ကိုဗစ်ကာလကို ဖြတ်သန်းနေရတဲ့ ကိုယ်ဝန်ဆောင်နှင့် နို့တိုက်မေမေတို့အတွက် မှတ်သားဖွယ်ရာများ

>>  ကိုဗစ် ကူးစက်ခံထားရသောမိခင်မှ မွေးလာသော ရင်သွေးလေးများအား ပြုစုနည်း
●  မိခင်ကနေတစ်ဆင့် ရင်သွေးငယ်လေးကို ကူးစက်ရန် ရာနှုန်းနည်းပါးပါတယ်။
●  အချို့သောရင်သွေးလေးတွေကတော့ မွေးပြီးပြီးချင်းစစ်ဆေးမှုမှာ ပိုးတွေ့ရှိရတာမျိုး ရှိနိုင်ပါတယ်။
●  ကိုယ်ဝန်ဆောင်မိခင်တွေမှာ ကိုဗစ် ကူးစက်ခံရပါက ပေါင်မပြည့် လမစေ့သော ကလေးများမွေးခြင်းနှင့် ကလေးမှာ မွေးရာပါချို့ယွင်းချက်များပါဖို့ အလားအလာ များလှပါတယ်။
●  မွေးကင်းစကလေးငယ်များအား မျက်နှာအကာ (face shield) တပ်ဆင်ခြင်းဟာ ရုတ်တရက် အသက်ရှူရပ်ပြီး သေဆုံးခြင်းဖြစ်စေနိုင်လို့ ရှောင်ကြဉ်သင့်ပါတယ်။
●  ကလေးတွေကို ကောင်းစွာ အိပ်စက်အနားယူဖို့ ပံ့ပိုးပေးခြင်းဖြင့်လည်း ကိုယ်ခံအားတက်စေပြီး ပိုမိုကျန်းမာစေနိုင်ပါတယ်။
●  ကလေးကို မိခင်နို့ လုံလောက်စွာ တိုက်ကျွေးခြင်းဖြင့် ကိုယ်ခံအားတက်စေပြီး ရောဂါများကို ခုခံနိုင်မှာ ဖြစ်ပါတယ်။
●  ဒီလို မိခင်နို့တိုက်ကျွေးခါနီး (သို့) နို့ညှစ်ခါနီးအချိန်တွေမှာ လက်ကိုဆပ်ပြာနှင့် စက္ကန့် ၂၀ ကြာအောင် ဆေးကြောပေးဖို့ အရေးကြီးပါတယ်။ အယ်ကိုဟောပါသော လက်သန့်ဆေးရည်ကိုလည်း အသုံးပြုနိုင်ပါတယ်။
●  ကိုဗစ်ပိုးရှိသောမိခင်တွေအနေနှင့်လည်း လက်ဆေးခြင်းအပြင် နို့တိုက်စဉ်မှာ mask ကို တပ်ဆင်ဖို့ လိုပါတယ်။

လေပြေနုသွေး (ဆေး-၂) (www.drmyanmar.com)