About Us

         လူတစ်ယောက်၏ တစ်သက်တာဖြတ်သန်းမှု ကာလတစ်လျှောက်တွင် အလုပ်နှင့်ဘ၀ ဟန်ချက်ညီဖို့ အရေးကြီးကြောင်း လူသားတိုင်း သိထားကြပါသည်။ သို့သော် အလုပ်နှင့်ဘ၀ကို ထိန်းချုပ်ထားသော အရာတစ်ခုရှိပါသည်။ ထိုအရာသည်ကား ကျန်းမာရေးကောင်းမွန်ခြင်းပင် ဖြစ်ပါသည်။ လူသားအားလုံးသည် ပြီးပြည့်စုံသော ကျန်းမာရေးကို ပိုင်ဆိုင်ခွင့်ရချင်မှ ရနိုင်ပါလိမ့်မည်။ သို့သော် ကျန်းမာရေးအသိ၊ ကျန်းမာရေးဆိုင်ရာ ဗဟုသုတကြွယ်၀လျှင် ကာကွယ်၍ရသော ရောဂါများ၏ ဘေးရန်မှ ကာကွယ်နိုင်ပြီး၊ ဖြစ်ပြီးသားရောဂါများကိုလည်း ပိုမဆိုးအောင် မိမိကိုယ်တိုင် စောင့်ရှောက်သွားနိုင်ပါလိမ့်မည်။ ထို့ကြောင့် မိမိတို့ နိုင်ငံ၏ ကျန်းမာရေးကဏ္႑ကို  တစ်ဖက်တစ်လမ်းမှ ကူညီအားဖြည့်နိုင်ရန် ရည်သန်ပြီး Dr Myanmar  ကျန်းမာရေး၀က်ဘ်ဆိုက်ကို ၂၀၁၄ ခုနှစ်တွင် စတင်ရေးဆွဲ အကောင်အထည်ဖော်ခဲ့ပါသည်။

        နိုင်ငံအတွင်း အင်တာနက်လိုင်းများမြန်ဆန်လာမှုကြောင့် Facebook ကဲ့သို့သော Social Media များ၊ ဗဟုသုတရစရာနှင့် လက်တွေ့အသုံးချနိုင်သော Website များကို အသုံးပြုသူများ တစ်နေ့တခြား တိုးတက်များပြားလာချိန်တွင် မြန်မာနိုင်ငံ၏ အပြည့်စုံဆုံး ပြည်သူ့အကျိုးပြု ကျန်းမာရေး၀က်ဘ်ဆိုက်အဖြစ် လွှင့်တင်နိုင်ခဲ့သည့်အတွက် အထူးပင်၀မ်းမြောက်မိပါသည်။

        Dr Myanmar  ကျန်းမာရေး၀က်ဘ်ဆိုက်တွင် ရန်ကုန်တစ်မြို့လုံးရှိ အထူးကုဆရာ၀န်ကြီးများ ၏ ဆေးခန်းထိုင်ချိန်များနှင့် ဆေးခန်းနေရာများကို Up to date ဖော်ပြပေး ထားသော Doctors Directory ၊ မိမိတို့၏ ကိုယ်ခန္ဓာ ထုထည်စံနှုန်း (BMI) ကို အလွယ်တကူ တွက်ချက် သိရှိနိုင်ပြီး ရလဒ်အလိုက် လိုက်နာဆောင်ရွက်ရမည့်နည်းလမ်းများကို  ဖော်ပြပေးထားသော  BMI Calculator ၊ ကိုယ်၀န်ဆောင်မိခင်လောင်းများအတွက် မိမိတို့၏ နောက်ဆုံးရာသီလာခဲ့စဉ်၏ ပထမဆုံးရက် (Last Menstrual Period) ကိုသိရုံဖြင့် မွေးဖွားမည့်ခန့်မှန်းရက်နှင့် လက်ရှိရောက်ရှိနေသော ကိုယ်၀န်ပတ်အလိုက် သနေ္ဓသားနှင့် မိခင်တို့၏ ခန္ဓာကိုယ်တွင်း ဖြစ်ပေါ်ပြောင်းလဲမှုများကို ကြိုတင်သိရှိနိုင်သော Pregnancy Calculator ၊ ရန်ကုန်တစ်မြို့လုံးရှိ ဆေးရုံ ၊ ဆေးခန်း ၊ ဓာတ်ခွဲခန်းများ ၊ ကုသိုလ်ဖြစ် ဆေးခန်းများ၊ အရေးပေါ်အကူအညီ လိုအပ်လာပါက ဆက်သွယ်ရမည့်ဖုန်းနံပါတ်များ အစရှိသည့် ကျန်းမာရေးအတွက် လိုအပ်သော Data အချက်အလက်များကို အလွယ်တကူရှာဖွေကြည့်ရှုနိုင်မည့် Program များ အပြင်် ကျန်းမာရေးဆိုင်ရာသတင်းနှင့် ဆောင်းပါးများကို ဆရာ၀န်များ ဦးဆောင်သော အဖွဲ့က နေ့စဉ်မပြတ်ရေးသားပြီး အသိပညာများ မျှေ၀ပေးသွားမည်ဖြစ်ပါသည်။

