ကိုယ်ဝန်ဆောင်နဲ့နို့တိုက်မိခင်တွေ ဆံပင်ဆေး ဆိုးသင့်၊ မဆိုးသင့်
ဆံပင်ဆိုးဆေးတော်တော်များများမှာပါတဲ့ ဓာတုပစ္စည်းတွေဟာ အဆိပ်ဓာတ်သိပ်မများပါဘူး။ ဒါကြောင့် လေ့လာမှုအများစုက ကိုယ်ဝန်ဆောင်ချိန်မှာ ဆံပင်ဆိုးနိုင်တယ်လို့ ဆိုပါတယ်။
ဒါပေမယ့် ဓာတုပစ္စည်းတွေအများကြီးပါတဲ့ ဆံပင်ဆိုးဆေးတွေကတော့ ဘေးဥပါဒ်ဖြစ်စေနိုင်ပါတယ်။
>> ကိုယ်ဝန်ဆောင်စဉ်ဆံပင်ဆိုးခြင်း
ကိုယ်ဝန်ဆောင်အများစုဟာ ကလေးကို ထိခိုက်မှုအနည်းဆုံးဖြစ်အောင် ကိုယ်ဝန်ပထမကာလ ၁၂ ပတ်ကို ကျော်လွန်မှသာ ဆံပင်ဆိုးတတ်ကြပါတယ်။ အကယ်၍ ကိုယ့်ကိုယ်ကို ဆေးဆိုးမယ်ဆိုရင်တော့ ဘေးဥပါဒ်နည်းစေနိုင်ဖို့
• လက်အိတ်ဝတ်ပါ။
• ဆိုးဆေးကိုအချိန်နည်းနည်းသာ ထားပါ။
• လေဝင်လေထွက်ကောင်းတဲ့အခန်းမှာ လုပ်ပါ။
• ဆိုးဆေးဆိုးပြီးတာနဲ့ ဦးရေပြားကိုရေဆေးချပါ။
ဆံပင်တစ်ချို့ကိုပဲ Highlight ဆိုးခြင်းကလည်း ဓာတုပစ္စည်းတွေကို ဆံပင်ကပဲစုပ်ယူပြီး ဦးရေပြားနဲ့ သွေးကြောတွေက စုပ်ယူမှုမရှိတာကြောင့် အန္တရာယ်ဖြစ်ခြင်းကို နည်းစေနိုင်ပါတယ်။
ဒန်းလိုမျိုး သဘာဝဆိုးဆေးတွေကလည်း ကိုယ်ဝန်အတွက် စိတ်ချရပါတယ်။
ကိုယ်ဝန်ဆောင်ခြင်းက ဆံပင်တွေကို ပြောင်းလဲစေနိုင်တယ်ဆိုတာကို သတိထားသင့်ပါတယ်။ ဥပမာအားဖြင့်
• အရောင်ဆိုးရာမှာ ခါတိုင်းလို အရောင်မရခြင်း
• အရောင်မစွဲခြင်း၊ ဖွာနေခြင်း၊ ခန့်မှန်းမရခြင်း စတာတွေဖြစ်လာနိုင်ပါတယ်။
ဒါကြောင့် ကိုယ်ဆိုးမယ့်အရောင်ကို ဆံပင်တစ်ချောင်းမှာ အရင်ဆိုးကြည့်ပါ။ ဆံသားကျွမ်းကျင်ပညာရှင်ကို အကြံတောင်းကြည့်ပါ။
>> နို့တိုက်နေစဉ်ဆံပင်ဆေးဆိုးခြင်း
နို့တိုက်မိခင်တွေ ဆံပင်ဆေးဆိုးလို့ ရ၊ မရကို လေ့လာမှုတွေသိပ်မရှိသေးတာကြောင့် အတိအကျမသိရသေးပါဘူး။ ဒါပေမယ့် ဆံပင်ဆိုးဆေးမှာပါတဲ့ ဓာတုပစ္စည်းတွေရဲ့ မဆိုစလောက်လောက်သာ သွေးထဲဝင်နိုင်တဲ့အတွက် နို့ထဲကနေ ကလေးဆီပါဖို့ဆိုတာ အင်မတန်နည်းပါးပါတယ်။ ရှေးခေတ်က နို့တိုက်မိခင်အမျိုးသမီးတွေဟာလည်း နို့တိုက်နေစဉ် ဆံပင်ဆိုးဆေးတွေဆိုးခဲ့ကြပေမယ့် သိသိသာသာ ဘာမှပြောင်းလဲမှုမရှိခဲ့ပါဘူး။
Dr. Mya Phoo Ngon (www.drmyanmar.com)
Related News And Articles
ကိုယ်ဝန်ဆောင်ချိန်မှာ ဘေဘီလေးရဲ့ အရိုးဖွံ့ဖြိုးမှုအတွက် ကယ်လ်ဆီယမ်ဓာတ်ကို ပိုမိုမှီဝဲပေးဖို့ လိုအပ်ပါတယ်။ အကယ်၍ မိခင်အနေနဲ့ ကယ်လ်ဆီယမ်ဓာတ် လုံလုံလောက်လောက် မရရှိခဲ့ရင် ကလေးအတွက်လိုအပ်တဲ့ ကလ်ဆီယမ်ပမာဏကို မိခင်ရဲ့အရိုးကနေ ထုတ်ယူသုံးစွဲရတဲ့အတွက် မိခင်မှာ အရိုးပါးအရိုးပွရောဂါဖြစ်နိုင်ခြေ ရှိလာနိုင်ပါ...
ကိုယ်ဝန်ဆောင်မိခင်တွေထဲမှာ ကော်ဖီကို အလွန်အမင်းနှစ်ခြိုက်သူတွေ ပါဝင်ကြမှာပါ။ ဒီလိုမိခင်တွေအနေနဲ့ အရင်က ကော်ဖီကို တစ်နေ့တစ်ခွက်၊ ဒါမှမဟုတ် နှစ်ခွက် သောက်လေ့ရှိတယ်ဆိုရင် ကိုယ်ဝန်ရှိလာတဲ့အခါ ကော်ဖီကို လုံးဝဖြတ်လိုက်ဖို့ လိုအပ်သလားဆိုတာ သိချင်ကြမယ်လို့ ထင်ပါတယ်။