ကလေးမမွေးခင်နှင့် မွေးပြီးနောက် စိုးရိမ်ပူပန်မှုများ

Obimin 1

>> ကိုယ်ဝန်ဆောင်စဉ် စိုးရိမ်ပူပန်မှုတွေက ကိုယ်ဝန်အပေါ် ဘယ်လိုသက်ရောက်မှုရှိသလဲ?
● ကိုယ်ဝန်ဆောင်စဉ် သောကများခြင်းကြောင့် လမစေ့ပဲကလေးမွေးခြင်းကိုဖြစ်စေပြီး နောက်ဆက်တွဲ ကလေး မကျန်းမာခြင်းနှင့် လသားအရွယ်တွင် သေဆုံးခြင်းကို ဖြစ်စေနိုင်ပါတယ်။
● ပူပန်သောကများနေသူ အမျိုးသမီးတွေဟာ ကလေးမီးဖွားစဉ်မှာလည်း အားတက်သရော ပါဝင်နိုင်ခြင်းမရှိတဲ့အတွက် သာမန်အမျိုးသမီးများထက် မွေးဖွားစဉ်မှာ ပိုမိုနာကျင်တတ်ကြပါတယ်။

>> ကိုယ်ဝန်ဆောင်စဉ် စိုးရိမ်ပူပန်မှုတွေက ရင်သွေးအပေါ် ဘယ်လိုသက်ရောက်မှုရှိသလဲ?
● လေ့လာချက်များအရ မိခင်တွင်စိုးရိမ်မှုများ ရှိနေခြင်းဟာ သန္ဓေသားရဲ့ အာရုံကြောစနစ်ဖွံ့ဖြိုးမှုအပေါ် ဆိုးကျိုးများ သက်ရောက်စေနိုင်ပါတယ်။
● ထို့ပြင် ဆက်စပ်စဉ်းစားနိုင်စွမ်း၊ ကြွက်သားနှင့် အပြုအမူပိုင်းဆိုင်ရာတိုးတက်မှုတို့ကိုလည်း ထိခိုက်စေပါတယ်။

Obimin 2

>> မီးဖွားပြီးနောက် စိုးရိမ်ပူပန်ခြင်း
● စိုးရိမ်သောကများနေသော မိခင်တွေအနေနှင့် မိမိကလေးနှင့် ရင်းနှီးမှုနည်းပါးခြင်း၊ ကလေးကို ဂရုစိုက်လိုစိတ်မရှိခြင်း၊ သံယောဇဉ်မရှိခြင်းတို့ကို ခံစားရတတ်ပါတယ်။
● ကိုယ်ဝန်ဆောင်စဉ်ကတည်းကပင် စိတ်ကျခြင်းနှင့် ရင်ဆိုင်နေရသော မေမေအများစုအနေနှင့် မီးဖွားပြီးနောက်ပိုင်းမှာလည်း စိတ်ကျခြင်းကို ဆက်လက်ရင်ဆိုင်ရတတ်ပါတယ်။
● မိခင်ရဲ့ စိုးရိမ်သောကတွေဟာ ကလေးရဲ့စိတ်ခံစားမှုဆိုင်ရာ ဖွံ့ဖြိုးတိုးတက်မှု၊ စိတ်ရှည်သည်းခံနိုင်စွမ်း၊ သင်ယူမှုနှင့် ကြွက်သားဆိုင်ရာစွမ်းရည်များ၊ တက်ကြွခြင်းနှင့် အာရုံစူးစိုက်နိုင်စွမ်းတို့ကို ထိခိုက်စေနိုင်ပြီး ကလေးကိုပါ စိုးရိမ်ပူပန်မှုများစေခြင်းနှင့် အပြုအမူပိုင်းဆိုင်ရာ မူမမှန်မှုတွေကို ဦးတည်စေနိုင်ပါတယ်။
မေမေတို့ရေ စိုးရိမ်ပူပန်မှုတွေ နည်းနိုင်သမျှ နည်းစေမယ့် နည်းလမ်းတွေကိုရှာဖွေပြီး ကိုယ်ဝန်ဆောင်ကာလနှင့် မွေးဖွားပြီးချိန်တွေမှာ စိတ်ပျော်ရွှင်ကျန်းမာအောင် နေထိုင်ခြင်းဖြင့် ကျန်းမာတက်ကြွတဲ့ရင်သွေးလေးများကို ပိုင်ဆိုင်နိုင်ကြပါစေ။

လေပြေနုသွေး (ဆေး-၂) (www.drmyanmar.com)

BMI တွက်ရန်

ကိုယ်၀န်ပတ်တွက်ရန်

ဆရာဝန်ကြီးများ၏ဆောင်းပါးများ