♦♦ BMI Calculators ♦♦

        ခန္ဓာကိုယ်ထုထည်စံနှုန်း (BMI) ကို သိရှိခြင်းဖြင့် မိမိ၏ ကိုယ်အလေးချိန်သည် ပုံမှန် ဟုတ်၊ မဟုတ် သိနိုင်ပါသည်။ ပုံတွင်ပြထားသည့်အတိုင်း BMI သိလို သူ၏ ကိုယ်အလေးချိန် (ပေါင်) နှင့် အရပ်အမြင့် (ပေ နှင့် လက်မ) ကို ရိုက်ထည့်ပြီး တွက်ရန်ဆိုသည့်အကွက်တွင် Click နှိပ်ရုံဖြင့် အဖြေထွက် လာမည်ဖြစ်ပါသည်။ အဖြေ (၄) မျိုးရှိပြီး Underweight, Normal, Overweight နှင့် Obesity တို့ ဖြစ်ပါသည်။ ထွက်ရှိလာသောအဖြေပေါ်မူတည်ပြီး နေထိုင်စားသောက်သင့်သည့်ပုံစံနှင့် အကြံဉာဏ် တို့ကိုပါ တစ်ပါတည်း ဖတ်ရှုသွားနိုင်မည်ဖြစ်ပါသည်။

♦♦ Pregnancy Calculators ♦♦

        Pregnancy Calculator  ကို ကိုယ်ဝန်ဆောင်မိခင်လောင်းများ ကိုယ်ဝန်ပတ်အလိုက် သိသင့်သည့်အကြောင်းအရာများ ကို ဖတ်ရှုသွားနိုင်ရန် ထည့်သွင်းဖော်ပြပေးထားခြင်း ဖြစ်ပါသည်။ ယေဘုယျအားဖြင့် ကလေးတစ်ဦးသည် ကိုယ်ဝန်ပတ် ၃၈ ပတ်မှ ၄၂ ပတ်အတွင်း မွေးဖွားတတ်ပါသည်။ ထို့ကြောင့် ယခုကဏ္႑တွင် ကိုယ်ဝန်ပတ် ၁ ပတ်မှစ၍ ၄၂ ပတ်အထိ ဖော်ပြပေးထားပါ သည်။ ပုံတွင်ပြထားသည့်အတိုင်း နောက်ဆုံးရာသီလာခဲ့စဉ် ကာလ၏ ပထမရက်ကို အသင့်ပါရှိသည့် ပြက္ခဒိန်တွင် ရွေး ချယ်ရုံဖြင့် လက်ရှိရောက်ရှိနေသောကိုယ်ဝန်ပတ်ကို သိရှိနိုင်မည် ဖြစ်ပါသည်။ ထို့အပြင် မွေးဖွားနိုင်ခြေရှိသည့်ရက် (Due Date) ၊ အဆိုပါကိုယ်ဝန်ပတ်အတွင်း သနေ္ဓသားလေး၏ ဖွံ့ဖြိုးကြီးထွားလာပုံများ၊ မိခင်၏စိတ်ပိုင်းဆိုင်ရာ၊ ရုပ်ပိုင်းဆိုင်ရာ ပြောင်းလဲမှုများနှင့် သတိထားသင့်သည့် အချက်များကို သက်ဆိုင်ရာပုံများ၊ စာများ၊ ဗွီဒီယိုများဖြင့် ဖော်ပြပေးထားပါသည်။

