ကိုယ်ဝန်ဆောင်ချိန် ကျန်းမာစွာ စားသောက်ကြမယ်
ကိုယ်ဝန်ဆောင်ချိန်မှာ ကျန်းမာရေးနဲ့ညီညွတ်ပြီး လုံလောက်မျှတတဲ့ စားသောက်ပုံဟာ မိခင်ရောကလေးပါ ကျန်းမာနေဖို့ အရမ်းအရေးကြီးပါတယ်။ ကိုယ်ဝန်မဆောင်မီကထက် တစ်ရက်ကို ၃၀၀ ကယ်လိုရီလောက် ပိုစားပေးဖို့ လိုအပ်ပါတယ်။
ကိုယ်ဝန်ဆောင်ချိန် ဘယ်လိုကျန်းမာအောင် စားသောက်ရမယ်ဆိုတာကို ကြည့်ကြရအောင်နော်။
● ကိုယ်ဝန်ဆောင်ချိန် လိုအပ်တဲ့အာဟာရဓာတ်အားလုံး ရရှိနိုင်အောင် အစားအသောက်ကို စုံစုံလင်လင် စားပေးရပါမယ်။ ထမင်း၊ ပေါင်မုန့်၊ ခေါက်ဆွဲစတာတွေ၊ အသီးအရွက်တွေ၊ နို့နဲ့နို့ထွက်ပစ္စည်းတွေနဲ့ အသားငါး ပရိုတင်းဓာတ်တွေကို တစ်နေ့ ၃ ခွက်စာ စားပေးပြီး အဆီနဲ့အချိုတွေကို လျှော့ပေါ့စားရပါမယ်။
● လုံလောက်တဲ့အမျှင်ဓာတ်ရရှိအောင် ဆန်လုံးညို၊ ပေါင်မုန့်ကြမ်း စသဖြင့် မပြုပြင်ထားတဲ့အစေ့အနှံ စတာတွေနဲ့ ဟင်းသီးဟင်းရွက်တွေကို များများစားပေးပါ။ ရေဓာတ်ပြည့်ဝအောင် သောက်ပေးဖို့လည်း အရေးကြီးပါတယ်။
Obimin 1
● ပရိုတင်းအသားဓာတ်ဟာ သွေးထုတ်လုပ်မှုအတွက် အရေးပါပါတယ်။ အထူးသဖြင့် အမဲ၊ ဝက် စသဖြင့် အနီရောင်အသားတွေ၊ ကြက်သားနဲ့ အခွံမာပင်လယ်စာစတဲ့ သံဓာတ်ကြွယ်ဝတဲ့ ပရိုတင်းဓာတ်တွေပါ။ ကိုယ်ဝန်ဆောင်ချိန်မှာ ကလေးအတွက်ပါ သွေးပမာဏထုများလာတာကြောင့် ပိုလိုအပ်လာတာပါ။
● မိခင်ရောကလေးပါ ကျန်းမာဖို့ ကျန်းမာရေးနဲ့ညီညွတ်တဲ့ ဟင်းရွက်ဆီ၊ သံလွင်ဆီ၊ အစေ့အဆံအဆီ စတဲ့ အဆီတွေ လိုအပ်ပါတယ်။
● ဗီတာမင်နဲ့သတ္တုဓာတ်တွေ လုံလောက်နေဖို့လည်း အရေးကြီးတာမို့ ကိုယ်ဝန်ဆောင်အားဆေးတွေသောက်ဖို့ ဆရာဝန်နဲ့ တိုင်ပင်ပါ။
● တစ်ရက်ကို ကယ်လ်စီယမ်ဓာတ် ၁၀၀၀-၁၃၀၀ မီလီဂရမ်ရရှိနိုင်ဖို့ နို့နဲ့နို့ထွက်ပစ္စည်းတွေနဲ့ ကယ်လ်စီယမ်ကြွယ်ဝတဲ့ အစားအသောက်တွေကို နေ့စဉ် စားသောက်ပေးပါ။
Obimin 2
● တစ်ရက်ကို သံဓာတ် ၂၇ မီလီဂရမ်လောက် ရရှိနိုင်ဖို့ သံဓာတ်ကြွယ်ဝတဲ့ အဆီနည်းအသားတွေ၊ ဟင်းနုနွယ်ရွက်၊ ပဲသီး စတာတွေကို စားပေးပါ။
● ကလေးရဲ့ ဦးနှောက်နဲ့အာရုံကြော ဖွံ့ဖြိုးစေဖို့ တစ်နေ့ကို အိုင်အိုဒင်းဓာတ် ၂၂၀ မိုင်ခရိုဂရမ် လိုအပ်ပါတယ်။ တစ်ရက်ကို ၁၁၀၀ မိုင်ခရိုဂရမ်တော့ မကျော်ပါစေနဲ့။
● တစ်နေ့ကို ဗီတာမင်စီ ၈၀-၈၅ မီလီဂရမ်လောက်ရရှိအောင် ဗီတာမင်စီ ကြွယ်ဝတဲ့ လိမ္မော်သီး၊ ဂရိတ်ဖရုသီး၊ ခရမ်းချဉ်သီး၊ ဂေါ်ဖီ စတာတွေကို စားပေးပါ။
● ဖောလစ်အက်ဆစ်ကြွယ်ဝတဲ့ အစိမ်းရင့်ရောင်အသီးအရွက်များ၊ ပဲအမျိုးမျိုးတို့ကို တစ်နေ့ကို ဖောလစ်အက်ဆစ် ၆၀၀ မိုင်ခရိုဂရမ်လောက်ရအောင် စားဖို့လိုပါတယ်။
Dr. Mya Phoo Ngon (www.drmyanmar.com)
Related News And Articles
သမီးမိန်းကလေးကို လွယ်ထားရသော ကိုယ်၀န်ဆောင်များအနေဖြင့် BPA (Bisphenol A) ဓာတုပစ္စည်းနဲ့ ထိတွေ့မရှိအောင် ရှောင်ရှားဖို့ အထူးသတိပြုသင့်ပါတယ်။
ကိုယ်၀န်ဆောင်ပထမသုံးလအတွင်း BPA နှင့် ထိတွေ့မှုရှိပါက မွေးဖွားလာတဲ့ သမီးမိန်းကလေးက ပုံမှန်ထက် ကိုယ်အလေးချိန် လျော့ကျနိုင်တယ်လို့ လ...
ရေမြွှာရေဆိုသည်မှာ ပဋိသနေ္ဓတည်ပြီးနောက် 12 ရက်အကြာမှာ ဖြစ်ပေါ်လာတဲ့ အဝါရောင်အရည်ကြည်တွေ ဖြစ်ပါတယ်။ ရေမြွှာရေမှာ များစွာသော အရေးကြီးတဲ့ လုပ်ဆောင်ချက်တွေရှိပြီး သနေ္ဓသားလောင်းကျန်းမာစွာဖွ့ံဖြိုး ရေးအတွက် မရှိမဖြစ် အရေးပါပါတယ်။ ဒါကြောင့် ရေမြွှာရေအကြောင်းကို ဗဟုသုတအဖြစ်ဖော်ပြလိုက်ပါတယ်။
...