သားသားမီးမီးတို့ ထူးချွန်ထက်မြက်အောင် မိဘတွေဘက်က ဘယ်လိုပံ့ပိုးပေးကြမလဲ
ထူးချွန်ထက်မြက်တဲ့ကလေးဖြစ်အောင် ပြုစုပျိုးထောင်ပေးဖို့ဆိုတာ မေမေတို့ထင်တာထက်ပိုပြီး လွယ်ကူရိုးရှင်းပါတယ်။ အခုဖော်ပြပေးမယ့် နည်းလမ်းတွေအတိုင်းသာ လုပ်ဆောင်ကြည့်ဖို့ကို အကြံပြုချင်ပါတယ်။
● ကိုယ့်ကိုယ်ကို ဂရုစိုက်ပါ။ မေမေတို့ကိုယ်တိုင်က ကိုယ်၊ စိတ်နှစ်ပါးလုံး ကျန်းမာနေမှသာ သားသားမီးမီးတို့ကို ဂရုစိုက်နိုင်မှာ ဖြစ်ပါတယ်။
● ချစ်တာကိုချစ်ကြောင်း ပြသပေးပါ။ ကလေးကို နွေးနွေးထွေးထွေး ဆက်ဆံပေးပါ။ ကလေးအပေါ် ကြင်နာပြီး စိတ်ရှည်ရှည်ထားပေးပါ။ မိဘတွေက သူ့ကို ချစ်ခင်တယ်ဆိုတာကို ကလေးအနေနဲ့ ဒီအပြုအမူတွေကနေတစ်ဆင့် သိနိုင်ပါတယ်။
● ကလေး မေးသမျှကို သေချာနားထောင်ပြီး ပြန်လည်ဖြေကြားပေးပါ။ ဒါဟာ ကလေးရဲ့သိချင်စိတ်၊ စူးစမ်းချင်စိတ်ကို မြေတောင်မြှောက်ပေးတာနဲ့ အတူတူပါပဲ။
Nutroplex 1
● ကလေးနဲ့အတူ ကစားပေးပါ။ ကိုယ်လက်လှုပ်ရှားပြီး ကစားရတာပဲဖြစ်ဖြစ်၊ ပဟေဠိဆက်တာလို၊ ကုဗတုံးတွေနဲ့ အိမ်ဆောက်တာလို ငြိမ်ငြိမ်လေးထိုင်ပြီး ကစားရတာပဲဖြစ်ဖြစ် နှစ်မျိုးစလုံးဟာ ကလေးရဲ့ ဦးနှောက်ဖွံ့ဖြိုးမှုအတွက် မရှိမဖြစ် အရေးပါပါတယ်။
● ကလေးအနေနဲ့ တစ်စုံတစ်ခုကို စိတ်ဝင်စားရင် အဲ့ဒါနဲ့ပတ်သက်ပြီး ပိုမိုလေ့လာသင်ယူနိုင်အောင် အခွင့်အရေးတွေ ဖန်တီးပေးပါ။
● ဘဝမှာ အောင်မြင်ဖို့ဆိုရင် IQ ထက် EQ က ပိုပြီးအရေးပါတယ်လို့ ပြောကြပါတယ်။ ဒါကြောင့် ကလေးရဲ့စိတ်ခံစားချက်တွေကို ကိုယ်တိုင်ထိန်းချုပ်တတ်အောင် သင်ကြားပေးပါ။
● အာဟာရစုံလင်အောင် ကျွေးခြင်း၊ အိပ်ရေးဝဝအိပ်စက်စေခြင်း၊ လေ့ကျင့်ခန်း ပုံမှန်လုပ်စေခြင်း၊ သဘာဝတရားနဲ့ ထိတွေ့စေခြင်းဖြင့် ကလေးရဲ့ ကိုယ်ခန္ဓာကျန်းမာရေးကို ဂရုစိုက်ပေးပါ။
● ကလေးရဲ့ တီထွင်ဖန်တီးနိုင်စွမ်းကို မြေတောင်မြှောက်ပေးပါ။ သူတို့လေးတွေရဲ့ တီထွင်ဖန်တီးနိုင်စွမ်းဟာ ဘဝရဲ့ အသက်မွေးဝမ်းကြောင်း ဖြစ်လာနိုင်သလို စိတ်ပိုင်းဆိုင်ရာ ကျန်းမာရေးအတွက်လည်း အထောက်အကူဖြစ်စေပါတယ်။
Nutroplex 2
အခုဖော်ပြခဲ့တဲ့အချက်တွေကို ကလေး အသက် ဘယ်နှနှစ်ကစပြီး လုပ်ပေးရမလဲဆို မွေးဖွားပြီးချိန်ကစပြီး ကလေး ကြီးပြင်းလာတဲ့တောက်လျှောက် လုပ်သွားပေးပါ။ အကယ်၍ ကလေးက ငါးနှစ်ကျော်ပြီ (သို့) ဆယ်နှစ်ကျော်ပြီ၊ မေမေတို့က ဒီအချက်တွေကို မလုပ်ပေးမိသေးဘူးဆိုလည်း ကိစ္စမရှိပါဘူးနော်။ ဒီနေ့သိလိုက်တာနဲ့ ဒီနေ့ပဲချက်ချင်း သားသားမီးမီးတို့ကို ဖော်ပြခဲ့တဲ့နည်းလမ်းတွေအတိုင်း ဂရုစိုက်ပေးဖို့ကိုသာ မမေ့ကြပါနဲ့နော်။
Dr. Aye Hsu Mon (www.drmyanmar.com)
Related News And Articles
ကော်ဖီ (သို့) လက်ဖက်ရည်ဟာ စိတ်ကိုလန်းဆန်းတက်ကြွစေခြင်း၊ နိုးကြားစေခြင်း၊ အာရုံစူးစိုက်မှု အားကောင်း စေခြင်းတို့ကြောင့် လူကြီးလူငယ်မရွေးနှစ်ခြိုက်စွာ သောက်သုံးလေ့ရှိကြပါတယ်။ ဒီလို အာရုံကြောဆိုင်ရာ တိုးတက်စေခြင်းဟာ ၎င်းတို့မှာပါ၀င်တဲ့ ကဖင်းဓာတ်ကြောင့်ဖြစ်ပါတယ်။ ကဖင်းကို အပင်တွေရဲ့ အရွက်နဲ့...
ကျန်းမာပြီးလှပသောသွားများကို ပိုင်ဆိုင်နိုင်ရန်အတွက် ငယ်စဉ်ကပင် သွားနှင့်ပတ်သက်သော ကျန်းမာရေးဆိုင်ရာအလေ့အကျင့်ကောင်းများကို ပျိုးထောင်ပေးသင့်ပါတယ်။ ငယ်စဉ်ကတည်းက သွားကျန်းမာရေးကို ပုံမှန်ဂရုစိုက်သွားမှ မလိုလားအပ်သောသွားရောဂါေ၀ဒနာများကို ရှောင်ရှားနိုင် မှာဖြစ်ပါတယ်။ ဒါကြောင့် အမေရိကန်သွား...