♦♦ ဆေးရုံကြီးများ၏ ၀န်ဆောင်မှုများ ♦♦

       ပြည်တွင်းပြည်ပရှိ ဆေးရုံကြီးများ၏အကြောင်းကို ဆေးရုံတစ်ခုချင်းစီအလိုက် ဆောင်းပါးသဖွယ် ဖတ်ရှုနိုင်အောင် စီစဉ်ဆောင်ရွက်ပေးထားပါသည်။ ဆေးရုံကြီးများ၏အပြင်အဆင်များ၊ ၀န်ဆောင်မှုများကို ပုံများဖြင့် ေ၀ေ၀ဆာဆာဖော်ပြပေးထားပြီး Google Map နှင့် ချိတ်ဆက်၍ တည်နေရာကိုပါ လမ်းညွှန်ပေးထားပါသည်။ ပြသလိုသော လူနာများနှင့် လူနာရှင်များအတွက် အသုံး၀င်စေမည့် သတင်းအချက်အလက်များကို ခေါင်းစဉ်ငယ်များခွဲ၍ ရေးသားပေးထားပြီး ၀န်ဆောင်မှုအသစ်များရှိလာပါက အချိန်နှင့်တပြေးညီ ထပ်မံဖြည့်စွက်ဖော်ပြပေးသွားမည်ဖြစ်ပါသည်။

♦♦ အထူးကုဆရာ၀န်ကြီးများ (ရန်ကုန်) ♦♦

        ရန်ကုန်မြို့ရှိ အထူးကုဆရာဝန်ကြီးများ၏ ဆေးခန်း ထိုင်ရက်၊ အချိန်နဲ့ နေရာများအားပုံစံနှစ်မျိုးနဲ့ ရှာဖွေနိုင်အောင် ပြုလုပ်ပေးထားပါသည်။ ပုံစံ(၁)သည် All Specialist Doctors Search (Basic) ဖြစ်ပါသည်။ ပြသလိုသည့်ဆေးခန်း၊ နေ့ရက်နှင့် အမျိုးသား၊ အမျိုးသမီးဆရာဝန်ဟူ၍ သီးသန့်မခွဲခြားဘဲ ကုသမှုခံယူလိုသူများအတွက် ရည်ရွယ်ပါသည်။ "Specialist" ဆိုသည့်အကွက်တွင် မိမိပြသလိုသော ရောဂါကို ရွေးချယ်လိုက်ပါက အဆိုပါရောဂါများအတွက် ကျန်းမာရေးစောင့်ရှောက်မှုပေးသော ဆရာဝန်ကြီးများ၏ ဆေးခန်းထိုင်ရက်၊ အချိန်နှင့် နေရာများကို အသေးစိတ်သိရှိနိုင်မည်ဖြစ်ပါသည်။

        ပုံစံ(၂)သည် Specialist Doctors Search (Detail) ဖြစ်ပြီး၎င်းပုံစံတွင် မိမိလိုချင်သောအချက် အလက်များကို အတိအကျရွေးချယ်ပြီး ရှာဖွေနိုင်ပါသည်။ မရွေးချယ်လိုသည့် အကွက်များကိုလည်း ချန်ထားခဲ့နိုင်ပါသည်။

♦♦ ဆေးရုံ၊ ဆေးခန်းများနှင့် ဓာတ်ခွဲခန်းများ ♦♦

        ရန်ကုန်မြို့တွင်းရှိ အစိုးရဆေးရုံများ၊ ပုဂ္ဂလိကဆေးရုံများ၊ ဆေးခန်းများ၊ ဒေသန္တရဌာနများ၊ အခမဲ့ဆေးရုံဆေးခန်းများ၊ မျက်စိအထူးကုဆေးခန်းများနှင့် ဓာတ်ခွဲခန်းများကိုမြို့နယ်အလိုက် ရှာဖွေနိုင်အောင် စီစဉ်ပေးထားပါသည်။ အကယ်၍ မြို့နယ် အလိုက် မရှာဖွေလိုပါက မြို့နယ်နေရာတွင်မရွေးချယ်ဘဲ မိမိတို့သိရှိလိုသော အမျိုးအစားကိုသာရွေးချယ်ပြီး ရှာဖွေနိုင်ပါသည်။

       ထို့အပြင် ပြည်ပနိုင်ငံများမှဆေးရုံကြီးများနှင့် ချိတ်ဆက်ထားသော ရုံးခွဲများ၏လိပ်စာနှင့် ဖုန်းနံပါတ်များကိုလည်း သွားရောက်ပြသလိုသောနိုင်ငံအလိုက် ရွေးချယ်ကြည့်ရှုနိုင်မည်ဖြစ်ပါသည်။

