ်။ များသောအားဖြင့် -
ဆေးဝါးကုသမှုများ
• သွေးဆုံးရှုံးမှုများခြင်းကြောင့် သွေးအားနည်းခြင်းကို ကာကွယ်ရန် သံဓာတ်အားဖြည့်ဆေး
• နာကျင်မှုတွေ သက်သာစေဖို့ အကိုက်အခဲပျောက်ဆေး
• ဓမ္မတာ ပိုမှန်လာစေဖို့ သန္ဓေတားသောက်ဆေး (သို့) သားအိမ်တွင်းထည့်သန္ဓေတားကိရိယာ
• အီစထရိုဂျင်၊ ပရိုဂျက်စထရုန်း စတဲ့ဟော်မုန်းဆေးများ
• Antifibrinolytic သွေးတိတ်ဆေးများ
ခွဲစိတ်ကုသမှုများ
• သားအိမ်ခြစ်ခြင်း
• သားအိမ်မှန်ပြောင်းကြည့်ခြင်း
• သားအိမ်အတွင်း သားဖြတ်တောက်ဖယ်ရှားခြင်း
• သားအိမ်ထုတ်ခြင်း
စတဲ့ ကုသမှုအမျိုးမျိုး ရှိပါတယ်။
ဓမ္မတာများတာဟာ အမျိုးသမီး အတော်များများမှာ ခံစားရလေ့ရှိပေမယ့် ကုသမှုခံယူပျောက်ကင်းနိုင်တယ်ဆိုတာ မသိကြတာ များပါတယ်။ ဆရာဝန်နဲ့ ပွင့်ပွင့်လင်းလင်းတိုင်ပင်ပြီး ထိရောက်တဲ့ကုသမှုကိုရှာဖွေတာ အကောင်းဆုံးပါပဲနော်။
Dr. Mya Phoo Ngon (www.drmyanmar.com)
Related News And Articles
ဓမ္မတာလာတဲ့အခါ အမျိုးသမီးတွေ မခံစားချင်တဲ့ ဝေဒနာတွေထဲမှာ ဆီးစပ်ကိုက်ခြင်းကလည်း တစ်ခုအပါအဝင်ပဲ ဖြစ်ပါတယ်။ တချို့တွေဆို အရမ်းကိုက်လွန်းလို့ အလုပ်ပျက်တဲ့အထိကို ဖြစ်တတ်ကြပါတယ်။ ဒါကြောင့် ဆီးစပ်မကိုက်အောင် ကြိုတင်ကာကွယ်လို့ရရင် ကောင်းမှာပဲလို့ တွေးမိကြပါလိမ့်မယ်။ စိတ်မကောင်းစွာနဲ့ပဲ ဆီးစပ်ကိုက်တာ...
ဓမ္မတာလာချိန်မှာ ဖြစ်လေ့ရှိတဲ့ ဆီးစပ်ကိုက်ခဲခြင်းဟာ တော်တော်လေးခံရခက်တဲ့ ဝေဒနာတစ်မျိုးဆိုတာကို ခံစားဖူးသူတွေမှပဲ သိနိုင်မှာပါ။ ဒါကြောင့် ဓမ္မတာလာတဲ့အခါ ကိုက်ခဲနာကျင်တတ်တဲ့ အမျိုးသမီးလေးတွေအတွက် အိမ်မှာအလွယ်တကူပြုလုပ်နိုင်တဲ့ ဓမ္မတာကိုက်ခဲနာကျင်ခြင်းကို သက်သာစေမယ့် သောက်စရာလေးတွေကို မျှဝေပေ...