ကိုယ်ဝန်ဆောင်ချိန်မှာ အားဆေးသောက်ဖို့ ဘာလို့အရေးကြီးတာလဲ?

●  အမြွာကိုယ်ဝန်ဆောင်ခြင်း - ကလေးတစ်ဦးထက်ပိုပြီး ကိုယ်ဝန်လွယ်ထားရတဲ့ အမျိုးသမီးတွေမှာ အာဟာရဓာတ် ပိုမိုလိုအပ်ပါတယ်။ အမေရော၊ ဗိုက်ထဲက ကလေးတွေအတွက်ပါ အာဟာရပြည့်စုံ လုံလောက်စေဖို့အတွက် ဖြည့်စွက်အားဆေး သောက်ရပါမယ်။

●  Methylenetetrahydrofolate reducatse (MTHFR) ဆိုတဲ့ မျိုးရိုးဗီဇမူမမှန်ခြင်း - ဒီမျိုးရိုးဗီဇဟာ ဖောလိတ်ကို ကိုယ်ခန္ဓာက အသုံးပြုနိုင်မယ့်ပုံစံအဖြစ် ပြောင်းလဲပေးတဲ့ မျိုးရိုးဗီဇတစ်မျိုးပါ။ ဒီမျိုးရိုးဗီဇ မူမမှန်တဲ့ ကိုယ်ဝန်ဆောင်တွေမှာ နောက်ဆက်တွဲတွေကို ကာကွယ်ဖို့ ဖောလိတ်အမျိုးအစားတစ်မျိုးကို ဖြည့်တင်းပေးဖို့ လိုအပ်ပါတယ်။

●  အာဟာရ မပြည့်ဝခြင်း - အစားကောင်းကောင်းမစားတဲ့ အမျိုးသမီးတွေ၊ အာဟာရမပြည့်ဝတဲ့ အစားအစာတွေကိုစားတဲ့ အမျိုးသမီးတွေမှာလည်း အာဟာရဓာတ်ပြည့်ဝအောင် ဖြည့်စွက်အားဆေး လိုအပ်ပါတယ်။

ဒါ့အပြင် ကျွမ်းကျင်ပညာရှင်တွေက ကိုယ်ဝန်ဆောင်အမျိုးသမီးတိုင်းကို ကိုယ်ဝန်ဆောင်အားဆေးနဲ့ ဖောလစ်အက်ဆစ်အားဆေးတွေ သောက်ဖို့ တိုက်တွန်းကြပါတယ်။ အာဟာရဓာတ် မပြည့်ဝတာကြောင့် မွေးရာပါချို့ယွင်းချက်တွေ မဖြစ်ရလေအောင် ကာကွယ်ဖို့ ဒီလိုတိုက်တွန်းရတာ ဖြစ်ပါတယ်။

Dr. Mya Phoo Ngon (www.drmyanmar.com)