♦♦ အရေးပေါ်ဆက်သွယ်နိုင်သည့် ဖုန်းနံပါတ်များ ♦♦

         အရေးပေါ်ကျန်းမာရေးကိစ္စများ ဖြစ်ပေါ်လာပါက လိုအပ်သော ကျန်းမာရေးစောင့်ရှောက်မှုနှင့် အကူအညီများ ရယူနိုင်ရန်အတွက် ရည်ရွယ်ပြီး အရေးပေါ်ဆက်သွယ်နိုင်သည့် ဖုန်းနံပါတ်များကဏ္႑ကို ထည့်သွင်းပေးထားခြင်းဖြစ်ပါသည်။ ရန်ကုန်မြို့ အတွင်းလူနာတင်ယာဉ် ခေါ်ဆိုနိုင်သောနေရာများ၊ (၂၄)နာရီကု ဆေးရုံ၊ ဆေးခန်းများ၊ အောက်ဆီဂျင်အခမဲ့နှင့် အခပေး ငှားရမ်းနိုင်သောနေရာများနှင့်သွေးလှူရှင်အဖွဲ့အစည်း များအားလုံးကို ဖော်ပြပေးထားပါသည်။ မိမိသိရှိလိုသော အမျိုးအစားကိုအလွယ်တကူ ရှာဖွေနိုင်မည် ဖြစ်ပါ သည်။

♦♦ ကျန်းမာရေး A – Z ♦♦

- ရောဂါတစ်ခုချင်းအလိုက် ဖြစ်ပွားရသည့်အကြောင်းအရင်းများ

- ရောဂါလက္ခဏာများ

- ဖြစ်ပွားနိုင်ခြေရှိသူများ

- စမ်းသပ်စစ်ဆေးနည်းများနှင့် ကုသနည်းများ

- နေထိုင်စားသောက်သင့်သည့်ပုံစံများ

- ကာကွယ်နိုင်သည့် နည်းလမ်းများ

♦♦ ကိုယ်၀န်ဆောင်နှင့် ကျန်းမာရေး ♦♦

- ကိုယ်ဝန်မဆောင်ခင်သိထားသင့််သည့် အကြောင်းအရာ များနှင့် လိုက်နာကျင့်သုံးသင့်သည့် နည်းလမ်းများ

- ကိုယ်ဝန်ဆောင်ချိန်  သတိပြုသင့်သည့် ကျန်းမာရေးဆိုင်ရာ ဗဟုသုတများ

- ဖြစ်ပွားတတ်သည့် ရောဂါများနှင့် ကာကွယ်နည်းများ

 ♦♦ ကျန်းမာရေးဆိုင်ရာ ဗဟုသုတများ ♦♦

- အမျိုးသား၊ အမျိုးသမီး၊ အသက်ကြီးငယ်မရွေး ဖြစ်ပွား တတ်သော ကျန်းမာရေးဆိုင်ရာကိစ္စများ

- လမ်းညွှန်ချက်များ

- နောက်ဆုံးပေါ်လေ့လာတွေ့ရှိချက်အသစ်များ

- အစားအသောက်များမှ ကိုယ်ခန္ဓာအတွက်ပေးသော ကျန်းမာရေးအကျိုးကျေးဇူးများ

 ♦♦ သက်ကြီးပိုင်းနှင့် ကျန်းမာရေး ♦♦

- အသက် ၆ဝ ကျော်အရွယ် လူကြီးများအတွက် အားဖြည့်စားသောက်သင့်သည့် အစားအစာများ

- လေ့ကျင့်ခန်းများ

- လမ်းညွှန်ချက်များ

- ရောဂါကာကွယ်နည်းများနှင့် ကုသနည်းများ

♦♦ ဆေးဝါးများ ♦♦

- ဈေးကွက်အတွင်း အသုံးများသော ဆေးဝါးများ၏ အမည်များနှင့် အသေးစိတ်အချက်အလက်များ

- တွဲဖက်မသောက်သုံးသင့်သည့် အစားအသောက်များနှင့် ဆေးဝါးများ

 ♦♦ ကလေးနှင့် ကျန်းမာရေး ♦♦

- မွေးစမှ အသက် ၁၂ နှစ်အထိ ကလေးများ၏ ကျန်းမာရေးအတွက် လိုက်နာဆောင်ရွက်သင့်သည့် အရာများနှင့် ရှောင်ကြဉ်သင့်သည့်အရာများ

- ရာသီအလိုက် ကလေးငယ်များတွင် ဖြစ်ပွား တတ်သော ရောဂါများ

- အသက်အရွယ်အလိုက် ပြောင်းလဲတတ်သော စိတ်ပိုင်းဆိုင်ရာ၊ ရုပ်ပိုင်းဆိုင်ရာ အကြောင်းခြင်းရာများ

♦♦ အလှအပနှင့် ကျန်းမာရေး ♦♦

- ဆံကေသာ ကျန်းမာရေးအတွက် လိုက်နာသင့်သည့် နည်းလမ်းများ

- အသားအရေလှပအောင် ပြုလုပ်နည်းများ

- နေ့စဉ် စားသုံးနေသော အစားအသောက်များမှပေးသည့် အလှအပဆိုင်ရာအကျိုးကျေးဇူးများနှင့် ရှောင်ကြဉ်ရမည့် ကိစ္စရပ်များ

♦♦ အမျိုးသမီးများနှင့်ကျန်းမာရေး ♦♦

- အမျိုးသမီးများ၏ အတွင်းကျကျ ကျန်းမာရေးကိစ္စရပ်များ

- ရာသီအချိန်အခါအလိုက် ရွေးချယ်စားသောက်သင့်သည့် အစားအစာများ

- ရုပ်ပိုင်းဆိုင်ရာနှင့်စိတ်ပိုင်းဆိုင်ရာ နှစ်မျိုးစလုံးကို ကျန်းမာစေမည့် နည်းလမ်းကောင်းများ

♦♦ အမျိုးသားများနှင့်ကျန်းမာရေး ♦♦

- အမျိုးသားများ သီးသန့်သိထားသင့်သည့် ကျန်းမာရေးဆိုင်ရာကိစ္စရပ်များ၊

- စိုးရိမ်စရာမလိုသည့်ပုံမှန်ဖြစ်စဉ်များ

- ရောဂါကာကွယ်နည်းများ

- အသက်အရွယ် အပိုင်းအခြားအလိုက် ဖြစ်ပွားတတ်သော ကျန်းမာရေးဆိုင်ရာ ပြဿနာများနှင့် ဖြေရှင်းနည်းများ

♦♦ ဂျာနယ်များ၊ မဂ္ဂဇင်းများနှင့် ဆောင်းပါးများ ♦♦

- ကျန်းမာရေးဆိုင်ရာ အပတ်စဉ်ထုတ်ဂျာနယ်များနှင့် လစဉ်ထုတ်မဂ္ဂဇင်းများ၏ PDF ဖိုင်များ

- ဆရာဝန်ကြီးများ၏ ဆောင်းပါးများ

♦♦ ရှေးဦးကုသနည်းများ ♦♦

- ရုတ်တရက်ဖြစ်ပေါ်လာသော ကျန်းမာရေးဆိုင်ရာ ကိစ္စများအတွက် အရေးပေါ် ကူညီဆောင်ရွက်ပေးနိုင်ရန် နည်းလမ်းများ

- အခြေအနေပိုဆိုးမသွားစေရန် ထိန်းသိမ်းစောင့်ရှောက်ပြုစု နည်းများ

♦♦ အောင်မြင်စွာ၀ိတ်လျှော့နိုင်သူများ ♦♦

- ကျန်းမာရေး (သို့) အလှအပအတွက် ရည်ရွယ်ပြီး ဝိတ်ချခဲ့သူများ၏ ကိုယ်ရေးအကျဉ်းများ

- ၎င်းတို့၏ စိတ်အားထက်သန်ပုံများ

- အခက်အခဲများကို မလျှော့သောဇွဲလုံ့လဖြင့် ကျော်ဖြတ်နိုင်ခဲ့ ပုံများ

- အချိန်ကာလတစ်ခုအပြီးတွင် ရည်မှန်းချက်ပန်းတိုင်ကို ရရှိခဲ့ပုံများ

►► Dr Myanmar ရုံးလိပ်စာ ◄◄

အမှတ် 96 ၊ 11 လမ်း၊ လမ်းမတော်မြို့နယ်၊ ရန်ကုန်မြို့။  ဖုန်းနံပါတ် - 09-455 900 006